| e-texts navigator |
| Wylie |
59a1 ས་བ་ལ་ཡང་ཐོགས་པ་མེད། །ཞེས་ནི་ཡང་དག་བླ་མེད་ངེས། །བཤད་པར་བྱ་སྟེ་རབ་ཏུ་བསྟེན། །གཞན་ཡང་རབ་ཏུ་བཤད་བྱ་བ། །སེམས་ཀྱི་དཀྱིལ་འཁོར་དམ་པ་སྟེ། །བླ་མེད་ཡང་དག་ངེས་པའི་ལམ། །སངས་རྒྱས་བྱང་ཆུབ་ལ
59a2 སོགས་རྣམས། །གཞུང་ལས་འབྱུང་བའི་ཚིག་དོན་རྣམས། །མ་ནོར་གསུངས་པའི་བཀའ་བཞིན་དུ། །བསྒྲུབས་ན་འགྲུབ་པར་བཤད་པའོ། །དེ་དག་འགུགས་པར་གྱུར་པ་ན། །ཕལ་པ་གཞན་ལྟ་སྨོས་ཅི་དགོས། །བསྡུ་དང་འདྲེན་པ་བྱང་ཆུབ་ལམ། །
59a3 འདི་དག་གོ་འཕང་ཐོབ་བྱའི་ཕྱིར། །ཡུངས་ཀར་རྐང་རྗེས་ས་འམ་གཞན། །ཁྲག་གསུམ་ཐལ་ཆེན་སྲེས་བྱས་ལ། །ག་འུའི་ནང་དུ་བླུགས་བྱས་ལ། །ག་འུ་གཉིས་ནི་ཁ་སྦྱར་ཏེ། །སྐུད་པ་དམར་པོ་ཟངས་ལ་སོགས། །བཅིང་བ་བསྡམས་ཏེ་དཀྲིས་བྱས
59a4 ལ། །དཀྱིལ་འཁོར་གྱི་ནི་ཐོག་ཏུ་གཞག་།ཡུངས་ཀར་ཟངས་གཉིས་བསྲེག་བྱས་ཏེ། །དུད་པས་ག་འུ་དེ་ལ་བདུག་།དེ་ལ་བདུགས་པར་གྱུར་པ་དང་། །བཟླས་པའི་སྙིང་པོ་བརྗོད་བྱ་ཞིང་། །ལན་གྲངས་ཁྲི་ཚད་དུ་མ་རུ། །བརྗོད་ན་སངས་རྒྱས་ལ
59a5 སོགས་རྣམས། །འགུགས་པར་འགྱུར་ན་ཕལ་པ་གཞན། །སྨོས་ཅི་དགོས་ཏེ་ངེས་པར་འགུགས། །ོཾ་བཛྲ་ཨ་ཀྲོ་མཉྫུ་ཤྲཱི་པ་ཤང་མ་ཧཱ་སརྦ་ཏི་ལ་བྲུ~ཾ། ལན་གྲངས་མང་དུ་བརྗོད་བྱས་ན། །ཅི་ལྟར་བསམས་པ་ཐམས་ཅད་འགུགས། །རྒྱ་ཤུག་བསྐུས
59a6 པའི་ཁུ་བ་དང་། །མ་ཡི་ལག་པའི་ཁུ་བ་གཉིས། །སྔ་མ་བཞིན་དུ་བཀུག་བྱས་ན། །འགུགས་པར་འགྱུར་ཞེས་དཔའ་བོས་བཤད། །ཡང་ན་རང་གི་ལག་པའང་རུང་། །ཞེས་གསུངས་པས་ཐམས་ཅད་མ་ལུས་པར་འདུས་ཏེ། དཔེར་ན་ཕྱོགས
59a7 ཐམས་ཅད་ནས་མཚོ་ལ་སྦྲང་མ་འདུ་བ་བཞིན་དུ་འདུས་ཏེ་བདག་གི་དབང་དུ་བྱ་བ་དེ་དབང་དུ་འགྱུར་རོ་ཞེས་བཅོམ་ལྡན་འདས་འཇམ་དཔལ་གཤིན་རྗེས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། དབང་གི་ལེའུ་སྟེ་བཞི་པའོ།། །།
59a8 དེ་ནས་བཅོམ་ལྡན་འདས་ཁྲོ་བོ་ཆེན་པོ་གཤིན་རྗེའི་ཚོགས་འདུ་མཛད་དེ། རང་བཞིན་གྱི་མཐུ་ཅན་འདི་གསུངས་སོ། །འབྱུང་བྱེད་ཡེ་ཤེས་དཀྱིལ་འཁོར་ནི། །དཀྱིལ་འཁོར་སྔ་མ་བཞིན་བྱས་ལ། །བདག་ཉིད་ཁྲོ་བོ་ཆེན་པོ་སྟེ། །ཡུམ་ཡང་དེ
iiif viewer powered by OpenSeadragon
