| e-texts navigator |
| Wylie |
91b1 བྱ། །དྲི་ཞིམ་ཙནྡན་འདེ་གུ་གཏང་། །དྲི་སྤོས་ཚོམ་བུ་རིན་ཆེན་ཕྲོག་།སྦྱིན་མཆོད་རྒྱས་པར་དེ་བཤམ་བྱ། །ལྷ་ཡི་དགེ་བསྙེན་རྣམ་པ་བཞི། །ཕྱོགས་མཚམས་བསྲུང་བའི་ལས་རྣམས་བསྒོ། །ཁྱམས་ཀྱི་ནང་རིམ་ཕྱོགས་མཚམས་སུ། །
91b2 ཆག་ཕྱེད་པ་ཡི་སྟེགས་བུ་བཅུ། །བསྐལ་པའི་མེ་དཔུང་འབར་བྲིས་ལ། །སྣ་ཚོགས་རྒྱུ་ལས་བྱས་པ་ཡི། །འཐུན་པའི་གཟུགས་བཅུ་དབང་བསྐུར་ཏེ། །ཁྲོ་བོ་གར་གྱི་ནང་མཚམས་གཅད། །དེ་ནས་མ་ཏྲང་གནོན་པར་བྱ། །དྲེགས
91b3 པ་རུ་དྲ་སྡིག་ཅན་འདི། །ནམས་ཀྱང་བསྒྲལ་བའི་ཞིང་ཡིན་ཏེ། །ཛཿ་ཧཱུ~ཾ་བ~ཾ་ཧོཿ་མ་ཧཱ་ཤྲཱི་ཧེ་རུ་ཀ་མ་ཏྲང་རུ་དྲ་ཧ་ཧ་པྲ་བེ་ཤ་ཕཊ། ཁ་ཊྭཱ~ཾ་ཕྱག་རྒྱས་བསྒྱེལ་ནས་ནི། །མ་རིག་མུན་པའི་སྒོ་ཕྱེ་ནས། །རྣམ་ཤེས་ཨ་རུ་བྱིན་བརླབས་ཏེ། །གསང་ཆེན
91b4 ཐུགས་ཀྱི་ཀློང་དུ་བསྟིམ། །སྦུབས་ནི་གཞལ་ཡས་འབར་བར་བྱ། །སྟེགས་བུ་མ་ཏྲང་གཟུགས་འདྲ་ལ། །འགྱེལ་ཐབས་བཞིན་ཕྱོགས་ཅི་འདྲར་བྱ། ཁ་དོག་སྔོ་སྐྱ་གན་རྐྱལ་ཐབས། །ཆེ་ཆུང་ཚད་མེད་གནས་ཀྱིས་སྦྱར། །
91b5 དེ་ཡི་སྙིང་གར་བང་རིམ་གསུམ། །དང་པོར་དམར་པོ་གྲུ་བཞི་བརྩིག་།གཉིས་པ་མཐིང་ནག་གྲུ་གསུམ་བྱ། །གསུམ་པ་སྨུག་ནག་ཟླ་གམ་བྱ། །ཡན་ལག་བཞི་དང་མགོ་མཚན་དྲུག་། གསང་སྒོ་གཉིས་ཏེ་བརྒྱད
91b6 དག་ལ། །སྟེགས་བུ་ཆག་ཕྱེད་གྲུ་བཞི་བརྒྱད། །དེ་ཡི་མཐའ་རིམ་ཡོངས་ཟད་དུ། །ཟླ་གམ་གསལ་བའི་མཎྜལ་བྱ། །དེ་དག་མེ་ཀློང་འབར་བར་བསྐོར། །ཡ་ཐོག་ཟླ་གམ་སྟེང་དག་ཏུ། །དཔལ་དང་ལྡན་པའི་ལྷ་མཆོག
91b7 བཞུགས། །མཐིང་ནག་གྲུ་གསུམ་མེ་དཔུང་བྲི། །གྲུ་བཞིའི་དམར་པོ་བང་རིམ་ལ། །རིགས་བཞི་ལྷ་མཆོག་དཔལ་ལྡན་གཞག་།ཡན་ལག་མགོ་མཚན་གཡས་གཡོན་བརྒྱད། །དབང་ཕྱུག་གནས་ཀྱི་བདག་མོ་བརྒྱད། །
91b8 བྲི་བྱ་ཡང་ན་མཚན་མ་གཞག་།ཚིགས་ཆེན་བརྒྱད་ལ་ཡུལ་བདག་བརྒྱད། །ཇི་ལྟར་འོས་པ་དེ་ལྟར་བྱའོ། །སྒོ་བཞིར་གསང་བ་སྒོ་མར་གཞག་།མཐའ་ཟད་ཡོངས་ཀྱི་ཟླ་གམ་ལ། །བུད་མེད་ཉི་ཤུ་རྩ་བརྒྱད་གཞག་།
iiif viewer powered by OpenSeadragon