| e-texts navigator |
| Wylie |
222a1 དེ་ནས་གཉིས་ཀྱིས་མྱུར་དུ་ཕྱིན་ནས། དེ་བཞིན་དུ་བགྱིས་པས་གཟོད་དགའ་ནས་ལོངས་སྤྱོད་ཅིང་ལུས་བག་གླན་ནོ། །དེ་ནས་ཆོས་སྟོན་ལ་བབ་ནས་གཉིས་པོ་རེ་མོས་བྱས་ཏེ། ཤཱ་རིའི
222a2 བུས་བཤོས་གསོལ་ནས་གཅིག་གསོལ་དུ་སྩལ་ཏེ། ཆབ་བྱིན་པས་ཡང་གོང་བཞིན་བརྗོད་དེ་བྲོས་སོ། །ཡང་གཉིས་ཀྱིས་ཡིད་མ་ཆེས་ནས་བཅོམ་ལྡན་འདས་ལ་ཞུ་རུ་མཆིས་སོ། །བཅོམ་ལྡན་འདས་ལགས། བདག་ཅག་གིས་གསུངས་པ་བཞིན་བགྱིས
222a3 ལགས་པས་གསོ་རུ་བཏུབ་པར་གདའ་བ་ལ་ཆོས་སྟོན་ཡོལ་དུ་དོགས་ནས་འཚལ་ནས་ཡང་སྔར་བཞིན་བརྗོད་ཅིང་བྲོས་ནས་ཡང་ཞུ་རུ་མཆིས་སོ། །བཀའ་སྩལ་པ། དེ་ནི་ཁྱོད་ཀྱི་སེན་བར་དུ་ཙམ་པ་ལས་པས་ལན་པ་ཡིན་གྱིས། ལག་པ་ཁྲུས་ལ་གཟོད
222a4 བྱིན་ཅིག་། དེའི་དྲུང་དུ་འགྲོ་མི་དགོས་ཏེ་འདི་ཉིད་ཀྱིས་བཏུབ་པོ་ཞེས་གསུངས་སོ། །དེ་གཉིས་ཀྱིས་ཁྲུས་བགྱིས་ཏེ། ཆུ་སྦྱིན་སྩལ་བས་ཡི་དགས་མོ་དེ་ཉིད་དུ་འོངས་ནས་ཅུང་ཟད་ན་མདངས་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ
222a5 པ། འདི་ལྟ་བུའི་ཆུ་སྦྱིན་འདི་ནི་འདིར་མ་ཟད་དེ་དུས་ཐམས་ཅད་དུ་ཡང་ཡི་དམ་དུ་གྱིས་ལ་ཐོང་ཅིག་།གཞན་ལ་ཡང་རྒྱ་ཆེར་སྤེལ་ཅིག་།དེ་ཅིའི་ཕྱིར་ཞེ་ན། འདིའི་ཕན་ཡོན་ནི་དཔག་ཏུ་མེད་དེ་ཚད་ལས་འདས་སོ། །མདོ་ཙམ་བརྗོད་ན་འདི་ལྟ་སྟེ། འཇིག་རྟེན
222a6 གྱི་ཁམས་ཀྱི་མི་ཕྱུག་པོ་རྣམས་ལ་སྦྱིན་པ་བྱས་པ་བས་དབུལ་པོ་འགའ་ཞིག་ལ་སྦྱིན་པ་བྱས་ན་དེའི་བསོད་ནམས་བརྒྱའི་ཆར་ཡང་མི་ཉེ་སྟེ། དེ་ཅི་སྟེ་ཞེ་ན། ཕྱུག་པོ་རྣམས་ནི་ང་རྒྱལ་ཏེ་དྲེགས་པ་དང་རྒྱགས་པས་གནས་ངན་ལེན་སྤྲོ་བར་བྱེད་དོ། །འཇིག་རྟེན
222a7 གྱི་ཁམས་ཀྱི་དབུལ་པོ་རྣམས་ལ་སྦྱིན་པ་བྱས་པ་བས་ཡི་དགས་འགའ་ཞིག་ལ་སྦྱིན་པ་བྱས་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་ན། དབུལ་པོ་རྣམས་ལ་ནི་འབད་དུ་ཡོད། བཙལ་དུ་ཡོད། བསླང་དུ་ཡོད་དོ། །ཡི་དགས་ལས་ཀྱིས་དེ་ལྟ་བུ་དག་མ
222a8 ཡིན་གྱི། མ་བསྔོས་ན་ཁ་རུ་ཆུད་ཀྱང་དུག་ཆེན་པོར་འགྱུར་རོ། །འཇིག་རྟེན་གྱི་ཁམས་ཀྱི་ཡི་དགས་ལ་སྦྱིན་པ་བྱས་པ་བས་འཇུར་འགེགས་ཀྱི་ཡི་དགས་གཅིག་ལ་ཆུ་བྱིན་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་ན། ཡི་དགས་དེ་དག་ལ་ནི་དམིགས
iiif viewer powered by OpenSeadragon
