| e-texts navigator |
| Wylie |
54a1 ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ
54a2 འབྱིན་པར་བྱེད། །ཀུན་ལ་རབ་ཏུ་ཉམས་པར་བྱེད། །། སྤོར་བྱེད་ཆེན་མོ་ལ་སོགས་ཏེ། །ཉུལ་བྱེད་ཆེན་མོ་བརྒྱད་རྣམས་ལ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཉུལ་བར་བྱེད། །མ་ལུས་གནས་ནས་སྤོར་བར་བྱེད། །
54a3 སླས་དང་བྱི་མོ་བྲན་མོའི་ཚོགས། །བྲོ་གར་གླུ་ཚིག་ཆེན་མོས་ནི། །སྦད་ཅིང་གཏང་བར་བྱ་བ་སྟེ། །ཐམས་ཅད་མ་ལུས་བྱེད་པ་ཡིན། །ལྗོན་ཤིང་དང་ནི་ལྕུག་ཕྲན་ཚལ། །སྡོང་གཅིག་དང་ནི་མེ་རེག་ཏུ། །དང་བ་དགའ་བ་ཆགས་པ་དང་། །ཁྲོས
54a4 པས་ཀ་ལི་རབ་ཏུ་བྱ་ཞེས་གསུངས་པས་ཕྲིན་ལས་རྣམ་པ་བཞི་སྟི་རའི་རྔ་དང་བཅས་པར་ཕྱོགས་བཅུ་འཇིག་རྟེན་གྱི་ཁམས་འདུལ་བར་གྱུར་ཏེ། དེ་ནས་བཅོམ་ལྡན་འདས་ཡེ་ཤེས་རྒྱལ་པོ་འཇིགས་བྱེད་ཆེན་པོ་དེ་ཉིད་དམ་ཚིག་སྟི་རའི་རྔ་བླ་མ
54a5 རྡུང་ཞིང་སྟི་ར་རྔམ་པའི་མདངས་འདི་ཕྱུང་ངོ་། །ེ་ཡི་ཚོགས་ཆེན་འབྱམ་པ་རུ། །སྟི་རའི་རྔ་ཆེན་སྒྲ་བསྒྲགས་བས། །ཧཱུ~ཾ་ཧ་ཧེ་ཕཊ་སྒྲ་འབྱིན་ཅིང་། །ཡིག་འབྲུ་བརྒྱད་ཀྱི་བྱིན་བརླབས་ཀྱིས། །རུ་ལུ་ཧཱུ~ཾ་བྷྱོའི་གསུང་སྒྲོགས་པ། །ཁྲོ་བོ་རྔམ་པའི
54a6 སྒྲ་སྐད་ཀྱིས། །སྲིད་པ་གསུམ་ཆར་བཤིག་ནས་ཀྱང་། །སྟོང་གསུམ་བསྒྲལ་བའི་སྒྲ་འབྱིན་པའོ། །སྟི་ར་རྔ་ཆེན་འདི་རྡུངས་པས། །གནོད་སྦྱིན་སྲིན་པོ་ཀུན་བསྒྲལ་ཏེ། །མུ་སྟེགས་ཀུན་གྱི་སྙིང་ཡང་འབྱིན། །སྟི་རའི་རྔ་ཆེན་འདི
54a7 བསྒྲགས་པས། །སྟོང་གསུམ་ཁྲོ་བོའི་ཚོགས་ཀྱིས་བཀང་། །ཀུན་ཀྱང་རྔ་བརྡུང་དི་རི་རི། །རྔ་སྒྲ་ཆེན་པོས་སྟོང་གསུམ་བཤིག་།རྔ་སྒྲ་ཆེན་པོས་བདུད་དཔུང་བསྒྲལ། །རྔ་སྒྲ་ཆེན་པོས་སྲིད་གསུམ་སྦྱངས། །རྔ་སྒྲ་ཆེན་པོས་དགྲ
54a8 བགེགས་འདུལ། །རྔ་སྒྲ་ཆེན་པོས་ངན་སོང་སྦྱངས། །རྔ་སྒྲ་འབྲུག་གི་སྒྲ་བསྒྲགས་པས། །ན་རག་དམྱལ་ཁམས་སྟོངས་པར་བྱེད། །རྔ་སྒྲ་སྟུག་ཆེམ་རི་རབ་རྙིལ། །སྟི་ར་རྔ་ཆེན་སྒྲ་ཕྱུང་བས། །ཕྱིན་ཅི་ལོག་རྣམས་སྙིང་ཡང་འབྱིན། །
iiif viewer powered by OpenSeadragon
