| e-texts navigator |
| Wylie |
64b1 ཉོན་མོངས་སྡུག་བསྔལ་དྲལ་བྱས་ནས། །གནས་དང་གནས་མ་ཡིན་པ་ཡི། །རྒྱུ་དང་རྒྱུ་མ་ཡིན་པ་ཡི། །ཉོན་མོངས་སེམས་ཅན་མཐོ་རིས་གནས། །བསྒྲལ་བའི་ཞིང་དུ་སྨོས་པ་དེ། །དེ་ལ་དེ་བཞིན་དྲག་ཏུ་བྱ། །རིགས་དང་ལོ་གྲངས་འཐུན་པ་ལ། །
64b2 དེ་བཞིན་བྱས་ན་སྐྱོན་པ་སྟེ། །དེ་དག་ཡོངས་སུ་ཤེས་པར་བྱ། །ལས་དང་བྱ་བ་རྩོལ་བ་རྣམས། །ཉམས་ཀྱི་ཕྱག་རྒྱ་རང་དོན་སད། །དེ་རྟགས་དཀའ་བ་མི་འགྱུར་ཏེ། །མི་ལ་ཡ་ཡི་འོག་གོས་ལ། །འགི་ཝང་དག་གིས་བྲིས་བྱས་ཏེ། །འོག
64b3 ནས་འབྱུང་བའི་གསང་སྔགས་དང་། །གང་བྱ་སྤལ་ལ་བྲི་བྱས་ལ། །རཀ་ཏ་དག་གི་ཁ་ཆུས་བྲན། །ཐུབ་པ་དྲུག་གི་སྙིང་པོ་བྲི། །གསང་བའི་སྔགས་འདི་དྲག་ཏུ་བརྗོད། །ོཾ་ཧྲིཥྚི་ཀྲོ་དྷ་བི་ཀྲི་ཏ། ཧྲིཥྚི་ཀྲོ་དྷི་མ་ར་ཏ། པྲ་སད་ཧེ་ཏེ་བ་མུ་ཀ་།ཧེ་ཧང་ཧེ
64b4 ཧང་། ཀ་ལ་རུ་པ་ཧུ~ཾ་ཧུ~ཾ་ཕཊ་ཕཊ་ཨ། དེ་སྐད་གསུང་གི་སྒྲ་བསྒྲགས་པས། །དགྲ་དང་བགེགས་དང་མུ་སྟེགས་དང་། །བདུད་དང་སྲིན་པོ་མ་ལུས་རྣམས། །གཟིར་ཅིང་མནོན་པ་དྲག་ཏུ་བྱ། །མི་མཐུན་ཕྱོགས་ཀྱི་འབྱུང་པོ་དེ། །གདུལ་བར་བྱ་བའི
64b5 དོན་ཆེད་དུ། །ཁྲོ་བོའི་སྐུ་རུ་བསྒོམ་བྱས་ཏེ། །ཐམས་ཅད་བསྒྲལ་བར་བྱ་བ་ཡི། །རང་བཞིན་གྲུབ་པ་འདི་གསུངས་སོ། །ོཾ་པྲ་མཱརྟ་ན། ན་མོ་བཛྲ་བཛྲ་ཀི་མ་ན་ཏ། ཨ་ཧང་བྲ་ཁུ་མ་ཁུ་མ་མོ་མུ་སྟི་སྭཱ་ཧཱ། དེ་སྐད་ཅེས་ནི་གསུངས་པ་ཡིས། །རང་བཞིན
64b6 གྱིས་ནི་དབང་དུ་འགྱུར། །བདུད་རྣམས་དག་ནི་ཁྲོ་ཞིང་གཏུམ། །སྲིན་པོ་དག་ནི་འཇིགས་ཤིང་རྔམ། །མུ་སྟེགས་ལོག་འདྲེན་རྒོལ་བར་བྱེད། །དེ་དག་གདུལ་བར་བྱ་བའི་ཕྱིར། །ཕྲིན་ལས་དམ་པ་འདི་བརྩམས་སོ། །དཀྱིལ་འཁོར་སྔ་མ་བཞིན
64b7 བྲིས་ལ། །དབུས་ཀྱི་ཕོ་བྲང་ལྟེ་བ་ལ། །བདུད་རྣམས་འདུལ་བའི་སྙིང་པོ་བྲི། །ཤར་གྱི་འཁོར་ལོའི་རྩིབས་སྟེངས་སུ། །དྲི་ཟ་དབང་བསྡུའི་སྙིང་པོ་བྲི། །ལྷོ་ཡི་ཕྱོགས་ཀྱི་འཁོར་ལོ་ལ། །མུ་སྟེགས་སྒྲོལ་བའི་སྙིང་པོ་བྲི། །ནུབ་ཀྱི་ཕྱོགས་ཀྱི
64b8 འཁོར་ལོ་ལ། །ཀླུ་རྣམས་ཚར་གཅོད་སྙིང་པོ་བྲི། །བྱང་གི་ཕྱོགས་ཀྱི་འཁོར་ལོ་ལ། །གནོད་སྦྱིན་ཚོགས་རྣམས་དབང་སྡུད་བྲི། །ཧུ~ཾ་བིགྷ་ནན། ཧུ~ཾ་རཀ་ཤ་ནན། ཨོཾ་ཏིར་ཏི་ཀ་ནན། ཨོཾ་མ་ར་ན་ནན། མཚམས་ཀྱི་དཀྱིལ་འཁོར་ལྟེ་དབུས་སུ། །
iiif viewer powered by OpenSeadragon
