| e-texts navigator |
| Wylie |
306b1 དོ་སྙམ་པ་དང་།བདག་མཐའ་ཡོད་པ་མ་ཡིན་ནོ་སྙམ་པ་དང་།མཐའ་ཡོད་ཀྱང་ཡོད་ལ།མཐའ་མེད་ཀྱང་མེད་དོ་སྙམ་པ་དང་།མཐའ་ཡོད་པ་ཡང་མ་ཡིན།མཐའ་མེད་པ་ཡང་མ་ཡིན་ནོ་སྙམ་པ་དང་།།
306b2 དེ་བཞིན་སོང་བ་ཤི་ནས་འབྱུང་བར་འགྱུར་རོ་སྙམ་པ་དང་།འབྱུང་བར་མི་འགྱུར་རོ་སྙམ་པ་དང་།འབྱུང་ཡང་འབྱུང་ལ།མི་འབྱུང་ཡང་མི་འབྱུང་ངོ་།།སྙམ་པ་དང་།དེ་བཞིན་སོང་བ་ཤི་ནས་འབྱུང
306b3 བ་ཡང་མ་ཡིན།མི་འབྱུང་བ་ཡང་མ་ཡིན་ནོ་སྙམ་པ་དང་།སྲོག་དུ་ལུས་ཡིན་སྙམ་པ་དང་།སྲོག་ཀྱང་གཞན་ལུས་ཀྱང་གཞན་ནོ་སྙམ་པ་དང་།སེམས་ཅན་འདི་གང་ནས་འོངས་དེ་འདི་ནས་ཤི
306b4 འཕོས་ནས་གང་དུ་འགྲོ་བར་འགྱུར་སྙམ་པ་དང་།སེམས་ཅན་ཡོད་པ་ལས་ཚད་དེ་འཇིག་ཅིང་མེད་པར་འགྱུར་རོ་སྙམ་པ་དང་།བྱེད་པ་དེ་མྱོང་བ་དེ་ཡིན་ནོ་སྙམ་པ་དང་།བྱེད་པ་ཡང་གཞན་མྱོང་བ
306b5 ཡང་གཞན་ནོ་སྙམ་པ་དང་།བདག་ཡོད་པས་བདག་གི་ཡོད་པར་འགྱུར་རོ་སྙམ་པ་དང་།བདག་གི་ཡོད་པས་བདག་ཡོད་པར་འགྱུར་རོ་སྙམ་པ་དང་།འདི་ནི་བདག་དེ་ལྟ་བུའམ།བདག་གཞན།
306b6 དུ་འགྱུར་བ་ཞིག་གམ།དེ་བཞིན་དུ་འགྱུར་བ་ཞིག་གམ།གཞན་དུ་འགྱུར་བ་ཞིག་གམ།འདིར་འབྱུང་བར་འགྱུར་རམ།དེ་ལྟར་འབྱུང་བར་འགྱུར་རམ།གཞན་དུ་འབྱུང་བར་འགྱུར་རམ།
306b7 འདིར་བདག་སྔོན་འབྱུང་ངམ།བདག་ད་ལྟར་བྱུང་བ་འམ།བདག་གཞན་དུ་བྱུང་ངམ་སྙམ་དུ་དེ་དག་ལ་བདག་ཏུ་མངོན་པར་ཞེན་ཏེ།འཇིག་ཚོགས་ལ་ལྟ་བ་དང་།ངའོ་སྙམ་པའི་ང་རྒྱལ
iiif viewer powered by OpenSeadragon
