| e-texts navigator |
| Wylie |
62b1 ལས་རོ་ལངས་ཀྱི་བསྒྲུབ་པ་ལ་ངན་སྔགས་ཀྱི་ཕུར་བུས་གདབ་པའི་ལེའུ་སྟེ་བདུན་པའོ། ། །། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་ཉིད་རང་བཞིན་ལྷུན་གྱིས་གྲུབ་པ་འདི་ཆེད་དུ་བརྗོད་དོ། །ཡེ་ཤེས་འཁྱིལ་བའི་དཀྱིལ་འཁོར
62b2 བསྐྱེད་སྟེང་ན། །ཡེ་ཤེས་ཉི་མ་གསལ་བའི་ཐིག་ཕྲན་གདབ། །མུ་ཁྱུད་ཟླུམ་པོ་སྦྲུལ་གྱི་ཞགས་པ་བྲི། །སྟེགས་བུ་ཕྱོགས་མཚམས་ཕུར་བུས་བསྐོར་བར་བྱ། །དེ་ལྟར་བྲིས་པའི་དཀྱིལ་དུ་དགོད་པ་ནི། །ོཾ་ནི་དབུས་ཀྱི་ལྟེ་བ་ལ། །ཤར་དུ་ཧྲི་ལ
62b3 ལྷོ་རུ་སྟྭ~ཾ། །ནུབ་ཕྱོགས་ཧཱུ~ཾ་ལ་བྱང་དུ་ཧ། །བྱང་ཤར་མཚམས་སུ་ཛ་ཞེས་པ། །ཤར་ལྷོ་ཏྲི་ལ་ལྷོ་ནུབ་མེ། །ནུབ་བྱང་ཨ་ལ་རབ་ཏུ་བརྟེན། །རྟེན་པའི་ཡི་གེ་དེ་བཀོད་ནས། །དབུས་སུ་བརྟན་པར་བསྒོམ་པ་ནི། །གཤིན་རྗེ་སྟེ་སྐུ་དམར་ནག་ལ། །
62b4 དབུ་གསུམ་པོ་ལ་ཕྱག་ཀྱང་དྲུག་།དབུ་ལ་ཐོད་པ་ཚལ་གྱིས་བརྒྱན། །ཞལ་གཡས་སྨུག་ནག་གཡོན་ལྗང་བ། །དབུས་ནི་སྐུ་དང་རབ་འཐུན་པ། །སྐུ་ལ་ཐོད་པ་རྒྱན་གྱི་ཚལ། །ཞབས་བཞི་བརྐྱང་བསྐུམ་དུ་བཞུགས་པ། །ཡབ་ཀྱི་སྐུ་ལ་རབ་འཇུག་པ། །
62b5 གཡོན་ཕྱོགས་གནས་པ་གོང་མ་བཞིན། །ོཾ་ཨ་མྲྀ་ཏ་ཏ་ཀ་སརྦ་ཨ་མྲྀ་ཏ་ཀྲོ་ཊ་ཧཱུ~ཾ་ཕཊ། ཨོཾ་ཨ་མྲྀ་ཏ་ཀྲོ་ཊི་ཧཱུ~ཾ་ཕཊ། དེ་ལྟར་ཡབ་ཡུམ་གསལ་བར་བསྐྱེད། །པདྨའི་གདན་ལ་རབ་བཞུགས་པའོ། །འཁོར་ལ་སོགས་པའི་རིམ་པ་ནི། །བསྐྱེད་པ་གོང
62b6 མའི་རིམ་པའོ། །རྟག་ཏུ་བཟླས་པ་བསྙེན་པའི་སྔགས། །མི་དྲག་མི་བུལ་མི་ཞན་པར། །ཏིང་འཛིན་གསལ་བར་བསྒོམས་བྱས་ཏེ། །ཞི་ལ་འཚེར་བའི་ཏིང་འཛིན་ལ། །རི་རབ་དབུས་ཀྱི་ལྟེ་དབུས་ལ། །རབ་བརྟེན་འོག་གི་གོ་གོ་ནས། །རྡོ་རྗེ་ཚེ་ཡི
62b7 དབང་སྩོལ་ཏེ། །ཕྱོགས་བཅུ་གདུག་པའི་ཚེ་འདྲེན་ཏེ། །གདུག་པ་མ་ལུས་འགུགས་པར་འགྱུར། །ཚེའི་སྙིང་པོ་འདི་རྟག་ཏུ་བཟླས། ཨོཾ་ས་མ་ཡ་མཉྫུ་ཤྲཱི་མུ་ཏྲ་ཨ་ཀོ་ཨ་ཡུ་པ་ལ་སི་ཏི་ནི་བྲུ~ཾ་ཨ། དེས་ནི་ཚེ་ཡི་དབང་ཐོབ་ནས། །སངས་རྒྱས་སྐུ
62b8 དང་མཉམ་པ་དང་། །བསྐལ་པ་མ་ཞིག་བར་དུ་ནི། །ལོ་ལྔ་ལོན་པ་བཞིན་དུ་གནས། །དེ་ནས་བསྐུལ་བའི་གནས་འདི་གསུངས། །ེ་མའོ་ཕྱོགས་བཅུ་ཀུན་ནས་འདུས་པ་ཡི། །ཡེ་ཤེས་རྒྱལ་པོའི་ཐིག་ལེ་འདི། །གསང་ཆེན་རྨད་དུ་བྱུང་བ་སྟེ། །རྒྱུད
iiif viewer powered by OpenSeadragon
