| e-texts navigator |
| Wylie |
99b1 འདི་ནི་ཐམས་ཅད་རོལ་པ་ཡི། །འཇིགས་ཚུལ་སྟོན་པའི་ཕྱག་རྒྱ་ཡིན། ། དང་མ་གཉིས་གཏིང་སྦྱར་ཏེ། །སོ་ཕྲེང་མཆེ་བའི་ཚུལ་གྱིས་ནི། །ཤིན་ཏུ་ཁ་གླལ་བ་ཡི་ཚུལ། །འདི་ནི་འཇིགས་བྱེད་ཆེན་པོའི་རྒྱ། །མ་ཡིས་བཟུང་སྟེ་འཐེན
99b2 ནས་ནི། ། ཡིས་གདེངས་ཤིང་འཇོམས་བྱེད་པ། །འཇོམས་བྱེད་ཆེན་པོའི་ཕྱག་རྒྱ་ཡིན། །མ་དང་ཨ་ཡིས་མགོ་འཇུག་ནས། །བཟུང་བའི་ཚུལ་དུ་བྱས་ནས་ནི། ཁ་ཡིས་འདྲད་ཅིང་འཐེན་བྱེད་པ། །ཟ་བྱེད་ཆེན་པོའི་ཕྱག་རྒྱ་ཡིན། །
99b3 ཨ་དང་མ་ཡི་ཤེས་རབ་ལས། །གཡས་གཡོན་ཚུལ་གྱིས་བསྒྱུར་བྱས་ཏེ། །སོ་སོ་ཇི་ལྟར་ཡིན་ཐབས་སྦྱར། །གནས་དང་ཡུལ་གྱི་གཏན་ཚིགས་སུ། །བསྒྱུར་བ་གར་གྱི་ཕྱག་རྒྱར་བཤད། །དཔའ་བོ་གདན་ལ་བཞེངས་ནས་ནི། །ཕྱོགས
99b4 མཚམས་ཀུན་ཏུ་བལྟས་བྱས་ནས། །ཤིན་ཏུ་འགྱིང་ཞིང་བརྗིད་པར་བྱེད། ། དང་མ་ཡི་འབྲུ་རྣམས་ནི། །སོ་སོར་བརྡབས་ནས་དཀུར་བརྟེན་བྱ། །བགྱིང་བའི་ཚུལ་གྱིས་སྤྱད་བྱས་ནས། །སྟག་གི་སྟབས་ཀྱིས་ཀུན་ཏུ་བསྐོར། །དེ་ནས་རྨུན
99b5 བྱ་སྟབས་ཀྱིས་ནི། །གོང་མ་བཞིན་དུ་བསྐོར་བར་བྱ། །དེ་བཞིན་རུས་སྦལ་གཟིགས་དང་སྟག་།སྤྱང་གི་སེང་གེ་དོམ་སྟབས་དང་། །ཕག་ཆེན་དྲེད་ཀྱི་སྟབས་ཀྱིས་ནི། །ཐམས་ཅད་ཐམས་ཅད་བསྐོར་བར་བྱ། །དེ་བཞིན་འདབ་ཆགས་ཐམས
99b6 ཅད་ཀྱིས། །འཇོ་ཚུལ་སྟབས་རྣམས་རྫོགས་བྱས་ནས། །དཀྱིལ་འཁོར་ཐམས་ཅད་རྫོགས་པར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུར་བ་ཕྱག་རྒྱའི་ལེའུ་སྟེ་ཉི་ཤུ་རྩ་བརྒྱད་པའོ།། །།
99b7 དེ་ནས་སེམས་དཔའི་རྡོ་རྗེ་དེས་མཆོད་པ་དམ་པ་གསང་བའི་ལེའུ་འདི་གསུངས་སོ། །ཧཱུ~ཾ་འབྱུང་བ་ཆེན་པོ་ནམ་མཁའ་ནི། །འབྱུང་བ་ཆེན་པོ་ལྔ་ཡི་མཛོད། །ནམ་མཁའ་ལས་ནི་འདོད་པ་འབྱུང་། །འདོད་པའི་མཆོད་པ་འབྱུང་གྱུར་ཅིག་།ཟླ་རྒྱས་ལ་སོགས
99b8 སྙིང་པོ་མཆོག་། མ~ཾ་ས་ལ་སོགས་རྣམ་ལྔའི་རྫས། །མེ་ཏོག་ལ་སོགས་ཙན་དན་ཕྲེང་། །སྣ་ཚོགས་མཆོད་པ་འབྱུང་གྱུར་ཅིག་།མི་མོ་རྣམས་ཀྱི་རེག་བྱ་མཆོག་།འཁྲིལ་འཁྱུད་སྒྱུར་བའི་གཟུངས་ཆེན་མ། །དབང་པོ་སྦྱོར་བའི་དགྱེས་མཆོད་དེ། །
iiif viewer powered by OpenSeadragon