| e-texts navigator |
| Wylie |
207b1 ཤེག་ཚུར་ཤེག་། འཛམ་བུའི་གླིང་དུ་ཆར་རབ་ཏུ་ཕོབ་ཤིག་།གུ་ཊུ་གུ་ཊུ། མུ་ཌུ་མུ་ཌུ། ཧི་ཧི་ཧི་ཧི། ཙུ་ཌ་ཙུ་ཌ། མ་ཧཱ་ནཱ་ག་ཧྲི་ད་ཡ། སརྦ་ནཱ་ག་ན། ཨ་གད་ཌྷ་ཡ། སན་ཙོ་ད་ཡ། ཤྲི་གྲཱན་ད་ར་སྭཱ་ཧཱ། སྤྲིན་ཆེན་པོ་རྣམ་པར་འཕྲུལ་པའི་རྒྱན་བཀོད་པ
207b2 དག་གསེར་སྣམ་གྱི་མཐའ་རིན་པོ་ཆེ་ཐམས་ཅད་ཀྱི་ཚོན་གྱི་ལྡ་ལྡི་མཛེས་པ། མུ་ཏིག་གི་རྒྱན་ཕྲེང་རབ་ཏུ་འཕྱང་བ་རྒྱ་མཚོ་ཆེན་པོའི་སྤྲིན་དག་དང་། ལྷའི་རིན་པོ་ཆེས་མཛེས་པར་བྱས་པའི་གཞལ་མེད་ཁང་མེ་ཏོག་རབ་ཏུ་འཕྱང་བ་རྒྱ་མཚོ་ཆེན
207b3 པོའི་སྤྲིན་དག་གིས་ནམ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་རློབས་ལ། རིན་པོ་ཆེའི་སྤྲིན་རབ་ཏུ་འཕྱང་ཞིང་ལྷའི་རས་བཅོས་བུ་མང་པོ་མུ་ཏིག་གི་རྒྱན་ཕྲེང་རྒྱ་མཚོ་ཆེན་པོའི་སྤྲིན་དག་དང་། སངས་རྒྱས་ཀྱི་རྣམ་པར་འཕྲུལ་པ་ཟབ
207b4 མོ་སྣ་ཚོགས་ཀྱི་བྱིན་གྱི་བརླབས་ཀྱི་སྒྲ་སྒྲོགས་པ་རྒྱ་མཚོའི་སྤྲིན་དག་དང་། དེ་བཞིན་གཤེགས་པའི་ཡོན་ཏན་གྱི་རྒྱན་བཀོད་པ་བསམ་གྱིས་མི་ཁྱབ་པ་རྣམ་པ་སྣ་ཚོགས་ཡང་དག་པར་སྟོན་པ་རིན་པོ་ཆེ་བཀོད་པ་ཆེན་པོའི་རྒྱ་མཚོའི་སྤྲིན་དག་གིས་ནམ
207b5 མཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ཏེ། སྤྲིན་ཆེན་པོ་རྣམ་པར་འཕྲུལ་པའི་སྒྲ་སྒྲོགས་པ་རྒྱ་མཚོའི་སྤྲིན་དག་དང་། རིན་པོ་ཆེ་སྣ་ཚོགས་ཀྱི་ལྷའི་བླ་བྲེའི་དྲིལ་བུའི་སྒྲ་སྙན་པར་སྒྲོགས་པ་རྒྱ་མཚོའི་སྤྲིན་དག་དང་། བྱའི་ཚོགས
207b6 ཐམས་ཅད་སྐད་འབྱིན་ཅིང་མེ་ཏོག་གི་ཆར་ཆེན་པོ་རབ་ཏུ་འབེབས་པ་རྒྱ་མཚོ་ཆེན་པོའི་སྤྲིན་དག་དང་། རྒྱ་མཚོ་སྤྲིན་ཆེན་པོ་སྒྲ་ཆེར་སྒྲོགས་ཤིང་ལྷའི་རིན་པོ་ཆེ་རབ་ཏུ་འཕྱང་ལ་མུ་ཏིག་གི་ལྡ་ལྡི་རྣམ་པ་སྣ་ཚོགས་རབ་ཏུ་འཕྱང་བ་རྒྱ་མཚོའི
207b7 སྤྲིན་དག་དང་། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམ་མཁའ་ཀུན་ཏུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང་། རིན་པོ་ཆེ་སྣ་ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་ནམ་མཁའ་ཀུན་ཏུ་ཁེབས་པར་བྱེད་པ
207b8 ལ་མཁས་པ་རྒྱ་མཚོའི་སྤྲིན་དག་དང་། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་ཏུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམ་མཁའ་མངོན་པར་ཁེབས་པར་གྱིས་ཤིག་།ཀླུ་དང་ཀླུའི་རྒྱལ་པོ་ཐམས་ཅད་ཚུར་ཤེག་།སའི་སྟེང་འདིར་འབྲུག་སྒྲ
iiif viewer powered by OpenSeadragon
