| e-texts navigator |
| Wylie |
94a1 འཆི་མེད་བདུད་རྩིས་གཅོང་རྙིང་སྦྱང་། །མཚན་མ་བརྟག་ཕྱིར་གཅལ་ནས་ནི། །རྡོ་རྗེ་དཔལ་ལྡན་ཁ་སྦྱོར་བླུགས། ཁ་དོག་རིགས་ལྔའི་རས་ཀྱིས་བཀྲི། །རྡོ་རྗེ་དབང་གི་རྒྱ་ཡིས་གདབ། །རྡོ་རྗེ་སྔགས་ཀྱི་གཟུངས་ཀྱིས
94a2 གདགས། །དཔལ་ཆེན་སྐུ་ལྔར་མངའ་གསོལ་ཏེ། །ཡེ་ཤེས་ལྔ་ཡི་དབང་བསྐུར་བྱ། །མཎྜལ་དག་ཏུ་དགོད་པར་བྱ། །ཀུན་གྱིས་བསྐོར་ཞིང་དངོས་གྲུབ་དབབ། །རྩི་དང་སྨན་གྱི་བདག་པོ་དང་། །རྟགས་ལྡན་རིག་འཛིན་ཕྲ་མོ་དག་།
94a3 རོལ་མོ་ཆ་བྱད་མང་པོས་བསྟེན། །བསྒྲུབ་པ་འབྲུ་མཆོག་གཏམས་པས་དགང་། །བཀྲ་ཤིས་གོས་ཀྱིས་རྒྱས་པར་ཀླུབ། །གཟུངས་ཐག་གཉེར་ཅན་རིགས་སུ་དབུལ། །ཏིང་འཛིན་མེ་ཡིས་རྣམ་པར་སྦྱང་། །རྟགས་ཆེན་ལྔ་ནི་གང་བྱུང་ཡང་། །
94a4 མྱུར་ཏེ་དངོས་གྲུབ་བླང་བར་བྱའོ། །བདུད་རྩི་སྒྲ་ལས་དྲངས་ནས་ནི། །དཔལ་ལྡན་པདྨ་ལྡན་པ་རུ། །ཐམས་ཅད་བདུད་རྩིར་ས་མ་ཡ། །མཁའ་ཀློང་ཡངས་པར་བདེ་ཆེན་རྫོགས། །རང་ཉིད་བདུད་རྩིའི་དཀྱིལ་འཁོར་རྫོགས། །གཞན་ནས་བསྒྲུབ་པ་ཅི
94a5 ཡང་མེད། །འཇུག་པ་ལ་སོགས་ཐམས་ཅད་ཀྱང་། །ཚུལ་བཞིན་དུ་ནི་རྒྱས་པར་བྱ་ཞེས་གསུངས་སོ། །བདུད་རྩི་ཕྱེ་མའི་བསྒྲུབ་པ་རྣམ་པར་བཤད་པའོ།། །།དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །
94a6 འདུས་པ་ཆེན་པོའི་རྣལ་འབྱོར་པ། །ཐམས་ཅད་དེ་འདྲར་སྦྱར་ནས་ཀྱང་། །མཎྜལ་འཁོར་ལོ་རྩིབས་བརྒྱད་པ། །ཕྱག་རྒྱའི་ལྷ་རྣམས་རྫོགས་བྱས་ནས། །སྨན་སྦྱང་བཏགས་བཙགས་གཅལ་ནས་ཀྱང་། །སྦྲང་ཆང་འོ་མས
94a7 གོང་བུར་བྱ། །བསེ་ཕོར་མཚན་ལྡན་ནང་དུ་གཞག་།ལེགས་པར་ཁ་སྦྱར་རས་ཀྱིས་དཀྲི། །གོང་མ་བཞིན་དུ་ཀུན་སྦྱར་ནས། །དངོས་གྲུབ་མཆོག་རྣམས་བདག་གིས་བྱ་ཞེས་གསུངས་སོ། །བདུད་རྩི་རི་ལུའི་ཆོ་ག་རྣམ་པར
94a8 བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །སྐྱོ་མའི་ཆོ་ག་འདི་ལྟ་སྟེ། །ཐམས་ཅད་གོང་མ་བཞིན་སྦྱར་ནས། །མཚན་མ་གསལ་པོ་འབྱུང་བ་དང་། །
iiif viewer powered by OpenSeadragon