| e-texts navigator |
| Wylie |
88a1 བཀྲ་ཤིས་མཛེས་དང་ལྡན་འགྱུར་བ། །བོང་ཚོད་ལོ་ནི་དར་ལ་བབ། །རིགས་ལྔའི་མཚན་དང་ལྡན་པ་ལ། །བསྒྲལ་བའི་རྫས་སུ་རུང་བ་དག་།ཡིད་འོང་འབྱོར་ལྡན་བཙལ་ནས་ནི། །བསྒྲུབ་པའི་རྫས་སུ་བྱ་བ་དེ། །དེ་འདྲའི་མཚན
88a2 རྟགས་ཡོད་པ་ནི། །ས་སྦྱངས་ས་ལ་སླེབས་པའོ། །བསྒྲུབ་པའི་རྒྱུ་མཆོག་དེ་དག་ནི། འདའ་ཧུ་མན་འདས་དབང་པོ་བསྒྱུར། །རྡོ་རྗེ་པྲ་མཁན་ཕབ་ནས་ནི། །སྣང་སྲིད་ཐམས་ཅད་དྲི་བ་འམ། །ལེགས་ཉེས་ཐམས་ཅད་དྲི་བར་བྱ། །
88a3 དབང་པོ་སྒོ་ལྔའི་དཀྱིལ་འཁོར་དུ། །བདུད་རྩི་རྣམ་ལྔའི་ཐི་ལེ་གདབ། །རྣམ་ཤེས་འབྱུང་བའི་སྒོ་ལྔ་རུ། །སོ་སོ་འབྱུང་བའི་རྫས་རྣམས་གདབ། །སོ་སོ་རིགས་ཀྱི་ཕྱག་རྒྱས་གདབ། །ཕྱག་རྒྱ་བཀོད་དེ་ཉོན་མོངས་བསྒྲལ། །བསྒྲལ་སྦྱར
88a4 ཐམས་ཅད་སྦྱངས་ནས་ནི། །མཆོད་དང་མཉེས་དང་དམ་སྐོངས་དང་། །དངོས་གྲུབ་རྣམ་གསུམ་གང་ཐོབ་བླང་། །ཐོབ་ནས་ཐམས་ཅད་ཅི་བདེར་སྤྱད། །ཅེས་གསུངས་སོ། །དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ། །
88a5 འདུས་པ་ཆེན་པོའི་ཚོགས་བར་དུ་གཅོད་པ་ཐམས་ཅད་བཟློག་པའི་བསྒྲུབ་པ་ཆེན་པོ་ནི་འདི་ལྟར་རིག་པར་བྱའོ། །གོང་མ་བཞིན་དུ་ལས་བརྩམས་ནས། །ཐར་པའི་རྒྱུ་མཆོག་དེ་དག་ནི། །རུས་པ་རྡོ་རྗེ་ཐལ་བར་བསྒྲུབ། །རུས་པའི་ཚོགས་ནི
88a6 ཐམས་ཅད་ཀུན། །བསྲེགས་དང་ལྕེ་པོག་ནག་པོར་སྦྱར། །ཁྱབ་འཇུག་གའུ་ཁ་སྦྱར་དུ། །བཅུག་སྟེ་འཇོམས་པའི་ཕྱག་རྒྱ་དང་། །དྲག་པོ་སྔགས་ཀྱིས་བསྒྲུབ་བྱས་ནས། །གྲུབ་ན་རྣལ་འབྱོར་དོན་ལྡན་གྱི། །བར་ཆད
88a7 ཟློག་པའི་གཉེན་པོར་སྦྱར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་ཐལ་ཆེན་གྱི་སྒྲུབ་ཐབས་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི
88a8 སྐད་ཅེས་གསུངས་སོ། །འདུས་པ་ཆེན་པོའི་ཚོགས་པྲ་ཐམས་ཅད་ནི་འདི་ལྟར་རིག་པར་བྱའོ། །མཎྜལ་གྲུ་བཞི་པ་གཅིག་ལ། །ཟླ་གམ་སྒོ་གཅིག་རྡོ་རྗེས་བསྐོར། །མཐའ་ཁྱུད་སྒོ་བཞི་ལྡན་པར་བྲི། །རྒྱུ་མཆོག་དབང་པོ་ཕྱེད་ལྡན་ཤིས། །
iiif viewer powered by OpenSeadragon