| e-texts navigator |
| Wylie |
90a1 ཐིག་ལེ་དཀར་དམར་ལ། ཁ་སྦྱོར་བར་དག་རྡོ་རྗེས་འབྲེལ། །དེར་ནི་དཔལ་ཆེན་ཡབ་ཡུམ་བཞུགས། །ཕྱི་མཚམས་ལེའུ་ཚེ་དེ་བརྒྱད་ལ། །ཟླ་གམ་བརྐྱང་བ་བརྒྱད་བྱས་ཏེ། །ཡེ་ཤེས་གནས་ཀྱི་མ་བརྒྱད་དགོད། །ཕྱི་རོལ་སྒོ་གཅིག
90a2 ཁྱམས་དེ་ལ། །བསྒྲུབ་པའི་རྫས་ཀྱིས་མཛེས་པར་དགྲམ། །བསམ་བྱ་བསྒྲུབ་པ་ལ་སོགས་ཀུན། །ཐམས་ཅད་དེ་བཞིན་འདིར་སྦྱར་བྱ། །འདི་ལྟར་གྲུབ་པའི་སྐྱེས་བུ་གང་། །ཆོས་ཀྱི་རྒྱལ་པོར་གྱུར་པ་སྟེ། །ཐམས་ཅད་ཀུན་ལ་དབང་སྒྱུར་བའི། །
90a3 སྐྱེས་བུ་ཆེན་པོར་དེ་འགྱུར་རོ། །ཞེས་གསུངས་སོ། །དེ་ནས་ཡང་སེམས་དཔའི་རྡོ་རྗེ་དེས་ཆོ་འཕྲུལ་ཐམས་ཅད་ལ་དབང་སྒྱུར་བ་ཞེས་བྱ་བ་འདི་གསུངས་སོ། །འདུས་པ་ཆེན་པོའི་རྣལ་འབྱོར་པ། །འདི་ཡང་ཐམས་ཅད་དེ་འདྲར་སྦྱར། །ཀུན་དུ
90a4 གྲུ་བཞིར་ལྡན་འགྱུར་བ། །འཁོར་ལོ་རྩིབས་བརྒྱད་དག་ཏུ་བྱ། །གྲུ་ཆད་བཞི་ཡི་ཕྱི་རོལ་ཏུ། །སྒོ་བཞི་དག་དང་ལྡན་པར་བྱ། །ཕྱི་ཁྱམས་དམར་ནག་མེ་རི་གློང་། །ཤིན་དུ་བརྗིད་ཅིང་འཇིགས་པར་བྲི། །ཐིག་ལེ་དབུས་ཀྱི་སྙིང་པོ་ལ། །
90a5 ཟླ་གམ་འབར་བས་མཚན་པར་བྱ། །རྩིབས་མཆོག་བརྒྱད་ལ་ཟླ་གམ་ནི། །ནང་དུ་ལྟ་བ་དེ་བརྒྱད་བྲི། །རྩིབས་མཚན་བརྒྱད་ལའང་དེ་བཞིན་ཏེ། །རྡོ་རྗེ་སྒོ་མོ་བཞི་རྣམས་ཏེ། །ཕྱག་རྒྱ་རིམ་པར་བཀྲམ་བྱས་ནས། །བསྒྲུབ་པའི་ལས
90a6 རྣམས་ཀུན་རྫོགས་བྱའོ། །དེ་ལྟར་གྲུབ་པའི་རྣལ་འབྱོར་པ། །འཇིག་རྟེན་པ་དང་འཇིག་རྟེན་ལས། །འདས་པའི་ཆོ་འཕྲུལ་ཐམས་ཅད་ལས། །དབང་སྒྱུར་བྱེད་པའི་རྒྱལ་པོར་འགྱུར་ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ
90a7 ཀུན་འདུས་རིག་པའི་མདོ་ལས་ཐིག་ལེ་སྒྲུབ་པའི་ལེའུ་ཞེས་བྱ་སྟེ། བཅུ་དགུ་པའོ།། །། དེ་ནས་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་རྣམས
90a8 དྲེགས་པ་ཅན་གྱི་ཚོགས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ། །འདི་ནི་བྱས་ལ་སོགས་པའི་ལས། །འདི་ལྟར་འབྱོར་དང་ཕུན་སུམ་ཚོགས། །ཐབས་ལ་མཁས་དང་ཡོ་བྱད་དང་། །ཇི་ལྟར་རིག་པར་འདིར་བསྡུ་བྱ། །
iiif viewer powered by OpenSeadragon