| e-texts navigator |
| Wylie |
48b1 རཀྵ་ས་ཧྲི་ད་ཡན་ཕཊ། སརྦ་ཛྭ་ར་ཧྲི་ད་ཡན་ཕཊ། སརྦ་ཙཱ་ཏུར་ཐ་ཀ་ཧྲི་ད་ཡན་ཕཊ། སརྦ་ནཱ་གཱ་ནན་ཧྲི་ད་ཡན་ཕཊ། ཧཱུ~ཾ་ཧཱུ~ཾ་ཕཊ། ད་ཧ་ད་ཧ། པ་ཙ་པ་ཙ། ཨ་བྷི་ཤི་ཨ་བྷི་ཤི། ཨིན་ན་ཙ་མེ་ཀཱ་ཀྱ~ཾ་ཀུ་རུ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། གསང་སྔགས་གསུམ་པའོ། །
48b2 ན་མོ་བཛྲ་ཀྲོ་དྷ་ཡ། དང་ཥྚྲོད་ཀ་ཀ་ཏ། བྷཻ་ར་བཱ་ཡ། ཏདྱ་ཐཱ། ཧུ་ལུ་ཧུ་ལུ། ཁ་ཁ། ཁཱ་ཧི་ཁཱ་ཧི། ཏིཥྛ་ཏིཥྛ། བན་དྷ་བན་དྷ་སྭཱ་ཧཱ། ཁྲོ་བོ་བདུད་རྩི་ཐབས་སྦྱོར་གྱི་གསང་སྔགས་བཞི་པའོ། །དེ་ནས་འདི་དག་གི་སྙིང་པོ་དོན་ཡོད་པ་གང་བཏོན་པ་དང་། བཟླས
48b3 བརྗོད་བྱས་ཤིང་བསྒྲུབས་ན། བདག་གི་གསང་སྔགས་ཐམས་ཅད་བཏོན་ཅིང་ལེགས་པར་བཟླས་བརྗོད་བགྱིས་པ་དང་། བསྒྲུབས་པར་འགྱུར་བ་དེ་བཤད་པར་འཚལ་ལོ། །དེ་ལ་འདི་ནི་བདག་གི་སྙིང་པོ་ལགས་སོ། །ོ~ཾ`་ཨ་མྲྀ་ཏེ་ཧཱུ~ཾ་ཕཊ། བདུད
48b4 རྩི་ཐབས་སྦྱོར་གྱི་སྙིང་པོའོ། །རྡོ་རྗེ་ཁྲོ་བོ་བདུད་རྩི་ཐབས་སྦྱོར་གྱིས་གསང་སྔགས་རྣམས་བཤད་མ་ཐག་ཏུ་ས་ཆེན་པོ་འདི་ནི་རྣམ་པ་དྲུག་ཏུ་གཡོས་སོ། །ལོག་འདྲེན་རྣམས་ཀྱང་སྐྲག་སྟེ། སྐྱབས་མེད་ཅིང་རྟེན་མེད་པར་གྱུར་ནས། དེ་བཞིན་གཤེགས
48b5 པའི་ཐད་དུ་སོང་སྟེ། བཅོམ་ལྡན་འདས་བདག་གི་སྐྱབས་མཛད་དུ་གསོལ། བདེ་བར་གཤེགས་པ་བདག་ཅག་གི་སྐྱབས་མཛད་དུ་གསོལ་ཞེས་དེ་སྐད་དུ་སྨྲ་ཞིང་མགོ་བོ་མཐུར་དུ་གཏུགས་སོ། །ཀྱེ་ཀྱེ་ལོག་འདྲེན་མ་རུངས་པ་རྣམས་ལོངས་ལ་ངའི
48b6 ངག་ཉོན་ཅིག་། རྡོ་རྗེ་ཀུན་ཏུ་འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་བས་ཁྱོད་ཀྱི་མགོ་གཤགས་ས་རེ། ངས་རལ་པ་སེར་པོ་ཅན་རྣམས་ཀྱི་གསང་སྔགས་ཀྱིས་ལྷའི་ལོ་སྟོང་གི་བར་དུ་ལོག་འདྲེན་རྣམས་བཅོམ་པ་དང་། གཏུབས་པ་དང་།
48b7 རྡུངས་པ་དང་། གཟིར་བ་དང་། སྐམས་པ་གང་ཡིན་པ་དེ་དྲན་པར་གྱིས་ཤིག་།ངའི་མཐུ་དང་བརྩོན་འགྲུས་དང་། ཕ་རོལ་གནོན་པ་ཆེན་པོ་དྲན་པར་གྱིས་ཤིག་།གང་འདི་གསང་སྔགས་འཛིན་ཅིང་འདོན་པ་དང་། སྒྲུབ་པ་དང་། དེས་སྲུང་བ་བྱེད་པ
48b8 དེ་ལ་གླགས་མ་ཚོལ་ཅིག་། ཏིལ་སྦྲུས་པ་འམ། ཟས་ངན་པ་ཟ་ཡང་རུང་། གྲོང་གི་ཆོས་སྤྱོད་ཀྱང་རུང་སྟེ། རིག་པ་ཐམས་ཅད་སྒྲུབ་པ་ལ་གླགས་མ་ཚོལ་ཅིག་།ཟན་ཟ་བའི་ཚེ་ཡང་ཁམ་དང་པོ་སྔགས་ཀྱིས་བཏབ་སྟེ་དབུལ་བར་བྱའོ། །ཉི་མ
iiif viewer powered by OpenSeadragon
