| e-texts navigator |
| Wylie |
301b1 པར་གཡེང་བ་དང་།ཏིང་ངེ་འཛིན་མ་ཡིན་པ་སྤང་བ་དང་།དོར་བ་དང་བསལ་བར་རྩོལ་ལོ།།འབད་དོ།།དུས་དུས་སུ་འམ།ཅུང་ཟད་ཅུང་ཟད་དུ་ཡང་སེམས་རྩེ་གཅིག་ཏུ་བྱ་བ་དང་།སེམས་མཉམ
301b2 པར་བཞག་པར་སློབ་པ་དང་།མངོན་པར་འཕེལ་བར་བྱ་བ་དང་།ཡོངས་སུ་རྫོགས་པར་བྱ་བར་རྩོལ་ལོ།།འབད་དོ།།སྲིད་པ་གཞན་དུ་གྱུར་པ་ན་ཡང་ཞུམ་པར་མི་འགྱུར་ཞིང་སྒྱིད་ལུག་པར
301b3 མི་འགྱུར་རོ།།ལག་བཟངས་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཏུ་སེམས་བསྐྱེད་པ་དང་།བྱང་ཆུབ་ཀྱི་སེམས་རྗེས་སུ་དྲན་པ་དང་།བྱང་ཆུབ་ཀྱི་སེམས་སྒོམ་པ་དང་།བྱང་ཆུབ་ཏུ་སྨོན
301b4 ལཱམ་དང་།བྱང་ཆུབ་ཏུ་སྨོན་ལམ་འདེབས་པ་གང་ཡིན་པ་དེ་ཉིད་དེ་དག་གི་སེམས་མཉམ་པར་བཞག་པ་དགེ་བ་དང་།སེམས་རྩེ་གཅིག་ཏུ་བྱ་བ་དགེ་བ་གྲངས་མེད་ཅིང་དཔག་ཏུ་མེད་པ་ཡིན་ནོ།།དེ་ཅིའི
301b5 ཕྱིར་ཞེ་ན།འདི་ལྟར་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ལ་ཟག་པ་མེད་པའི་སེམས་མཉམ་པར་གཞག་པ་བསྐྱེད་པར་འདོད་པ་དང་།མི་སློབ་པའི་སེམས་མཉམ་པར
301b6 གཞག་པ་བསྐྱེད་པར་འདོད་པ་དང་།ཟག་པ་མེད་པའི་སེམས་མཉམ་པར་གཞག་པ་ཡང་དག་པར་བསྐྱེད་པར་འདོད་པ་དང་།མི་སློབ་པའི་སེམས་མཉམ་པར་གཞག་པ་ཡང་དག་པར་བསྐྱེད།
301b7 པར་འདོད་པ་དེ་ནི་སེམས་མཉམ་པར་གཞག་པར་དགེ་བ་དང་།སེམས་རྩེ་གཅིག་ཏུ་དགེ་བ་མཐའ་ཡས་མུ་མེད་པ་ཡིན་ནོ།།ལག་བཟངས་དེ་ལྟར་ན་བྱང་ཆུབ་སེམས་དཔའ་བདེ་བ་དང་ལྡན
iiif viewer powered by OpenSeadragon
