| e-texts navigator |
| Wylie |
229b1 ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་ཏུ་འོད་དང་བདུད་རྩི་འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པད་མའི་འོད། །ལས་ཀྱི་འོད་དང་དཔེ་མེད་ས། །དཔལ་ལྡན་ས་དང་ཤེས་རབ་འོད། །ཐམས
229b2 ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་མྱུར་དུ་ཐོབ། །ས་རྣམས་མ་ཐོབ་བར་དུ་ཡང་། །འགྲོ་བ་རྣམས་ལ་ཕན་པ་དང་། །ཤེས་རབ་སྙིང་རྗེ་ལྡན་གྱུར་ཅིང་། །ཆོས་ལ་དགའ་བ་རྣམས་ཀྱིས
229b3 སྲུངས། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་སྟེ། །
229b4 སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་པོར་འགྱུར་ཞེས་གསུངས་པ་དང་། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། བཅོམ་ལྡན་འདས
229b5 ཀྱིས་གསུངས་པ་ལ་རྗེས་སུ་ཡི་རང་ཞིང་མངོན་པར་བསྟོད་དོ། །དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ། རྫོགས་སྷོ།། །།
229b6 ལྷའི་དབང་པོ་བརྒྱ་བྱིན་གྱིས་བསྟོད་པ། དུས་གསུམ་འཁོར་བའི་སྡུག་བསྔལ་ཆེན་པོ་དང་། །འདོད་ཆགས་ཞེ་སྡང་གཏི་མུག་གསུམ་གྱི་རྒྱུས། །སྡིག་སྨིན་ལས་གྲུབ་ལྷ་དང་ལྷ་མ་ཡིན། །དམྱལ་ཚོགས་མེ་ལྟར་འབར་བའི་གནས་འདི
229b7 རུ། །ཤ་ཁྲག་དམར་ལ་རོལ་པའི་ལྷ་མོ་ཁྱོད། །ལྷ་ཡི་གཡུལ་ངོ་རྒྱལ་བར་ཞལ་འཆེས་ལ། །ལྷ་མ་ཡིན་གྱི་དཔུང་རྣམས་བརླག་པར་མཛོད། །ཅེས་བསྟོད་དོ། །རྫོགས་སྷོ།། །།
229b8 ནད་ཀྱི་བདག་མོ་ལ་བསྟོད་པ། ཏིལ་མར་གྱིས་བསྐུས་ལན་བུ་གཅིག་པ་རོ་ཉེའི་སྣ་ཆས་སྒེག་ཅིང་ཆ་ལུགས་མ་ལུས་འཆང་། །རྒྱན་དུ་རྐང་སྒྲོག་ལྕགས་ལས་བྱས་པ་གཅིག་གིས་རང་གི་རྐང་པ་མཛེས་པར་བྱས་པ་སྟེ།
iiif viewer powered by OpenSeadragon
