| e-texts navigator |
| Wylie |
95b1 མདོ་ལས། བདུད་རྩི་སྨན་གྱི་བསྒྲུབ་པའི་ལེའུ་སྟེ། ཉི་ཤུ་རྩ་བཞི་པའོ།། །། དེ་ནས་སེམས་དཔའི་རྡོ་རྗེ་ཆེན་པོ་དེས་བསྒྲུབ་པ་ཐམས་ཅད་ཀྱི་སྙིང་པོ་གསང་ཆེན་ཐུགས་ཀྱི་བསྒྲུབ་པ་ཞེས་བྱ་བ་འདི་བཤད་དོ། །འདུས་པ་ཆེན
95b2 པོའི་རྣལ་འབྱོར་པ་ཐམས་ཅད་ནི་དབྱིངས་སུ་ཤེས་པར་བྱ་སྟེ། འཁོར་བའི་ཆོས་ཐམས་ཅད་ནི་དབྱིངས་སུ་འདུས་ལ། མྱ་ངན་ལས་འདས་པའི་ཆོས་ཐམས་ཅད་ནི་ཡེ་ཤེས་སུ་འདུས་སོ། །དེ་གཉིས་སུ་མེད་པ་ནི་ཆོས་ཉིད་བྱང་ཆུབ
95b3 སེམས་ཀྱི་བདེ་བ་ཆེན་པོར་འདུས་པར་ཤེས་པར་གྱིས་ཤིག་། དེ་བས་ན་ཆོས་ཐམས་ཅད་ནི་ཐུགས་ཡེ་ཤེས་ཀྱི་རང་བཞིན་དུ་འདུས་ཏེ་གཉིས་སུ་མེད་དོ། །དེ་ལྟར་ན་ཀུན་རྫོབ་ཏུ་འདི་ལྟར་རིག་པར་བྱ་སྟེ་གཉིས་སུ་མེད་པའི་དོན་ལ་འཇུག་པར
95b4 བྱའོ། །འདུས་པ་ཆེན་པོའི་རྣལ་འབྱོར་པ། །དམ་པའི་དོན་གྱི་ཆོས་རྣམས་ཀུན། །ཐམས་ཅད་རང་གི་སེམས་ལ་རྫོགས། །ཀུན་རྫོབ་ཆོས་རྣམས་གང་ཡིན་པ། །ལུས་དང་ངག་ལ་རྫོགས་པར་བཤད། །དེས་ན་ཆོས་འདི་ཐམས་ཅད་ཀྱང་། །
95b5 རྩ་བ་རང་ལ་རྫོགས་པ་སྟེ། །འདི་དག་བསྒྲུབ་པའི་ཐབས་མཆོག་ཀྱང་། །རྣམ་པར་རྟོག་པའི་རྡུལ་བསལ་ནས། །བསྒྲུབ་པའི་རྒྱལ་པོ་ཡབ་ཡུམ་གཉིས། །དོན་ལ་མཁས་པར་བྱས་ནས་ནི། །སོ་སོའི་ཐུགས་ལ་ཐིག་ལེ་དག་།
95b6 ཟླ་གམ་དཀར་དམར་གདབ་པར་བྱ། །དེ་ཡི་རྫས་མཆོག་ཆེན་པོ་ཡང་། །ཐབས་ཀྱི་ག་པུར་ཆེན་པོ་དང་། །ཤེས་རབ་གསང་བའི་ཙནྡན་གཉིས། །དཀར་དམར་ཟླ་གམ་ཆེན་པོར་བྱ། །ཡབ་ཀྱི་ཐུགས་ཀར་དཀར་པོ་ལ། །ཐིག་ལེ་ཁ་ནི་མར་ལྟ
95b7 བའོ། །ཡུམ་གྱི་ཐུགས་ཀར་དམར་པོ་ལ། །ཐིག་ལེ་ཁ་ནི་ཡར་ལྟ་བའོ། །ཡབ་ཀྱི་ཐིག་ལེའི་དབུས་སུ་ནི། །དཔལ་བེའུ་དབུས་སུ་ཉི་མ་བྲི། །དབུས་སུ་ཨོཾ་གསལ་ནང་དུ་ཧཱུ~ཾ། །ཡུམ་གྱི་ཐིག་ལེའི་དབུས་སུ་ནི། །པདྨ་དབུས་སུ་ཟླ་བ་བྲི། །དབུས་སུ་ཨ
95b8 གསལ་ནང་དུ་ཧཱུ~ཾ། །དེ་ལྟར་གསལ་བར་གྱུར་པ་ན། །ཀུན་ཏུ་བཟང་པོ་ཡབ་ཡུམ་དུ། །གཉིས་སུ་མེད་པར་བསྒྱུར་བར་བྱ། །ཏིང་འཛིན་གསལ་བར་གྱུར་པ་དང་། །རང་ལས་བྱུང་བའི་བདུད་རྩི་ཡིས། །གསང་བ་གཉིས་ཀྱི་མཆོད་པ་བྱ། །རང་ལས་བྱུང་བའི་དངོས
iiif viewer powered by OpenSeadragon