| e-texts navigator |
| Wylie |
97b1 བདུད་རྩི་ཞུན་ཆེན་ཁུ་བ་ཡིས། །རས་ལ་བྱུགས་པས་རོ་བཀྲིས་ཏེ། །རོ་ཡི་གནས་རྣམས་གང་ཡིན་པར། །སྔགས་ཀྱི་སྦྱོར་བ་ཀུན་བཀོད་ནས། །ཕྱག་རྒྱའི་མཚན་མས་གདབ་པར་བྱ། །རྒྱལ་བའི་དཀྱིལ་འཁོར་གང་དག་ནི། །གཞུང་ཡིན་བ་ཡི
97b2 ཕྱག་རྒྱ་རྣམས། །དུ་འབྱུང་བ་དང་མཉམ་པ་ཡི། །སྡོང་བུའི་གྲངས་ཀྱང་དེ་ལྟར་བྱ། །སྡོང་བུ་རེ་ལ་ལྷ་རྣམས་ཀྱིས། །མ་ནོར་རྩ་བའི་སྙིང་པོ་དག་།རས་ཆེན་དག་ལ་བྲིས་ཏེ་གདགས། །རོ་ཡི་སྦྱོར་བ་རྫོགས་པ་དང་། །རོ་ཡི་ཕྱི་ཤུན་ཐམས་ཅད་ལ། །
97b3 འཁོར་བའི་བག་ཆགས་ཀུན་བཀོད་དེ། །རས་སམ་ཤིང་ཤུན་ཤོག་ཤོག་ལ། །འཁོར་བའི་ས་བོན་ཐམས་ཅད་དགོད། །ཉོན་མོངས་ལྔ་དང་དུག་གསུམ་བཅས། །སྐྱེ་བའི་ལམ་ལྔ་རྒྱུད་དྲུག་རྣམས། །མིང་ངམ་གཟུགས་སུ་བྱས་ནས་ནི། །གནས
97b4 གནས་དག་ཏུ་དགོད་པར་བྱ། །ཁམས་དང་སྐྱེ་མཆེད་ཕུང་པོ་ལྔ། །གཟུང་འཛིན་མིང་དུ་བཅས་པ་རྣམས། །བརྡ་ཡི་ཚུལ་དུ་བྲིས་ནས་ནི། །རོ་རྣམས་ཁྱད་པར་དགོད་པར་བྱ། །དེ་ནས་རོ་ཡི་ཕུང་པོ་དེ། །རྟེན་ནམ་གླེགས་སམ་སྟེགས་བུ་ཡི། །སྟེང་དུ་མཁས
97b5 པས་གཞག་པར་བྱ། །ཐབ་ཀྱི་ཆོ་ག་བརྩམ་པ་ནི། །མཎྜལ་འཁོར་ཁྱུད་ཙམ་ཞིག་ལ། །དཀྱིལ་འཁོར་གང་དང་གང་ཡིན་པའི། །ཕྱག་རྒྱ་བཞུགས་པའི་ཕོ་བྲང་དག་།ཐིག་གིས་ཡུལ་གཅད་སོ་སོར་བྱ། །དེ་ཡི་སྟེང་དུ་ཤིང་བརྩིག་པ། །དབྱིབས་ནི
97b6 གྲུ་བཞི་གཏམས་པ་ལ། །ཟུར་བཞི་ཀ་པ་བཞིས་བརྟན་བྱ། །སུམ་བརྩེག་ཡང་ཐོག་བར་ཁང་བཅས། །མཐའ་མ་ཤིང་གིས་བརྫང་བར་བྱ། །བར་ཁང་དག་གི་གླེགས་མ་ལ། །རོ་ཡི་བཞིན་ཕྱོགས་ཤར་དུ་བསྟན། །རོ་ཡི་སྟེང་གི་ཁང་པ
97b7 ལ། །རས་སམ་ཤོག་ཤོག་ལ་བྲིས་པའི། །ཕྱག་རྒྱའི་དཀྱིལ་འཁོར་གསལ་བར་དགོད། །རོ་ཁང་གློ་སྐར་བཞི་ཕྱེ་ལ། །ཐུགས་རྗེ་གཟུངས་ཐག་བཞིས་བཏགས་ནས། །ཕྱོགས་བཞི་བླ་མ་བཞི་ལ་དབུལ། །ཤིང་གི་ཆོ་ག་རྫོགས་པ་དང་། །
97b8 ཤིང་གི་ཕྱི་མཐའ་སྟེགས་བུ་ལ། །ཕྱག་རྒྱའི་ལྷ་རྣམས་རིམ་པར་དགོད། །སྟེགས་བུ་རྫོགས་པར་གྱུར་པ་དང་། །རྡོ་རྗེ་ལས་ཀྱི་སྐོས་གདབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་བསྲེག་པའི་མངའ་གསོལ་ཏེ། །ཏིང་འཛིན་ཡེ་ཤེས་རྩེ་གཅིག་པས། །
iiif viewer powered by OpenSeadragon