| e-texts navigator |
| Wylie |
92a1 མིང་ངམ་མཚན་མ་རྟེན་ཏེ་གཞག་།དེ་ཡི་ཁ་ལ་ཐབ་ཏུ་བརྩིགས། །པད་མ་དཔལ་བེའུ་དབྱིངས་འདྲ་ཐབ། །མཁས་པས་ཡམ་ཤིང་བརྩམ་པར་བྱ། །བྱ་བའི་བྱ་བ་ཐམས་ཅད་ཀུན། །གོང་དུ་སྦྱོར་བ་དེ་ལྟར་སྦྱོར། །
92a2 ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འཁོར་བ་ཐམས་ཅད་སྒྲོལ་བ་བསྒྲུབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།། །།
92a3 དེ་ནས་ཡང་སེམས་དཔའི་རྡོ་རྗེ་དེས་དུག་གསུམ་ཐུགས་སུ་དབང་སྒྱུར་བ་ཞེས་བྱ་བའི་མདོ་འདི་གསུངས་སོ། །འདུས་པ་ཆེན་པོའི་རྣལ་འབྱོར་པ། །དུག་གསུམ་དབང་དུ་བསྒྱུར་པ་ཡང་། །འདི་ལྟར་ཁོང་དུ་ཆུད་པར་བྱ། །དུག་གསུམ་རང་བཞིན་གང
92a4 ཡིན་པ། །སྐུ་གསུམ་ཉིད་ཀྱི་ངོ་བོ་སྟེ། །གཞན་ནས་བཙལ་བ་ཅི་ཡང་མེད། །དེ་ལྟར་ཤེས་པར་འགྱུར་བ་དང་། །ཀུན་རྫོབ་ཚུལ་དུ་འདི་ལྟར་བསྒྱུར། །ཐམས་ཅད་གོང་མ་བཞིན་སྦྱར་ལ། །སྟེགས་བུ་འདོམ་གང་བ་ཞིག་ལ། །
92a5 ཕྱི་ར་དམར་པོ་རྒྱས་པར་བྱ། །དེ་ནས་མཐིང་ནག་གྲུ་གསུམ་བརྩིག་།དེ་ནས་དམར་ནག་ཟླ་གམ་བྱ། །ཟླ་གམ་དབུས་སུ་དཔལ་ཆེན་འབར། །དབང་ཕྱུག་གནས་བརྒྱད་ཟླ་གམ་མཐའ། །བར་རིམ་བར་ལ་དུར་ཁྲོད་འབར། །
92a6 ཐ་མར་དམར་པོ་གྲུ་བཞི་ལ། །སྒོ་བཞི་སྒོ་སྲུངས་བཅས་པར་བྱ། །དེ་ཡི་མཐའ་མ་མེ་རིས་བསྐོར། །ཁྲོ་བཅུ་འབར་བའི་རྟགས་རྣམས་བགོད། །བསྒྲུབ་དང་འཇུག་དང་དབང་བསྐུར་རྣམས། །གོང་མ་བཞིན་དུ་སྦྱིན་པར་བྱ། །
92a7 དེས་ནི་ཐམས་ཅད་རྫོགས་པ་ཡིན། །དུག་གསུམ་ཐམས་ཅད་ཟིལ་གྱིས་གནོན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་དུག་གསུམ་དབང་བསྒྱུར་བ་ཞེས་བྱ་བ་བསྒྲུབ་པའི་ལེའུ་སྟེ
92a8 ཉི་ཤུ་རྩ་གཉིས་པའོ། ། །། དེ་ནས་སེམས་དཔའི་རྡོ་རྗེ་དམ་པ་དེས་བུད་མེད་ཐམས་ཅད་དབང་སྒྱུར་བ་ཞེས་བྱ་བའི་དཀྱིལ་འཁོར་ཆེན་པོ་འདི་གསུངས་སོ། །འདུས་པ་ཆེན་པོའི་ཚོགས་ཆགས་པ་ཐམས་ཅད་དབང་དུ་འདུ་བར་འདོད་ན་འདི་ལྟར་རིག་པར
iiif viewer powered by OpenSeadragon