| e-texts navigator |
| Wylie |
222b1 པས་ཚིམ་པ་དང་། བཤམས་པས་ཚིམ་པ་དང་། བསྔོས་པས་ཚིམ་པ་དང་། རེག་པས་ཚིམ་པ་དང་། རྗེས་ཀྱིས་ཚིམ་པ་དང་། བཤལ་བས་ཚིམ་པ་ཡོད་དེ། ལས་ཀྱི་རིམ་པ་བཞིན་ནོ། །འཇུར་འགེགས་ནི་གཞན་བཀག་པའི་ལས་ཀྱིས་སྔགས་དང་། ཕྱག་རྒྱ་དང་དམིགས
222b2 པ་གཞན་གྱིས་མི་ཐོབ། རྫས་ཐམས་ཅད་ལ་འཐམས་ཏེ་བཀག་པས་རྫས་གཞན་མི་མྱོང་། གཞན་གྱི་ཆུ་གཅིག་བུ་མ་བཀག་པས་ཆུ་གཙང་ཙམ་པས་མ་རེག་པ་ལས་དབང་མེད། རང་གི་རྒྱུད་ཞི་བར་བྱེད་པའི་སྔགས་དང་། ཕྱག་རྒྱ་སེ་གོལ་གཅིག་མིན་པ་གཞན
222b3 གང་གིས་ཀྱང་ཐོབ་པར་མི་ནུས་སོ། །སེ་གོལ་གཅིག་ཏུ་གཞག་པ་ཅི་ཞེ་ན་གཉིས་སུ་གྱུར་ན་གཞན་གྱི་སྒྲར་གྱུར་ནས་མི་ཐོབ། དེས་ན་རང་གི་གོ་བ་བསྐྱེད་པ་སྒྲ་གཅིག་ཏུ་ངེས་པའོ། །འདིས་ནི་བར་ཆད་ཀྱིས་མི་ཚུགས་པ་དང་། ནད་ཉུང་བ་དང་། ཚེ་རིང་བ་དང་།
222b4 ལོངས་སྤྱོད་དང་། ལྡན་པ་དང་། ཡི་ག་འཆུས་པ་རྣམས་འབྱེད་པར་བྱེད་པ་དང་། མདངས་ཉམས་པ་རྣམས་གསལ་བར་བྱེད་པ་དང་། འདི་གཞན་ལ་སྤེལ་ན་རྒྱུད་གྲོལ་ནས་ཡི་དགས་ཀྱི་རྒྱུད་ཆད་དེ་མཐར་མངོན་པར་རྫོགས་པར་འཚང་རྒྱའོ། །དེ་སྐད་ཅེས་བཀའ་སྩལ
222b5 ནས། རིགས་ཀྱི་བུ་དེ་དག་གིས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཇུར་འགེགས་ཞེས་བྱ་བའི་གཟུངས་རྫོགས་སྷོ།། །།ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཏེ་གཏན་ལ་ཕབ་པའོ།། །།
222b6 དཀོན་མཆོག་གསུམ་ལ་ཕྱག་འཚལ་ལོ། །ལུས་ཀྱི་ཟག་པ་སྦྱིན་པར་བཏང་བའི་གཟུངས། མཆིལ་མ་ལ། ཨོ~ཾ`་ཨཱཿ་སླ་རྨ་ཨ་ཧ་རེ་བྷྱཿསྭཱ་ཧཱ། ལུད་པ་ལ། ཨོཾ་ཨ་ཁྲེ་ར་ཨ་ཧ་རེ་བྷྱཿསྭཱ་ཧཱ། སྣབས་ལ། ཨོཾ་ཨ་སི་གྷ་ན་ཨ་ཧ་རེ་བྷྱཿསྭཱ་ཧཱ། ལུས་ཀྱི
222b7 དྲི་མ་ལ། ཨོཾ་ཨ་མ་ལ་ཨ་ཧ་རེ་བྷྱཿསྭཱ་ཧཱ། དྲི་ཆེན་ལ། ཨོཾ་ཨ་བྷི་སྠ་ཨ་ཧ་རེ་བྷྱཿསྭཱ་ཧཱ། དྲི་ཆུ་ལ། ཨོཾ་ཨ་ནུད་ཏྲ་ཨ་ཧ་རེ་བྷྱཿསྭཱ་ཧཱ། དེ་རྣམས་སོ་སོ་ལ་དེ་དག་ཟ་བ་རྣམས་ཀྱིས་ཐོབ་པར་གྱུར་ཅེས་བརྗོད་པར་བྱའོ། །སེ་གོལ་བརྡབ་པོ། །དེ་རྣམས
222b8 དེ་ལྟར་བྱིན་པའི་བསོད་ནམས་ཅི་བསགས་པ་ཐམས་ཅད་སེམས་ཅན་ཐམས་ཅད་ཀྱི་དོན་དུ་བྱང་ཆུབ་ཏུ་བསྔོ་བར་བྱའོ། །འདི་དག་ནི་བླ་མ་རྡོ་རྗེ་གདན་པས་མདོ་རྒྱུད་ནས་ཕྱུང་སྟེ། བ་རི་ལོ་ཙྪ་བས་བསྒྱུར་བའོ།། །།
iiif viewer powered by OpenSeadragon
