| e-texts navigator |
| Wylie |
72b1 བྱང་ཆུབ་སེམས་དཔའ་སེམས་དཔའ་ཆེན་པོ་བདེ་བའི་བློ་གྲོས་དང་། རྒྱ་མཚོའི་དགྲ་དབྱངས་དང་། གཟི་བརྗིད་བཀོད་པ་དང་། འཁོར་ལོ་རྣོན་པ་དང་། ཤེས་སྣང་བ་དང་། རྡོ་རྗེ་རྒྱལ་མཚན་དང་། འོད་ཟེར་འཕྲོ་བ་དང་། དྲག་ཤུལ་ཅན་དང་། དྲི
72b2 མ་སེམས་དཔའ་དང་། སྒྱུ་མའི་སྤྲུལ་པ་དང་། རིན་ཆེན་རྒྱལ་པོ་དང་། དྲ་བ་ཅན་དང་། ལག་བཟངས་དང་། གསེར་འོད་འཕྲོ་བ་དང་། རིན་ཆེན་སྙེ་མ་དང་། ཆོས་ཀྱིས་མཐོ་བ་དང་། དྲི་མ་མེད་པ་དང་། མུན་པ་སེལ་བ་དང་། དགའ་བའི་དབྱངས
72b3 དང་། གཞོན་ནུ་རིན་ཆེན་དང་། རྡོ་རྗེ་རྣམ་པར་གནོན་པ་དང་། གར་མཁན་དང་། བྲོའི་རྒྱ་མཚོ་དང་། ཐོགས་མེད་བཀོད་པ་དང་། པད་མོ་དགའ་བ་དང་། ས་ལི་དབང་ཕྱུག་དང་། རིན་ཆེན་སྤུངས་པ་དང་། སྤྲིན་གྱི་ཕྲེང་བ་དང་། ཡིད
72b4 འོང་མེ་ཏོག་དང་། ཡེ་ཤེས་སྒྲོན་མ་དང་། སྤོབས་པ་བརྩེགས་པ་དང་། ཁ་ལོ་སྒྱུར་བ་དང་། དྲན་པའི་དབང་ཕྱུག་དང་། པདྨའི་བློ་གྲོས་དང་། ལས་བྱེད་པའི་སྟོབས་དང་། སྙིང་པོ་བློ་གྲོས་རྣམས་སོ། །དེ་དག་ཀུན་ཀྱང་རང་རང་གི་བཙུན་མོའི་ཚོགས
72b5 དང་འཁྲིལ་པའི་ཚུལ་གྱིས་བཞུགས་སོ། །གཞན་ཡང་པད་མོ་འཕྲོ་བ་དང་། པད་མ་འཛིན་པ་དང་། པད་མ་སྒྲོགས་པ་དང་། པད་མ་བསྐྱོད་པ་དང་། པད་མ་ཚིམ་བྱེད་དང་། པད་མ་འཐོར་བ་དང་། པད་མ་སྣང་བ་དང་། པད་མ་དབང་བྱེད
72b6 རྣམས་ཀྱང་རང་རང་གི་ཕྲིན་ལས་ཀྱིས་བཀོད་དོ། །གཞན་ཡང་འཇིགས་བྱེད་ཆེན་པོ་བྱམས་པའི་དབང་ཕྱུག་།བརྩེ་བའི་དབང་ཕྱུག་དང་། པད་གྲོལ་དབང་ཕྱུག་དང་། གྲོལ་བའི་དབང་ཕྱུག་དང་། སྦྱིན་པའི་དབང་ཕྱུག་དང་། སྤྱོད་པའི་དབང་ཕྱུག་དང་། སྨྲ་བའི་དབང་ཕྱུག
72b7 དང་། འཐུན་པའི་དབང་ཕྱུག་ཀྱང་རང་རང་གི་རིག་པ་བཅས་པས་འཁོད་དོ། །དེ་དག་ལ་སོགས་པའི་འཁོར་གྱི་ཚོགས་རྣམ་པར་འབྱེད་པ་དང་། འབྱེད་པ་མེད་པར་སྣང་བའི་སངས་རྒྱས་དང་། བྱང་ཆུབ་སེམས་དཔའི་ཚོགས་འབུམ་ཕྲག་བཅུ་གཉིས་དང་།
72b8 ཐབས་གཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཏིང་ངེ་འཛིན་གྱི་རྒྱལ་པོ་པད་མ་ཆགས་པའི་སྤྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་ཀའི་དཔལ་བེའུ་ལ་སོགས་པའི་གནས་རྣམས་ནས། འོད་ཟེར་གྱི
iiif viewer powered by OpenSeadragon
