| e-texts navigator |
| Wylie |
90b1 དེ་ནས་མཎྜལ་འདྲ་ཅིག་ལ། །དུར་ཁྲོད་མགོ་མ་ཡང་དུ་བྱ། །ཟུར་བཞི་མཎྜལ་བཞི་བྱས་ལ། །བཞི་ལས་དེ་བཞིས་ཆག་རེས་བསྟོད། །དེ་ཉིད་མ་ཏང་གཟུགས་སུ་བྱ། །སྙིང་ག་མན་ཆད་དབུས་སུ་བསྣོལ། །དཀྱིལ་འཁོར་ཆེན་པོའི་འོག་ཏུ་གཞུག་།
90b2 འཁོར་ལོ་འབར་བའི་ཐིག་བཏབ་སྟེ། །དཔལ་ཆེན་ལྔ་ཡི་ཕྱག་རྒྱ་བྱ། །ཁྱམས་གཉིས་དག་གིས་མཛེས་པ་ལ། །གནས་དང་ཡུལ་གྱི་ཕྱག་རྒྱ་དགོད། །སྒོ་བཞིར་རྡོ་རྗེ་སྒོ་བ་བཞི། །ཡན་ལག་སྤྲུལ་པའི་མགོ་བརྙན་གནས། །ཕྱི་ཁྱམས
90b3 རྡོ་རྗེ་མེ་རིར་བྱ། །དེ་ཡི་ཕྱི་རོལ་ཕྲེང་ཆེན་གཏམས། །སྐམ་དང་ར་རི་རློན་པས་བསྐོར། །དེ་ཡི་ཕྱི་རོལ་མེ་བུར་འཚུབ། །བསྐལ་པའི་བུ་ཡུག་བྲི་བར་བྱ། །རྡོ་རྗེ་སྒོ་ཁྱུད་སྒོ་གང་དུ། །གུ་གུ་ཐུལ་དང་ཟ་ར་ཚགས། །ཞིང་དང་སྦྲུལ་ཀྱི་ཆུན་པོ་བྲི། །
90b4 དེ་ནས་བནྡྷ་དཔལ་ལྡན་ལ། །རྡོ་རྗེ་དཔལ་གྱི་ཡི་གེ་དག་།བྲིས་ལ་ཁ་སྦྱར་སྦུབ་སྟེ་གཞག་།གའུ་ཆུང་ལ་རལ་པ་ཅན། །བརྒྱད་བྲིས་འབྱུང་བའི་གནས་སུ་གཞག་།ལས་བྱེད་བརྒྱ་དང་བཅུ་གཉིས་ལ། །ལས་བྱེད་བཅུ་གཉིས་བྲིས
90b5 ལ་འགོད། །ཐར་པ་གནས་ཀྱི་དཀྱིལ་འཁོར་དུ། །གདོལ་པ་འབྱུང་པོ་ང་རྒྱལ་ཅན། །ཆགས་སྡང་རྣམས་ཀྱིས་བསླད་པའི་རྒྱུ། །དེ་ཡི་དུག་གསུམ་གཤིག་པའི་ཕྱིར། །དོན་གྱི་བསྒྲུབ་པ་ཆེན་པོ་བཤད། །རུ་དྲ་ལྔ་ཡི་ཚོགས་ཆེན་ཏེ། །
90b6 ཏིང་འཛིན་ཡེ་ཤེས་ལྔས་བཅོམ་ནས། །རྡོ་རྗེ་དྲོད་ཀྱིས་རྣམ་པར་སྦྱར། །མདོ་ཡིས་ལ་སྟབས་གཅིག་ཏུའོ། །བགེགས་ཀྱི་བགེགས་ཏེ་བགེགས་ཆེན་པོ། །དུག་ལྔ་རྟོག་པ་ཉིད་ལས་སྐྱེས། །ཕྱེ་དང་གསུམ་གྱི་དུར་ཁྲོད་ནས། །གཞི་རྩ་ངག་དང
90b7 ལུས་སེམས་སོ། །བརྗིད་ལྡན་དཔལ་ཆེན་དུར་ཁྲོད་བདག་།བདག་རྟོག་རྟོག་འཇོམས་ཏིང་འཛིན་གྱིས། །སྲིད་གསུམ་རུ་དྲ་དུར་ཁྲོད་དུ། །ཚོགས་བདག་ཆེན་པོ་དེ་བརྒྱད་བྱ། །མ་རིག་མུན་ཁང་སྒོ་ཕྱེད་ནས། །གླང་ཆེན་སྨྱོན་པ་དེ་བཟུང་ནས། །
90b8 གཟུང་འཛིན་དམ་པོའི་རྟོད་ཐག་བཅད། །དུག་གསུམ་རྣམ་རྟོག་རྟོད་ཕུར་དབྱུང་། །ངན་སོང་འདམ་ནས་དྲངས་ནས་ནི། །ཉོན་མོངས་དཔུང་རྒོད་དེ་བཏུལ་ནས། །ཡེ་ཤེས་ཐབས་ཀྱིས་རྣམ་སྦྱངས་ཏེ། །ནམ་མཁའི་ཀློང་དུ་དམྱིགས་མེད་པར། །
iiif viewer powered by OpenSeadragon