| e-texts navigator |
| Wylie |
95a1 བསྒྲུབ་རྫས་དེ་དག་ཐམས་ཅད་ཀྱང་། །བ་ཡི་འོ་མས་འདི་གུར་བྱ། །ཆ་རེས་བསྐྱེད་ཅིང་བཟའ་བར་བྱ། །ཟོས་པའི་ཡོན་ཏན་བསམ་མི་ཁྱབ། །ཟག་པ་ཟད་ནས་ནམ་མཁར་འགྲོ་ཞེས་གསུངས་སོ། །བདུད་རྩི་འདེ་གུའི་བསྒྲུབ་པ་རྣམ་པར
95a2 བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །འདི་ཡང་གོང་མ་ལྟར་བྱས་ཏེ། །དེ་དང་མི་མཐུན་བསྒྲུབ་རྫས་རྣམས། །བདུད་རྩིར་འགྱུར་བའི་སྨན་རྣམས་ཀུན། །ཐམས་ཅད
95a3 ཐམས་ཅད་བསྡུ་བར་བྱ། །ཏིལ་ཆེན་ལ་སོགས་ཞུན་གྱི་མཆོག་།ཐམས་ཅད་བསྡུས་ཤིང་སྦྱར་བྱས་ནས། །གནས་ཀྱང་གོང་མ་བཞིན་བཙལ་ཏེ། །བདུད་རྩི་བཀྲམ་ནས་བསྒྲུབ་པར་བྱ། །འཕྲོ་འདུ་བཟླས་བརྗོད་རྒྱུན་མི་གཅད། །གྲུབ་པའི་རྫས་སུ
95a4 གྱུར་པ་དང་། །སྨན་རྣམས་ཕྱེ་མར་བཏག་པར་བྱ། །དེ་དག་ཕྱེ་མར་གྱུར་པ་དང་། །ཞུན་ཆེན་དག་དང་སྦྱར་བར་བྱ། །སྦྱོར་བའི་ཆོ་ག་རྫོགས་པ་དང་། །དངོས་གྲུབ་མཆོག་ནི་བླང་བར་བྱ། །གཞན་ནམ་གཞན་གྱི་སྡེ་པ་དང་། །ལོ་ཡིས་བཤུགས
95a5 ཏེ་འཕྲད་མི་བྱ། །འཚོ་བ་བདུད་རྩི་ཞུན་གྱིས་སྦྱར། །བདུད་རྩི་གྲུབ་པའི་རྟགས་ཆེན་ནི། །བ་སྤུ་ལངས་དང་གཟི་མདངས་འབར། ཁམ་གྱི་ཟས་བྲལ་བདེ་བར་འཚོ། །ཤེས་རབ་གསལ་ཞིང་ཐོགས་པ་མེད། །ཟག་པ་ཟད་ནས་ནམ་མཁར་འགྲོ་ཞེས
95a6 གསུངས་སོ། །བདུད་རྩི་ཞུན་ཆེན་གྱི་བསྒྲུབ་པ་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །རློན་པའི་རྫས་ལ་སྨན་བསྒྲུབ་ན། །ཐམས་ཅད་གོང་མ་བཞིན་སྦྱར་ནས། །
95a7 མཎྜལ་ཐིག་ལེ་ལྔ་པ་ལ། །བཀྲ་ཤིས་དཔལ་ལྡན་ལྔ་གཞག་ནས། །གཙོ་བོ་ལྔ་དང་འབྲས་བུ་ལྔ། །རློན་པར་བཀོད་ནས་ཡི་གེས་སྦྱང་། །ཏིང་འཛིན་བཟླས་པའི་མེ་སྦར་བས། །དང་པོ་རོ་འབྱུང་སྐམས་པ་དང་། །དེ་ནས་བཏག་བཙག
95a8 གོང་མ་བཞིན། །སྦྱར་ནས་རིགས་ཀྱིས་བསྙེན་པས་སྦྱང་། །དེས་ནི་མཚན་མ་བྱུང་བ་དང་། །དེ་བཞིན་གོང་ལྟར་ཅི་བདེར་སྤྱད་ཅེས་གསུངས་སོ། །བདུད་རྩི་རློན་སྦྱོར་གྱི་སྒྲུབ་པ་བཤད་པའོ།། །།རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི
iiif viewer powered by OpenSeadragon