| e-texts navigator |
| Wylie |
209b1 ལེ། གརྫི་ཏ། སརྦ་མེ་གྷ་བི་ཀུཪྦ་ནི། སན་ཙ་ད་ནི། སརྦ་ཀྵེད་ཏྲན། ཨ་པུ་ར་ནི་ཙ་ཀྲེ། ཙ་ཀྲ་བརྟི། ཧི་རི་ཧི་རི། བྷེ་གེ་བྷེ་གེ། སྨ་ར་སྨ་ར། ཀཱ་ལི་ཀཱ་ལི། མ་ཧཱ་ཀ་ལི། ཧྲི་ད་ཡ~ཾ། པྲ་བི་ཤ་ཨད་ཊེ། མད་ཊེ། སརྦ་ནཱ་ག་།ཱ་ཀཪྵ་ནི། པཱུ་ར་ཡ། ཧཱུ~ཾ་ཧཱུ~ཾ། རད་ན་ཏྲ་ཡ།
209b2 བི་ཀུ་རི་ཏེ། བཛྲི་ནི། བཛྲེ་བཛྲ་པཱ་ནི། ཀ་ལ་ཤོ་དྷི་རེ། ནཱ་ག་ར+འུ་པི་ནི། སུ་རུ་པེ། བྷོ་གི་བྷོ་གི། མ་ཧཱ་བྷོ་གི། བྷོ་ག་རུ། པ་ཏ་ཡ་བ་ལེ་བཪྵ་ནི། སརྦ་ནཱ་ག་སན་ཙ་ད་ནི་སྭཱ་ཧཱ། ན་མོ་རད་ན་ཏྲ་ཡཱ་ཡ། ན་མ་ཤྩཎ་ཌ་བཛྲ་པཱ་ཎ་ཡེ། བྷན་དྷ་བྷན་དྷ། སུ་རུ་པེ། ཀ་ལ
209b3 རཱུ་པི་ནི་སྭཱ་ཧཱ། ཆོས་སྨྲ་བས་ཐོག་མ་ཁོ་ནར་བསྲུང་བའི་ཆོ་ག་བྱས་ལ། ཆོས་གོས་ཀྱི་གྲཝར་ལན་བདུན་བཟླས་བརྗོད་བྱས་ཏེ། མདུད་པ་བདུན་བོར་ནས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་འདི་ཞག་ཉི་ཤུ་རྩ་གཅིག་གི་བར་དུ
209b4 རྒྱུན་མ་ཆད་པར་བཀླག་པར་བྱའོ། །ཤར་ཕྱོགས་སུ་ནི་བ་ལང་གི་ལྕི་བས་ཀླུའི་རྒྱལ་པོ་མགོ་གསུམ་པ་ཞེས་བྱ་བ་འཁོར་དང་བཅས་ཏེ་བྲི་བར་བྱའོ། །ལྷོ་ཕྱོགས་སུ་ནི་ཀླུའི་རྒྱལ་པོ་རབ་ཏུ་རྒྱས་བྱེད་ཅེས་བྱ་བ་མགོ་ལྔ་པ་འཁོར་དང་བཅས་ཏེ་བྲི་བར་བྱའོ། །
209b5 ནུབ་ཕྱོགས་སུ་ནི་ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །བྱང་ཕྱོགས་སུ་ནི་ཀླུའི་རྒྱལ་པོ་སྤྲིན་སྐུལ་ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། །བླ་བྲེ་དང་། གོས་སྔོན་པོ་དང་།
209b6 རྒྱལ་མཚན་སྔོན་པོ་དང་། ལྷ་བཤོས་ཐམས་ཅད་ཀྱང་སྔོན་པོར་བྱའོ། །ཀླུ་གནད་ལ་དབབ་པ་ནི་མངར་གསུམ་གྱིས་བྱའོ། །མངར་གསུམ་གྱི་དགང་བླུགས་བདུན་ཡང་ཀླུའི་སྙིང་པོས་སྦྱིན་བསྲེག་བྱའོ། །སྤྲིན་གྱི་རྒྱལ་པོ་རྣམས་ཀྱང་བྲིས་ཏེ་ཆར་གྱི
209b7 རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུར་བར་བྱའོ། །འདིར་དབབ་པ་ནི་ཁུར་བ་བཀྲ་ཤིས་ལྡན་དང་། པེན་ཙེ་དང་། ཤ་དང་ཉ་ཤ་དང་། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང་ཞིང་གོས་གཙང
209b8 མ་བགོས་པས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ། དི་རི་རིར་སྒྲ་སྒྲོགས་པར་བྱེད་ཅིང་། སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཚོམ་དང
iiif viewer powered by OpenSeadragon
