| e-texts navigator |
| Wylie |
89a1 སྒྱུ་མར་སྣང་། །སྒྱུ་མའི་རང་བཞིན་སྟོང་པ་སྟེ། །སྟོང་པའི་དོན་རྣམས་གང་ཡིན་པ། །མི་འགྱུར་མི་ཤིགས་རྡོ་རྗེའི་དོན། །སྟོང་པ་ཉིད་ལ་སྒྱུ་མ་ཡི། །ཆོ་འཕྲུལ་བྱེ་བ་མང་པོ་འབྱུང་། །དེ་བཞིན་སྒྱུ་མའི་ཆོ་འཕྲུལ་ཡང་། །གྱིན་ད
89a2 ཙམ་གྱི་རྒྱུ་རྐྱེན་ལས། །ཆོ་འཕྲུལ་གཟུགས་ནི་ཐ་དད་སྣང་། །སྣང་ཡང་དངོས་པོར་མ་གྲུབ་སྟེ། །འགྱུར་འཇིགས་མེད་པས་རྡོ་རྗེའི་དོན། །ཀུན་རྫོབ་སྒྱུ་མའི་མཚན་ཉིད་ཀྱང་། །རྡེའུ་དང་ཤིང་བུའི་རྒྱུ་དག་ལས། །སྨན་དང
89a3 སྔགས་ཀྱིས་རྐྱེན་སྦྱར་ནས། །འབྲས་བུ་སྒྱུ་མའི་ཆོ་འཕྲུལ་འབྱུང་། །སྒྱུ་མའི་གསང་ཚིག་སྦྱོར་བ་ནི། །སྒྱུ་མའི་བདག་པོས་འདི་སྐད་བཤད། །སྒྱུ་ལ་འདོད་པའི་གཟུགས་བྱས་ལ། །ཤེའུ་རེའུ་སྨན་གྱི་བཏབ་ནས་ནི། །གསང
89a4 སྔགས་འདི་ཡི་སྦྱོར་བ་བྱ། །ཤེའུ་རེའུ་ཨི་ན་ཡ། ། མོ་ཁ་ཨ་གུསྶ་གུས། །ཆག་ཤིང་དག་གིས་བརྡབས་བྱས་ན། །ཇི་ལྟར་འདོད་པ་སྣ་ཚོགས་བྱ། །བསྡུ་བར་འདོད་ན་སླར་བཟློག་བྱ། །དེས་ན་སྒྱུ་མའི་གཡེང་བ་ཅན། །དྲང་བའི
89a5 ཐབས་ཀྱིས་དཀྲི་བར་བྱ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུ་མ་རྡོ་རྗེ་བསྒྲུབ་ལུགས་ཀྱི་ལེའུ་སྟེ། བཅཝ་བརྒྱད་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ
89a6 ཆེན་པོའི་ཚོགས་ཆོས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ། །ཕུན་སུམ་ཚོགས་པ་ཀུན་ལྡན་བྱས། །སྟེགས་བུ་ཀུན་དུ་གྲུ་བཞི་ལ། །མུ་ཁྱུད་གཅིག་ཏུ་བསྐོར་ནས་ནི། །ཟླ་བ་ཁམ་པའི་དབྱིབས་སུ་སྦྱར། །
89a7 སྒོ་བཞི་གྲུ་ཆད་བཞིར་ལྡན་བྱ། །དབྱིབས་ཀྱི་ཐིག་ལེ་ཟླུམ་པོ་ལ། །རྡོ་རྗེ་དང་ནི་ཉི་མས་བསྐོར། །དབུས་སུ་བནྡྷ་དཔལ་ལྡན་ལ། །དཔལ་ཆེན་ཡབ་ཡུམ་སྦྱར་ལ་གཞག་།ཚལ་བུ་བརྒྱད་ལ་གནས་བརྒྱད་སྦྱར། །ལྟེ་བ་བསྐོར་ཏེ་རིམ་པར་གཞག་།
89a8 ཐིག་ལེ་ཤར་གྱི་སྒོ་གང་དུ། །རྡོ་རྗེ་རྣལ་འབྱོར་གསང་མིང་དང་། །དངོས་གྲུབ་གསོལ་བྱ་བྲིས་ལ་གཞག་།མཆོད་པའི་ཁྱམས་སུ་གྱུར་པ་ལ། །བསྒྲུབ་པའི་རྫས་དང་མཆོད་པ་རྣམས། །རིམ་པ་བཞིན་དུ་མཛེས་པར་དགྲམ། །རྡོ་རྗེ་རྣལ་འབྱོར་དེ་དག
iiif viewer powered by OpenSeadragon