| e-texts navigator |
| Wylie |
61b1 དེ་ནས་ཡང་བཅོམ་ལྡན་འདས་གཤིན་རྗེའི་གཤེད། བཅོམ་ལྡན་འདས་ཀུན་ལ་ཁྱབ་པའི་ཕྲིན་ལས་བསྒྲུབ་པ་འདི། སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ལྔ་ཕུང་ཡན་ལག་གཞོམ་པ་དང་། །དུག་གསུམ་རྩད་ནས་གཅད་པ་དང་། །འབྲས་བུ
61b2 རྒྱལ་བར་བསྒྲུབ་བྱའི་ཕྱིར། །ནན་ཏུར་ཕྲིན་ལས་བཤད་པར་བྱ། །དང་པོའི་ལས་ནི་རྒྱས་དང་བསད། །དགུག་དང་གཏང་དང་བཅིང་དང་དགྲོལ། །སྦྱོར་བའི་གདུག་པ་མ་ལུས་ཀུན། །ཕྲིན་ལས་འདི་ཡིས་བྱེད་པར་འགྱུར། །དང་པོར་བཙལ་བའི་བཙལ
61b3 ཐབས་ནི། །རྣམ་པ་དྲུག་དང་ལྡན་པས་བཙལ། །སྟག་མོ་གང་མཆོང་སྟབས་དང་། །སེང་གེ་གངས་ལ་འགྱིང་ཚུལ་དང་། །ཁྭ་སྤྱད་གཟན་ལ་རྒྱུག་ཚུལ་དང་། །བྱ་རྒོད་གཟན་ལ་འབབས་ཚུལ་དང་། །དོམ་ཆེན་རྨི་ལམ་རྨི་ཚུལ་དང་། །ཁྭ་སྐེག
61b4 ཐང་ཤིང་སྙག་ཚུལ་གྱིས། །རོ་ཡི་ཕུང་པོ་བཙལ་བར་བྱ། །རི་ལ་འདུག་ན་འགྱིང་བས་བཙལ། །སྲིབས་ལ་འདུག་ལ་མཆོང་བས་བཙལ། །གདགས་ལ་འདུག་ན་འདུག་པས་བཙལ། །འོར་ན་འདུག་ན་འབབས་པས་བཙལ། །བྲག་ལ་འདུག་ན་རྨི
61b5 བས་བཙལ། །ནགས་ལ་འདུག་ན་སྙེག་པས་བཙལ། །རྒྱལ་རིགས་ཡིན་ན་སེང་གེ་གཏང་། །བྲམ་ཟེ་ཡིན་ན་སྟག་མོ་གཏང་། །རྗེའུ་རིགས་ཡིན་ན་བྱ་རྒོད་གཏང་། །རྨང་རིགས་ཡིན་ན་དོམ་གྱིས་བྱ། །མ་ནིང་ཡིན་ན་སྤྲེའུ་ཡིས་བྱ། །དོག་ལ་ཡིན
61b6 ན་ཝ་སྤྱང་གཏང་། །དེ་ལྟར་རོ་ཡི་ཚོལ་སྟངས་ནི། །རྣམ་པ་དྲུག་དང་ལྡན་པས་བཙལ། །བརྟགས་ནས་འོངས་བ་གྱུར་པ་དང་། །གཤིན་རྗེ་རྒྱལ་པོའི་ཚམ་ངམ་བྱ། །ཁྲོ་བོ་བཅུ་ཡི་སྟངས་སྟབས་ཀྱིས། །རོ་ལ་ཀུན་ཏུ་བསྐོར་བྱས་ལ། །དཀྱིལ
61b7 འཁོར་ཆེན་པོའི་དབུས་སུ་གཞག་། དེ་ལྟར་གཞག་པའི་ལས་བྱས་ནས། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཡས་པ་ལྷོ་ཡི་ཕྱོགས། །ལག་པ་གཡོན་པ་ནུབ་ཀྱི་ཕྱོགས། །རྐང་པ
61b8 གཡས་པ་ཤར་གྱི་ཕྱོགས། །རྐང་པ་གཡོན་པ་བྱང་གི་ཕྱོགས། །དེ་ལྟར་གན་ཀྱལ་བཞག་བྱས་ལ། །ད་ནི་ཕུར་བ་དགོད་བྱ་སྟེ། །མིག་དང་རྣ་བ་སྣ་དང་ལྕེ། །ལག་གཉིས་རྐང་གཉིས་ཕོ་མཚན་དང་། །ལྐོག་མ་དེ་བཞིན་སྙིང་ཀ་དང་། །ལྟེ་བ
iiif viewer powered by OpenSeadragon
