| e-texts navigator |
| Wylie |
55a1 ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་ཏུ་གསལ། །འབར་བའི་ཡེ་ཤེས་ཀུན་ཏུ་འཇོམས། །སྣ་ཚོགས་ཡེ་ཤེས་ཐིག་ལེ་ཆེ། །ཧོ། ཧཱུ~ཾ་ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །
55a2 དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ལེ་ཆེ། །ཧོ། ཧཱུ~ཾ་བདུད་རྣམས་ཀུན་གྱི་བདུད་ཆེན་པོ། །བདུད་ཀྱི་བདུད་སྟེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན
55a3 པོ་བདལ་པ་ཆེ། །ཧཱུ~ཾ་རྡོ་རྗེ་བྲག་ཆེན་སྲ་པ་པོ། །རྡོ་རྗེ་ཆུ་བོ་སྡུད་ཆེན་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ། །ཧོ། ཧཱུ~ཾ་སྟོང་གསུམ་ཁྲོ་བོའི་དཀྱིལ་འཁོར་ཚོགས། །འཇིགས་བྱེད་མཚོན་དུ་མེད་པའི་སྐུ། །སྣ་ཚོགས
55a4 གསུང་དང་སྣ་ཚོགས་ཐུགས། །འཇིགས་བྱེད་རྔམ་པའི་ཡེ་ཤེས་གཏེར། །ཧོ་ཞེས་བླངས་པས་སྟོང་གསུམ་གྱི་དེ་བཞིན་གཤེགས་པའི་འཇིགས་བྱེད་ཆེན་པོ་རྣམས་དབྱེར་མེད་པས་མཉེས་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས
55a5 ལྷུན་གྱིས་གྲུབ་པའི་ཕྲིན་ལས་དང་ཡོངས་སུ་མཉེས་པའི་ལེའུ་སྟེ་བཅུ་གཉིས་པའོ། ། །། རྡོ་རྗེ་སེམས་དཔས་གསུངས་པའི་དོན། །གསང་བ་ཀུན་གྱི་བླ་མ་སྟེ། །སྒྱུ་འཕྲུལ་དྲ་བའི་རྒྱལ་པོ་ཡིན། །ངེས་དོན་ཆོས་ཀྱི་སྙིང་པོ་ལས། །
55a6 འདུལ་བ་མདོ་སྡེ་ཆོས་མངོན་དང་། །དམ་ཚིག་སྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །སྒྱུ་འཕྲུལ་དྲ་བ་ལས་འཕྲོས་ཏེ། །སྡེ་སྣོད་ཀུན་དང་རྒྱུད་ཀུན་ཡང་། །འབྱུང་ནས་གཏན་ལ་ངེས་པར་འབེབས། །འགྲོ་དྲུག
55a7 སེམས་ཅན་གསུམ་པོ་ཡང་། །སྟན་ཆེན་པོའི་དབྱིངས་སུ་བསྟན། །ལིང་ག་པད་མར་བཅས་པ་ཡང་། །འགའ་ན་ཆེན་པོའི་དབྱིངས་སུ་སྦྱོར། །སྣང་སྲིད་ཁ་དོག་མང་པོ་ཡང་། །འགའ་ན་ཆེན་པོའི་ལམ་དུ་བསྟན། །རང་བཞིན་གསང
55a8 བའི་སྙིང་པོ་འདི། །རྟོགས་ནས་སྨྲ་བར་གང་བྱེད་པ། །དེ་ཉིད་ང་ཡིན་དབང་ཡང་རྫོགས། །རྟག་ཏུ་བྱང་ཆུབ་སེམས་ལ་གནས། །ཚེ་འདི་ཉིད་ཀྱིས་མངོན་སངས་རྒྱས། །ནོར་བུ་རིན་ཆེན་འབར་བ་ལྟར། །བསམ་པ་ཐམས་ཅད་ཡིད
iiif viewer powered by OpenSeadragon
