| e-texts navigator |
| Wylie |
97a1 དག་པའི་མཐའ་འཛིན་ཉེས་མཆོག་འཛིན། །རྡོ་རྗེ་གསང་བའི་གླུ་བྲོ་གར། །མཆོད་པ་གསང་བ་དུས་ཚིགས་སྦྱོར། །རྡོ་རྗེ་ལམ་གྱི་སྨོན་ལམ་སྦྱོར། །གསང་བ་ལས་ཀྱི་རྒྱུད་ལྡན་པས། །བཤར་གདབ་ཞི་བའི་ལྷ་རྒྱུད་དང་། །རྒྱས་དང་དབང་བཤར
97a2 རྒྱུད་བཤར་བས། །ལྷ་དང་སྔགས་དང་ཕྱག་རྒྱ་དང་། །དེ་བཞིན་རྒྱུད་དང་འབྱོར་པར་བྱ། །རིགས་ཀྱི་ལྷ་རྒྱུད་ལྔ་རྣམས་ནི། །སོ་སོའི་རིགས་སུ་བཤར་བཏབ་སྟེ། །གློང་ཡངས་འཁྱིལ་པའི་ཧོམ་ཁུང་དུ། །དམ་རྫས་བདུད་རྩི་འབར་བ་ཡིས། །སྦྱང་དང་ཐོབ
97a3 ཕྱིར་བསྲེག་བྱར་འོས། །བསྲེག་རྫས་སྐྱེ་བའི་ཆོས་ཡིན་ཏེ། །སྐྱེ་བར་སྣང་བའི་ཆོས་ཐམས་ཅད། །འདིར་ནི་དངོས་པོ་བཞིན་སྣང་སྟེ། །ཆོས་ཅན་རྐྱེན་དང་འབྱུང་གནས་དང་། །རང་བཞིན་ཉིད་ལས་ཆོ་འཕྲུལ་ནི། །སྐྱེ་བ་ཉིད་དུ་འདོད་པ་ཡིན། །འདི་ནི་སྐྱེ་བའི
97a4 ཆོས་ཅན་ཏེ། །རང་འབྱུང་སྲེག་རྫས་རང་ཞིར་ཐིམ། །ཉོན་མོངས་ལྔ་ཡི་དམ་རྫས་དག་།ཡེ་ཤེས་ལྔ་ཡི་གློང་དུ་དབུལ། །ཕུང་པོ་ལྔ་ཡི་དམ་རྫས་རྣམས། །ཐབས་མཆོག་ཡབ་ལྔའི་སྐུ་ལ་བསྟིམ། །འབྱུང་ལྔས་བསྡུས་པའི་བསྲེག་རྫས་རྣམས། །ཤེས་རབ
97a5 ཡུམ་ལྔའི་གློང་དུ་བསྟབས། །རྣམ་ཤེས་བརྒྱད་ཀྱི་བསྲེག་རྫས་རྣམས། །ཡེ་ཤེས་གནས་ཀྱི་མ་བརྒྱད་དོ། །ཡུལ་གྱི་གཡེང་བ་རྣམ་པ་བརྒྱད། །དམིགས་མེད་དབྱིངས་ཀྱི་བྱེ་བྲག་བརྒྱད། །སྐྱེ་བཞི་ལས་ཀྱི་བསྲེག་རྫས་རྣམས། །རྣམ་ཐར་སྒོ་བཞིའི་གློང་དུ་ཐིམ། །
97a6 ཐབས་མཆོག་ལ་སོགས་རྒྱ་མཚོའི་ཚོགས། །སོ་སོའི་ཡོན་ཏན་ཐམས་ཅད་དག་།རྡོ་རྗེ་གླུ་ཡིས་བརྗོད་ནས་ཀྱང་། །དེ་དག་མཉེས་པའི་མཆོད་པ་བརྩམ། །མཆོད་པ་ཐམས་ཅད་རྫོགས་པ་དང་། །སྒྲིབ་བྱང་མ་བྱང་དོན་ཆེན་རྣམས། །གྲུབ་དང་མ་གྲུབ་དོན་རྣམས་ནི། །
97a7 མེ་ལ་མཁས་པས་བརྟག་པར་བྱ། །མེ་སྒྲ་གཉིས་དང་ཁ་དོག་གཉིས། །འབར་ཚུལ་གཉིས་དང་དབྱིབས་རྣམ་དྲུག་།དེ་དག་ཡོངས་སུ་ཤེས་པར་བྱ། །གལ་ཏེ་མཚན་མ་མི་སྡུག་ན། །བཀྲ་མི་ཤིས་པའི་རྟགས་ཡིན་པས། །བསྲེག་སྦྱང་ཆེན་པོ་རྒྱས་པར་བྱ། །
97a8 དེ་ནས་འདོད་པའི་རྟགས་བྱུང་ན། །མེ་ལ་འདོད་པའི་དངོས་གྲུབ་རྣམས། །རྣམ་གསུམ་གང་ལྟར་གྲུབ་པ་བླང་། །རོ་ཡི་རྫས་རྣམས་བསྲེག་སྦྱངས་ནས། །རོ་ལ་སྔགས་ཀྱིས་བཏབ་ནས་ཀྱང་། །ཤིན་ཏུ་དྲི་ཞིམ་སྣ་ཚོགས་ཀྱིས། །རོ་ལ་བྱུག་ཅིང་བཀྲུ་བར་བྱ། །
iiif viewer powered by OpenSeadragon