| e-texts navigator |
| Wylie |
96b1 མེ་ཉིད་ཡེ་ཤེས་གསལ་བའི་གློང་། །འབར་འཕྲོ་གསལ་བར་གྱུར་པས་ནི། །མུན་གསལ་དངོས་པོ་ཐམས་ཅད་བསྲེགས། །བདེ་ཆེན་དབྱིངས་སུ་ཀུན་རྫོགས་པར། །དཔའ་བོ་ཁྱོད་ཀྱིས་མཛད་པ་ལེགས། །ཐུགས་རྗེ་ཆེན་པོ་ཨ་ལ་ལ། །དོན་གྲུབ་ཆེན་པོ
96b2 ཨ་ལ་ལ། །སྒེག་པ་ཆེན་པོ་ཨ་ལ་ལ། །འཇིགས་བྱེད་ཆེན་པོ་ཨ་ལ་ལ། །དགྱེས་པ་ཆེན་པོ་ཨ་ལ་ལ། །དྲེགས་པ་ཆེན་པོ་ཨ་ལ་ལ། །དཔའ་བོ་ཁྱོད་ཀྱི་བྱིན་བརླབས་ཀྱིས། །བདག་ཅག་རྣམས་ལ་བཤད་པ་ཤོད། །མེ་ཡི་རང་བཞིན་ཆེན་པོ་དག་།
96b3 བདག་ཅག་རྣམས་ལ་བཤད་པར་གསོལ་ཞེས་གསོལ་བ་བཏབ་པ་ལས། སེམས་དཔའི་རྡོ་རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ། །འདུས་པ་ཆེན་པོའི་རྣལ་འབྱོར་པ། །རྡོ་རྗེ་མེ་ཡི་རང་བཞིན་དག་།བཤད་ཀྱི་ཁྱེད་རྣམས་གུས་པར་ཉོན། །རྡོ་རྗེ་མེ
96b4 ཡི་ལས་མཆོག་འདིས། །རྣལ་འབྱོར་ཐབས་སུ་བདེ་སྦྱར་བས། །རྒྱལ་བ་ཀུན་མཉེས་ཀུན་བསྲེག་སྐོངས། །དོན་གྲུབ་ལས་ཀྱི་མཆོག་ཏུ་བཤད། །སྐྱེ་མེད་རྣམ་དག་ཧོམ་ཁུང་དུ། །ཆོས་ཅན་སྐྱེ་བའི་ཡམ་ཤིང་ལ། །སྤྲོས་མེད་བྱང་ཆུབ་ཡེ་ཤེས
96b5 མེས། །མཚན་མའི་བག་ཆགས་བསྲེགས་སྦྱངས་ཐིམ། །རྣམ་དག་བྷ་གའི་ཧོམ་ཁུང་དུ། །ཆགས་པའི་ཡམ་ཤིང་སྤུངས་པ་ལ། །བདེ་ཆེན་བྱང་ཆུབ་མེ་སྦར་ཏེ། །འཁོར་བའི་དངོས་པོ་བསྲེགས་སྦྱངས་ཐིམ། །དཔལ་ཆེན་ཞལ་གྱི་ཧོམ་ཁུང་དུ། །
96b6 ཉོན་མོངས་ལྔ་ཡི་ཡམ་ཤིང་ལ། །ཡེ་ཤེས་ལྔ་ཡི་མེ་སྦར་ཏེ། །གཟུང་འཛིན་རྫས་རྣམས་བསྲེགས་སྦྱངས་ཐིམ། །སྣང་སྲིད་ནམ་མཁའི་ཧོམ་ཁུང་དུ། །འབྱུང་བ་བཞི་ཡི་ཡམ་ཤིང་ལ། །ཕྱག་རྒྱའི་ཚོགས་ཀྱི་མེ་སྦར་ཏེ། །སྣང་སྲིད་དངོས་པོ་བསྲེགས
96b7 སྦྱངས་ཐིམ། །ལས་བཞི་སོ་སོའི་ཁྱད་པར་གྱིས། །ཕྱོགས་དང་ཁ་དོག་དབྱིབས་དང་རྫས། །ཇི་ལྟར་ཡིན་པ་དེ་ལྟར་སྦྱར། །ཤར་ལྷོ་ནུབ་བྱང་དཀར་སེར་དམར། །མཐིང་ག་ནག་པོ་ཐལ་མདོག་སྦྱར། །ཟླུམ་པོ་པདྨ་ལེའུ་རྩེ་ཞི། །འཁོར་ལོ་གྲུ་བཞི་ཟུར
96b8 བརྒྱད་རྒྱས། །ཟླ་གམ་གྲུ་ཆད་གཞུ་དབྱིབས་དབང་། །གྲུ་གསུམ་བྷ་ག་ཁ་མངོན་སྦྱོར། །སུམ་བརྩེགས་མདངས་དང་རི་མོར་མཛེས། །ལས་ཀྱི་ཡམ་ཤིང་རྫས་ཀྱིས་རྒྱས། །ཡེ་ཤེས་རྡོ་རྗེའི་ལས་རྒྱུད་ལྡན། །བླ་མ་གསུམ་གྱིས་ཐབས་མཆོག་སྦྱར། །
iiif viewer powered by OpenSeadragon