| e-texts navigator |
| Wylie |
304b1 པདྨ་ཤེས་པའི་ཕུང་བ་སྟེ།ཕུང་པོ་ལྔ་རབ་ཏུ་ཤེས་སོ།།གཟུགས་ནི་ལྦུ་བརྔས་པ་ལྟ་བུ་དང་།ངན་པ་དང་།འཇིག་པ་དང་།རིང་དུ་མི་གནས་པ་དང་།ཆར་བ་ནི་ཆུའི་ཆུ་བུར་ལྟ་བུ་དང་།ངན་པ་དྲུང་།
304b2 འཇིག་པ་དང་།རིང་དུ་མི་གནས་པ་དང་།འདུ་ཤེས་ནི་སྨིག་རྒྱུ་ལྟ་བུ་དང་།ངན་པ་དང་འཇིག་པ་དང་།རིང་དུ་མི་གནས་པ་དང་།འདུ་བྱེད་རྣམས་ནི་ཆུ་ཤིང་ལྟ་བུ་དང་།ངན་པ་དང་འཇིག་པ
304b3 དང་།རིང་དུ་མི་གནས་པ་དང་།རྣམ་པར་ཤེས་པ་ནི་སྒྱུ་མ་ལྟ་བུ་དང་།ངན་པ་དང་།འཇིག་པ་དང་།རིང་དུ་མི་གནས་པར་དེ་ལྟར་ཕུང་པོ་ལྔ་རབ་ཏུ་ཤེས་སོ།།དེ་ཆོས་དེ་དག་ཉན་ཅིང་འཛིན
304b4 པ་དང་།མང་དུ་བྱེད་ཅིང་ཡོངས་སུ་རྟོག་པ་ནང་གི་སྐྱེ་མཆེད་དྲུག་རབ་ཏུ་ཤེས་ཏེ།མིག་ནང་གི་སྐྱེ་མཆེད་དང་།རྣ་བ་དང་།སྣ་དང་།ལྕེ་དང་།ལུས་དང་།ཡིད་ནང་གི་སྐྱེ་མཆེད་ཅེས་བྱ་བ་ནང་གི
304b5 སྐྱེ་མཆེད་དྲུག་པོ་དེ་དག་གོ།།དེ་ལ་མགྲི་ནང་གི་སྐྱེ་མཆེད་ནི།ན་བའི་ཆོས་ཅན་དང་།རྒ་བའི་ཆོས་ཅན་དང་།འཆི་བའི་ཆོས་ཅན་དང་།བདག་དང་བདག་གིས་སྟོང་པ་དང་།འདོད་ཆགས་ཀྱི་མེ
304b6 དང་།ཞེ་སྡང་གི་མེ་དང་།གཏི་མུག་གི་མེ་ཀུན་དུ་འབར་བ་དང་།སྐྱེ་བ་དང་།རྒ་བ་དང་།ན་བ་དང་།འཆི་བ་དང་།མྱ་ངན་དང་།སྨྲེ་སྔགས་འདོན་པ་དང་།སྡུག་བསྔལ་བ་དང་།ཡིད་མི་བདེ
304b7 བ་དང་།འཁྲུག་པ་རྣམས་ཀྱིས་ཀུན་དུ་འབར་བ་དང་།སྡུག་བསྔལ་གྱིས་ཀུན་ཏུ་འབར་བར་རབ་ཏུ་ཤེས་སོ།།དེ་བཞིན་དུ་རྣ་བ་དང་།སྣ་དང་།ལྕེ་དང་།ལུས་དང་།ཡིད་ནང་གི་སྐྱེ་མཆེད
iiif viewer powered by OpenSeadragon
