| e-texts navigator |
| Wylie |
72a1 འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་བདེ་བ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས། སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་གསང
72a2 བ་གཞན་ལས་ཁྱད་པར་དུ་གྱུར་པ། མཚན་དང་དཔེ་བྱད་ཕུན་སུམ་ཚོགས་པས་སྤྲས་པ། བཀོད་པ་རྒྱན་གྱི་དཀྱིལ་འཁོར་ལྷུན་པོ་བརྩེགས་ཤིང་ཡོན་ཏན་རིན་པོ་ཆེའི་འབྱུང་གནས་སྣ་ཚོགས་རྣམ་པར་སྣང་བའི་ངོ་བོ། ཟབ་པ་དང་རྒྱ་ཆེ་བའི་ཡན་ལག
72a3 ཐམས་ཅད་གསལ་བར་བྱེད་ཅིང་ཡེ་ཤེས་ཀྱི་ཚོགས་ཀྱིས་ཆོས་མ་ལུས་པ་མཐར་ཕྱིན་པ། ཀུན་ཏུ་ཕྲིན་ལས་རྒྱ་ཆེར་འཕྲུལ་པའི་བདག་ཉིད། དཔལ་བདེ་བྱེད་པད་མ་གར་གྱི་དབང་ཕྱུག་ཆགས་པ་ཆེན་པོའི་ཏིང་ངེ་འཛིན་བརྙེས་པ་མེད་པའི་ཆོས
72a4 ཉིད་ཀྱིས་ཐམས་ཅད་ལ་དབང་བསྐུར་བ་དེ་ཉིད་ལྷ་ཐམས་ཅད་འདུ་བའི་གནས་གཞལ་ཡས་ཁང་པར་དུ་གྱུར་པ། འོག་མིན་རྡོ་རྗེ་ལྷུན་པོའི་གནས་ཡེ་ཤེས་ཀྱི་སྣང་བ་རིན་པོ་ཆེ་སྣ་ཚོགས་ནི་འོད་འབར་བའི་ཁང་བཟངས། འདོད་པའི་ཡོན་ཏན་གཟུགས
72a5 ས་དུག་པ་སྣ་ཚོགས་དང་དྲི་ཞིམ་པ་སྣ་ཚོགས་དང་རོ་བྲོ་བ་སྣ་ཚོགས་དང་རེག་བྱ་འཇམ་པ་སྣ་ཚོགས་དང་ཆོས་ཀྱི་བདེ་བ་བསྐྱེད་པ་སྣ་ཚོགས་ཕྱོགས་བཅུར་འཕྲོ་ཞིང་འཕྲིག་པ་རྩེ་མོ་མཐོ་ཞིང་ཁྱམས་ཀྱི་རྣམ་པར་ཕྱེ་བར་སྒོ་བཞི་སྒོ་ཁང་དང་བཅས་པར
72a6 བཞུགས་སོ། །དེའི་ཚེ་བདེ་བར་གཤེགས་པའི་རོལ་པ་ཆེན་པོ་ཀུན་ཏུ་སྣང་བ་དང་། འོད་ཀྱི་དཔལ་དང་། དགའ་བའི་དབང་ཕྱུག་དང་། ཆོ་འཕྲུལ་བཀོད་པ་དང་། རྣམ་པར་གཟིགས་དང་། མི་བསྐྱོད་རྡོ་རྗེ་དང་། མངོན་པར་སྣང་བ་དང་། བརྟན
72a7 པའི་དབང་ཕྱུག་དང་། འབྲུག་སྒྲ་དང་། དྲི་མ་མེད་པ་དང་། རིན་ཆེན་ཕུང་པོ་དང་། ནམ་མཁའི་མཛོད་དང་། རིན་ཆེན་དྲ་བ་དང་། དཀོན་མཆོག་མཚན་དང་། རིན་ཆེན་ཏོག་དང་། འོད་ཟེར་སྣང་བ་དང་། ཚེ་མཐའ་ཡས་དང་། ཆོས་ཀྱི་དབང
72a8 ཕྱུག་དང་། ཆགས་པ་མེད་པའི་འོད་དང་། དགའ་བའི་སྤྱན་དང་། དོན་ཐམས་ཅད་ཡོད་པ་དང་། བརྩོན་འགྲུས་ཤུགས་ཅན་དང་། ལས་ཆེན་འཕྲུལ་ལས་དང་། གནོད་སྦྱིན་འདུལ་བ་དང་། སྣ་ཚོགས་དབང་ཕྱུག་གོ། གཞན་ཡང
iiif viewer powered by OpenSeadragon
