| e-texts navigator |
| Wylie |
96a1 གྲུབ་དག་། རང་ཉིད་ས་ནི་བསྟིམ་པར་བྱ། །འདི་ལྟར་སྒྲུབ་པ་གཙོར་བྱེད་ན། །བདུད་རྩིའི་ཡོ་བྱད་ཐམས་ཅད་དང་། །བཅུད་ཀྱི་མཆོག་ཏུ་གྱུར་པ་རྣམས། །ལོ་ཡི་འཚོ་བར་སྦྱར་ནས་ཀྱང་། །བསྙེན་སྒྲུབ་ཡན་ལག
96a2 རྣམ་བཞི་ལས། །བསྙེན་པ་དག་གི་དུས་སུ་ནི། །གང་ཟག་མི་ཡི་ཟས་ལ་བརྟེན། །དེ་ཡང་ལོ་ཡི་སྐད་ཅིག་གམ། །གཉིས་དང་གསུམ་གྱི་བར་དུ་སྦྱར། །ལོ་ཡི་སྐད་ཅིག་བར་དུ་ནི། །བདུད་རྩི་ཡོད་བྱད་རྣམས་ལ་བརྟེན། །དེ་ནས
96a3 ལོ་ཡི་སྐད་ཅིག་ནི། །གཅིག་གམ་གཉིས་ཀྱི་བར་དག་ཏུ། །རང་ལས་བྱུང་བའི་རྫས་རྣམ་ལྔས། །འཕགས་པ་མཆོད་ཅིང་རང་གིས་བཟའ། །དེས་ནི་དྲོད་ལ་གནས་པར་འགྱུར། །དྲོད་ཐོབ་གྱུར་པ་ཕན་ཆད་ནི། །ལོ་ཡི་སྐད་ཅིག
96a4 ཐང་ཅིག་གིས། །ཏིང་འཛིན་ཟས་ཀྱི་རོ་རྙེད་ནས། ཁམ་གྱི་ཟས་དང་བྲལ་བར་འགྱུར། །དྲོད་ཆེན་རྣམ་གསུམ་རྫོགས་ནས་ནི། །རྟགས་ཆེན་དག་ནི་ཐོབ་པར་འགྱུར། །རྟགས་ཀྱི་ཆོ་འཕྲུལ་འབྱུང་བ་ནི། །རིན་ཆེན་ཕུང་པོ་འདོད་པ་ན། །
96a5 ས་རྡོ་ལ་སོགས་བྱས་ན་འགྲུབ། །ཆུ་དང་མཁའ་ལ་འགྲོ་འདོད་ན། །བརྩམས་པས་མི་འབྱིང་ཐོགས་མེད་འགྲོ། །མེ་ཡི་ཕུང་པོ་འཇིལ་འདོད་ན། །སྡིགས་པའི་མཛུབ་མོ་ཕྱར་ནས་ཀྱང་། །བདེན་པའི་བསྒོ་བ་བྱས་པས་འགྲུབ། །
96a6 དེ་ལ་སོགས་པ་ཐམས་ཅད་ནུས། །རྟགས་ཐོབ་ཕན་ཆད་སངས་རྒྱས་ཡིན་ཞེས་གསུངས་སོ། །གསང་ཆེན་ཐུགས་ཀྱི་བསྒྲུབ་པ་བཤད་པའོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས་བཀའ་གསང་འཁོར་ལོའི
96a7 བསྒྲུབ་པའི་ལེའུ་སྟེ། ཉི་ཤུ་རྩ་ལྔ་པའོ།། །། དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་རྡོ་རྗེ་མེ་གློང་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མེའི་རང་བཞིན
96a8 དུ་སྣང་བར་མཐོང་ངོ་། །དེ་ནས་འཁོར་རྣམས་ཀྱིས་ཤིན་ཏུ་བསྟོད་པ། །ེ་མའོ་སེམས་དཔའ་ཆེ་བ་ཆེ། །ཏིང་འཛིན་ཆེན་པོ་སྣང་བ་ཆེ། །ཆོ་འཕྲུལ་ཆེན་པོ་སྣ་ཚོགས་ཆེ། །ཐབས་མཆོག་ཁྱོད་ལ་ཕྱག་འཚལ་ལོ། །ཆོས་ཀུན་མེ་ཀློང་བཞིན་དུ་སྣང་། །
iiif viewer powered by OpenSeadragon