| e-texts navigator |
| Wylie |
98a1 མེ་ཡི་འདུ་འཕྲོ་རྒྱུན་དུ་བྱ། །རྡོ་རྗེ་ལས་ཀྱི་ཀརྨ་ལ། །ལས་རྣམས་རྫོགས་པའི་མངའ་གསོལ་ཏེ། །ལས་ཀྱི་ཕྲེང་བ་རྫོགས་པར་བྱ། །རྡོ་རྗེ་ཆེན་པོའི་བླ་མ་ཞིག་།རོ་ཡི་ཉེས་པའི་མཐའ་བཟུང་ནས། །ལས་ཀྱི་བསགས་པ་བགྲང
98a2 ཞིང་བཤགས། །རྡོ་རྗེ་སྐབས་སྦྱོར་བླ་མ་ཡིས། །བདུད་རྩི་སྐབས་ཀྱི་མཆོད་པ་སྦྲེང་། །རྡོ་རྗེ་བྲོ་གར་གླུ་ཚིག་གིས། །སྐབས་ཀྱི་གླུ་གར་མཆོད་པ་དག་།རོལ་མོས་དྲངས་ཏེ་དབུལ་བར་བྱ། །རྡོ་རྗེ་གནས་ཀྱི་སྨོན་ལམ་ནི། །སྐབས་དང་ལས་ཀྱི་མཇུག
98a3 ཏུ་གདབ། །རྡོ་རྗེ་ལས་ཀྱི་ལྟང་འཛིན་པས། །རྩ་བརྒྱད་ལས་ཀྱིས་གྲངས་བཟུང་སྟེ། །དཀར་བྱུང་བླ་མའི་ཕྱག་ཏུ་དབུལ། །རོ་ཡི་ལས་ངན་ལྟང་འཛིན་པས། །གྲངས་མེད་གྲངས་སུ་བཟུང་ནས་ནི། །མཚན་མ་ནག་པོའི་བྱང་བུ་དག་།ཡེ་ཤེས་མེ་ཡི་གློང་བུ
98a4 བསྲེག་། མེ་ཡིས་སྦྱོར་བའི་ཆོ་ག་བྱ། །མེ་ཡི་ལྷ་ནི་གང་ཡིན་པ། །མེ་ཡི་སངས་རྒྱས་སྣང་མཐའ་ཡས། །མེ་ཡི་ལྷ་མོ་གོས་དཀར་མ། །རྒྱལ་བ་ཀུན་གྱི་འོད་མཆོག་སྟེ། །འབྱུང་བ་མེ་ལ་དབང་སྒྱུར་ཞིང་། །ཐམས་ཅད་ཀུན་གྱི་དྲོད་བདག་ཡིན། །སྲིད་གསུམ
98a5 སྲེག་པར་ཞལ་གྱིས་འཆེས། །འཁོར་བའི་སྲེག་པའི་འཕྲིན་ལས་ལ། །ཐུགས་དམ་དབང་གིས་ཡོང་མི་འདའ། །མེ་ཡི་ཆོ་ག་ཐམས་ཅད་ནི། །ཡུམ་ཆེན་དཀར་མོ་ཉིད་ལ་བསྒོ། །དེ་ནས་ཆོ་ག་ཀུན་རྫོགས་ནས། །རོ་ཡི་སྒྲིབ་པ་བྱང་མ་བྱང་། །མེ་ཡི་དངོས
98a6 གྲུབ་ཐོབ་མི་ཐོབ། །མེ་ལ་མཁས་པས་གོང་བཞིན་བརྟག་།མཚན་མ་མི་སྡུག་བྱུང་བ་ན། །བསྲེག་སྦྱང་ཆོ་ག་རྒྱ་ཆེར་བྱ། །གལ་ཏེ་མགུ་ན་དངོས་གྲུབ་ཐོབ། །རོ་ཡི་ཐལ་བ་ཆེན་པོ་ལ། །བཏགས་ནས་ཐལ་བའི་བདུད་རྩིར་བསྒྲུབ། །དེས་ནི་བསོད་ནམས
98a7 ཆེན་པོ་ནི། །དཔག་ཏུ་མེད་པ་ཐོབ་པར་འགྱུར་ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་མེའི་ཆོ་ག་བསྒྲུབ་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་སེམས་དཔའི་རྡོ་རྗེ་དམ་པ་དེས་དཀྱིལ་འཁོར
98a8 ཐམས་ཅད་བྱིན་གྱིས་རློབ་པ་ཞེས་བྱ་བའི་རྡོ་རྗེ་སྔགས་ཀྱི་ཚིག་འདི་གསུངས་སོ། །སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་བཛྲ་ཙཎྜ། སརྦ་དུཥྚཱན་ས~ཾ་ཤྲཱི་ཧེ་རུ་ཀཱཾ་ཏ་ཀ་ཧ་ན་པ་ཙ་ཧཱུ~ཾ་ཧཱུ~ཾ། ས་ས་ས་ས་ས་མ་ཡ་ས་ནུ་ནེ། ས་ནོརྦ་ར། བཛྲ་གརྦྷ། རཏྣ་གརྦྷ།
iiif viewer powered by OpenSeadragon