| e-texts navigator |
| Wylie |
162b1 བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་བརྗོད་བྱེད་པ་དེ་ལ་ནི་དུག་དང་། མཚོན་གྱིས་འཆི་བ་དང་།
162b2 ལྟོགས་པ་དང་། མཚོན་བརྒྱབ་པ་དང་། གཅན་གཟན་མ་རུངས་པས་ཟ་བ་དང་། མེས་ཚིག་པ་དང་། ཆུར་འཆི་བ་དང་། འགོ་བའི་རིམས་གཞན་ཡ་ང་བ་དང་། མཛེའི་ནད་དང་། གསོར་མི་རུང་བའི་ནད་ཡ་ང་བ་དང་། གཡང
162b3 ལ་ལྷུང་བ་དང་། གཞན་གྱི་བྱད་དང་། ཟས་ཀྱིས་བརྣངས་པ་དང་། བདག་རང་གིས་གསོད་པ་དང་། དེ་ལྟར་གཤིས་ངན་དུ་འཆི་བ་བཅུ་གསུམ་གྱིས་རྐྱེན་བྱེད་པར་མི་འགྱུར་རོ། །ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང་།
162b4 འཆང་བ་དང་། བཟླས་བརྗོད་བྱེད་པ་དེ་ལ་ནི་ས་དང་ནམ་མཁའ་ལ་གནས་པའི་བགེགས་དྲེགས་པ་ཅན་མ་རུངས་པ་རྣམས་ཀྱིས་ཀྱང་གླགས་རྙེད་པར་མི་འགྱུར་རོ། །ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་རྗོད་བྱེད་པ་དེ་ལ་ལས་ཀྱི
162b5 སྒྲིབ་པ་དང་། ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཐམས་ཅད་བྱང་ཞིང་དག་སྟེ། བདེ་བ་ཅན་གྱི་འཇིག་རྟེན་དུ་སྐྱེ་བར་འགྱུར་རོ། །ོཾ་བཛྲ་ཙཎ་ཌ་མ་ཧཱ་རོ་ཥ་ཎ་ཧཱུ~ཾ་ཕཊ། ཨ་པྲ་ཏི་ཧ་ཏ་བ་ལ་ཧཱུ~ཾ་ཕཊ། སརྦ་བིགྷན་ཨན་ཏ་རཱ་ས་བི་ན་ཤ་ཀ་ར་མཱ་ར་ཡ་ཧཱུ~ཾ་ཕཊ། ཅེས་བརྒྱ་རྩ་བརྒྱད
162b6 བརྗོད་ན་འགྲུབ་པའོ། །ངེས་པར་འགྲུབ་པའོ་ཞེས་གསུངས་སོ། །འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས་སྔགས། རྫོགས་སྷོ།། །། རྒྱ་གར་སྐད་དུ། དཀྵི་ཎཱ་པ་རི་ཤོ་དྷ་ནི་ནཱ་མ། བོད་སྐད་དུ། ཡོན་ཡོངས་སུ་སྦྱོང་བ་ཞེས་བྱ་བ། སངས་རྒྱས་དང་བྱང་ཆུབ་སེམས
162b7 དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ནས་འོད་ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང
162b8 ལྡན་པ་བློ་དང་ལྡན་པའི་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ན་མཿས་མན་ཏ་པྲ་བྷཱ་རཱ་ཛཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་བྷྱཿ། ས་མྱག་ས~ཾ་བུད་དྷཱ་ཡ། ན་མོ་མཉྫུ་ཤྲཱི་ཡེ། ཀུ་མཱ་ར་བྷཱུ་ཏཱ་ཡ། བོ་དྷི་ས་ཏྭཱ་ཡ།
iiif viewer powered by OpenSeadragon
