| e-texts navigator |
| Wylie |
116a1 སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ོཾ་ཨ་མྲི་ཏ་བིན་དུ་ཛ་བ་མ་ཧཱ་སུ་ཁ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར
116a2 སྣང་མཛད་ཀྱིས་ཕྱག་གཡས་པ་བརྐྱང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ཚིམ་པར་མཛད་ནས་བཀའ་སྩལ་པ། ཡོན་ཏན་རིན་པོ་ཆེའི་ཚོགས་ཅན་ཁྱོད་ཀྱི
116a3 གཟུངས་སྔགས་འདི་ཕྱུང་བས་སེམས་ཅན་རྣམས་ཀྱི་བདེ་བ་ཆེན་པོ་བསྐྱེད་པ་ལེགས་སོ་ལེགས་སོ། །ཀྱེ་རྒྱལ་བའི་སྲས་གང་ལ་ལ་གཟུངས་སྔགས་འདི་ཐོས་པ་དེ་ནི་དེ་བཞིན་གཤེགས་པ་གང་གཱའི་ཀླུང་བཅུའི
116a4 བྱེ་མ་སྙེད་ཀྱི་སྤྱན་སྔར་དགེ་བའི་རྩ་བ་བསྐྱེད་པ་དང་ལྡན་པར་འགྱུར་རོ། །གང་ལ་ལའི་རྣ་ལམ་དུ་གྲག་པར་གྱུར་པ་དེ་ཡང་སྒྲིབ་པ་དང་བྲལ་བར་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཟླ་བ་ཡར་གྱི་ངོ་ཚེས
116a5 བརྒྱད་དམ། ཚེས་བཅཝ་ལྔ་ལ་སྨྱུང་བར་འདུག་ཅིང་གསོ་སྦྱོང་དང་ལྡན་པར་བྱས་ཏེ། སྤོས་དང་། བདུག་པ་དང་། མར་མེ་དང་། མེ་ཏོག་དང་། མེ་ཏོག་ཕྲེང་དང་། བྱུག་པ་ལ་སོགས་པས
116a6 མཆོད་ལ་བསྐོར་བ་བྱས་ནས་བཟླས་བརྗོད་བྱས་ན། དམ་པ་ཅི་འདོད་པ་ཐོབ་པར་འགྱུར་ཏེ། སྡིག་པ་ཐམས་ཅད་དང་། སྡུག་བསྔལ་བ་དང་། འཇིགས་པ་ཐམས་ཅད་ལས་ཐར་བར་འགྱུར་རོ། །བྱང
116a7 ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་སྤོས་ལ་སོགས་པས་མཆོད་དེ་བཟླས་བརྗོད་བྱས་ན་རྨི་ལམ་དུ་སྟོན་པར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་། ཉོན
116a8 མོངས་པ་དང་སྡུག་བསྔལ་ཐམས་ཅད་སེལ་བར་བྱེད་དོ། །དེ་ནས་རྡོ་རྗེ་མེ་ཏོག་ཐོད་ཆེན་པོ་ས་གསུམ་གྱི་དབང་ཕྱུག་དང་ཐབས་གཅིག་ཏུ་འཁོར་གྱི་དཀྱིལ་འཁོར་ཆེན་པོ་དེའི་ནང་ནས་སྟན་ལས་ལངས་ཏེ།
iiif viewer powered by OpenSeadragon
