| e-texts navigator |
| Wylie |
89b1 རྣམས། །རྡོ་རྗེ་ལྷགས་པའི་རྟགས་ཀྱིས་མཚན། །ཏིང་འཛིན་དཀྱིལ་འཁོར་རྫོགས་བྱས་ནས། །སྤྱན་དྲངས་མཆོད་པ་ཀུན་བསོགས་ཏེ། །འཇུག་དང་དངོས་གྲུབ་གསོལ་བ་དང་། །དབང་བསྐུར་ལས་རྣམས་ཀུན་རྫོགས་ནས། །རྨད་དུ
89b2 བྱུང་བའི་གཏོར་མ་དག་། ཆ་གསུམ་དང་པོ་སྦྱིན་བསྲེག་བྱ། །བར་མ་མི་ཟད་གཏེར་དུ་སྦ། །བྱང་ཆུབ་སེམས་ཀྱི་ཆུ་བོ་དང་། །ཆོས་ཉིད་ནམ་མཁའི་དབྱིངས་ཆེན་དང་། །བྷ་ག་ཡུམ་གྱི་ས་གཞི་ལ། །ཤིན་ཏུ་སྦ་བའི་ཚུལ་དུ་སྦྱར། །
89b3 ཆ་གཅིག་གཞལ་ཡས་ཤར་སྒོ་ནས། །བཅུ་གསུམ་གཅལ་བར་སྟེགས་བུ་བྱ། །དེར་ནི་གནས་བདུན་གཙོ་རྣམས་ཀྱང་། །དེ་བཞིན་བཅུ་གསུམ་ལན་རེ་ལ། །གནས་ཀྱི་མགྲོན་ནི་མ་སྲིང་རྣམས། །བདུན་ཅུ་བར་དུ་ཀུན་རྫོགས་བྱ། །ཐ་མར
89b4 མཎྜལ་ཟླ་གམ་ལ། །ནུས་ན་མཁའ་འགྲོ་ནམ་མཁའི་ཧོམ། །རྫོགས་བྱ་མ་ལུས་དེ་མགུ་བྱ། །ལྷག་མར་གྱུར་པ་ཀུན་རྫོགས་བྱ། །སྙིགས་མར་གྱུར་པ་ཐམས་ཅད་ཀྱང་། །སྦ་འམ་བསྲེག་གམ་ཆུ་ཀླུང་འདོར། །རྡོ་རྗེ་གནས
89b5 ཆེན་དེ་བསྲུངས་ཏེ། །གནས་ནི་སྦ་ཕྱིར་སུ་དག་གསང་། །མི་རིག་ཕྱིར་ན་མཚན་མ་དག་།རང་རང་གནས་སུ་སླེབས་པར་བྱ། །གང་དག་འདུ་ཚེ་འང་དེ་བཞིན་ནོ། །འདི་ནི་ཐིག་ལེ་གཅིག་པ་ཡི། །བསྒྲུབ་ལུགས་ཡིན་པར
89b6 རྒྱལ་བས་བཤད། །འདི་དག་སྒྲུབ་པའི་སྐྱེས་བུ་ནི། །ཟླ་བའི་འཁོར་ལོ་ལ་གནས་ནས། །ཉི་མའི་འཁོར་ལོ་ཐོགས་ནས་ནི། །ཡང་དག་ཆོས་ཀྱི་དབྱིངས་ཉིད་ལ། །དབང་སྒྱུར་བྱེད་པའི་རྒྱལ་པོར་འགྱུར་ཞེས་གསུངས་སོ། །
89b7 ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །འདི་ཡང་རིམ་ཀྱི་གོང་མ་ལྟར། །ཐམས་ཅད་ཚུལ་བཞིན་སྦྱར་བྱས་ནས། །ཕྱི་རུ་ཀུན་ཏུ་གྲུ་བཞི་ལ། །ཐིག་ལེ་ཟླ་བ་གཅིག་ཏུ
89b8 བྱ། །དེ་ལ་སྲད་བུ་བཞི་བསྣོལ་བས། །ལེའུ་ཚེ་དགུ་རུ་གྱུར་པར་བྱ། །ཕྱི་རོལ་མུ་ཁྱུད་ཐོད་པས་བསྐོར། །གྲུ་བཞི་གྲུ་ཆད་རབ་མཛེས་བརྒྱན། །དེ་ཡི་མཐའ་ཟད་ཁྱམས་གཅིག་ལ། །སྒོ་གདོང་སྒྲུབ་པ་པོ་ལ་ལྟ། །དབུས་སུ
iiif viewer powered by OpenSeadragon