| e-texts navigator |
| Wylie |
71a1 བཛྲ་སྨ་ར། ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ། ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ། ཧུ~ཾ་ཧུ~ཾ་ཧུ~ཾ་ཧུ~ཾ་ཧུ~ཾ། ཛཿཧུ~ཾ་བ~ཾ་ཧོཿབྷྱོ་བྷྱོ་བྷྱོ་བྷྱོ། དེ་ནས་ཡང་བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའ་ཁྲོ་བོའི་རྒྱལ་པོ་དེ་ལ་འདི་སྐད་ཅེས
71a2 གསོལ་ཏོ། །ངེས་པར་བསྟན་པའི་རྒྱུད་འདི་ལ། །ཚེ་ཞེས་བགྱི་བ་ཇི་ལྟར་ལགས། །ཡུངས་ཀར་བསྒྲུབ་པ་ཇི་ལྟར་ལགས། །དེ་ཡིས་ལས་ནི་ཅི་ཞིག་འགྲུབ། །ཕུར་བུ་ཞེས་བགྱི་ཇི་ལྟར་ལགས། །དང་པོ་དམ་བཅའ་ཇི་ལྟར་ལགས། །
71a3 བཅོམ་ལྡན་ཁྲོ་བོའི་རྒྱལ་པོ་ལ། །དེ་སྐད་ཅེས་ནི་ཞུས་པ་དང་། །གསུང་ནི་འདི་སྐད་བཀའ་སྩལ་ཏོ། །ཚེ་ཞེས་བྱ་བའི་དོན་འདི་ཡང་། །ཆོས་ཉིད་སྤྲོས་པ་མེད་པ་ལ། །ཀུན་ཏུ་མི་འགྱུར་ནམ་མཁའ་འདྲ། །བསྐྱོད་མེད་དུས་ཀྱིས་གཤིག
71a4 ཏུ་མེད། །འགྲོ་བ་འཁྲུལ་པའི་ངོ་གང་ལ། །བག་ཆགས་ངན་པས་བསླུས་པ་ཡིས། །ཚེ་ལ་བར་ཆོད་འོང་བར་གསུངས། །དེ་ཕྱིར་ཚེ་ཡི་བསྒྲུབ་པ་གསུངས། །ཡུངས་ཀར་བསྒྲུབ་པའི་མཚན་ཉིད་ཀྱང་། །བག་ཆགས་འཁྲུལ
71a5 པས་གནོད་འགྱུར་བ། །མི་མཐུན་པ་དང་གཉེན་པོ་སྟེ། །དེ་དག་འདུལ་བའི་དོན་དུ་བསྟན། །དེ་ནི་ལས་ཀྱི་འབྲས་བུ་ཡང་། །སྔོན་ནས་ལས་ངན་མཐུ་རྟགས་ཏེ། །མི་མཐུན་པ་དེ་འགུགས་པར་བྱེད། །དེ་ནས་ཡུངས་ཀར་རྒྱལ་པོས་བྱའོ། །
71a6 ཕུར་བུ་ཞེས་སུ་བསྟན་པ་ཡང་། །བདག་ཉིད་ཁྲོ་བོ་ཆེན་པོ་སྟེ། །གཉིས་མེད་མཁའ་ལ་གནས་བསམས་ཏེ། །ཕུར་བུ་ཞེས་ནི་དེ་ལ་བྱའོ། །ཕྱོགས་བཅུའི་ཐུགས་ལས་སྐྱེས་པ་སྟེ། །དེ་ཕྱིར་ཕུར་བུ་ཞེས་སུ་བསྟན། །དང་པོར་དམ་བཅས
71a7 འདི་ལྟར་རོ། །ལྔ་བརྒྱ་དུས་ཀྱི་ཐ་མ་ལ། །མཚམས་མེད་ལྔ་ནི་ཀུན་སྤྱོད་ཅིང་། །གོས་ངན་རེ་བ་གོན་པ་དང་། །ཟས་ངན་གཅི་བ་ཟ་བའི་ཚེ། །དེ་ཚེ་ང་ཡི་བསྟན་པ་འབྱུང་། །དུས་ངན་ཐ་མ་བྱུང་བའི་ཚེ། །ལྷ་མོའི་ནང་ན་འོད་ཟེར
71a8 ཅན། །འཕགས་པའི་ནང་ན་འཇམ་དཔལ་གཉིས། །འདི་གཉིས་མ་གཏོགས་དངོས་གྲུབ་གཞན། །རིགས་འཛིན་ཀུན་ལ་མ་ཡིན་ནོ། །ཁྲོ་བོའི་རྒྱལ་པོ་འདི་ཡིས་ནི། །ངེས་པར་དབང་དུ་མ་གྱུར་པའི། །དང་པོ་འདས་དང་ད་ལྟར་གྱི། །
iiif viewer powered by OpenSeadragon
