| e-texts navigator |
| Wylie |
87b1 རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མངོན་ཤེས་རིག་པའི་བསྒྲུབ་ལུགས་ཀྱི་ལེའུ་ཞེས་བྱ་སྟེ། བཅཝ་ལྔ་པའོ།། །། དེ་ནས་སེམས
87b2 དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་ཚོགས་མཆོག་ཆེན་པོའི་བསྒྲུབ་ལུགས་ནི་འདི་ལྟར་རིག་པར་བྱའོ། །དོན་ལ་བརྩོན་པའི་རྣལ་འབྱོར་པས། །ལས་ཀྱི་སྟེགས་བུ་ཆག་ཕྱེད་པ། །མེ་རིས་བསྐོར་ཏེ
87b3 འབར་བར་བྱ། །དཀྱིལ་འཁོར་དེའི་མཎྜལ་ནི། །སུམ་བརྩེག་བྱས་པའི་དབུས་ཟླ་གམ། །བརྒྱད་ཀྱིས་མཛེས་པར་བྱ་བའོ། །ཕྱི་མཐའ་ཐོད་པའི་ཕྲེང་བས་བསྐོར། །དེ་མཐའ་མེ་དཔུང་འབར་བས་བསྐོར། །དེ་ཡི་ཕྱི་མཐའ་དམར
87b4 ཆེན་རྒྱས། །ཟླ་གམ་དབུས་སུ་དཔལ་ཆེན་འབར། །ཟླ་གམ་བརྒྱད་ལ་གནས་བདག་བརྒྱད། །མཐིང་ནག་ཡ་ཐ་མེ་རིར་འབར། །དེ་འོག་ཐོད་པ་ཚར་གསུམ་དང་། །སྒོ་ཁྱམས་དུར་ཁྲོད་རྫས་ཀྱིས་བསྐོར། །སྒོ་བརྩེག་སྒོ་ཁྱུད་ཐ་མ་བྲན། །
87b5 ཐམས་ཅད་གང་ཡིན་དེ་ལྟར་སྦྱར། །ཕུན་སུམ་ཚོགས་པར་གྱུར་པ་ན། །རྣམ་བཞི་ལས་ཀྱི་མཎྜལ་བརྩམ། །འཇིགས་བྱེད་བསྐལ་པའི་དཀྱིལ་འཁོར་དུ། །ཟ་བྱེད་འབར་བའི་ཕྱག་རྒྱ་ཡིས། །ཐར་པ་ཙ་ར་བསྒྲོལ་བའི་ཕྱིར། །དྲོད་ལྡན་མན་ངག
87b6 འཆང་བ་དེས། །མཆོག་གི་བྱིན་བརླབས་གཞག་པར་བྱ། །དག་པ་གསུམ་གྱིས་གཞུང་བསྲང་ནས། །གནས་མཆོག་དབེན་པའི་རི་བོ་རྩེ། །རྣ་ཉན་ཕྲ་གསག་ཅན་དང་བྲལ། །འདུ་འཛི་འགྲོ་འོང་ཆད་པ་དང་། །གསང་ཆེན་སྤྱོད་པའི་གནས་སུ
87b7 ཤིས། །རྣམ་བཞི་ལས་ཀྱི་རྟགས་ཉུང་ན་འང་། །གཅིག་གཉིས་ལྡན་ན་འབྲིང་དུ་བཤད། །བསྒྲུབ་པའི་རྒྱལ་པོ་གདེང་ལྡན་པ། །ཤིན་ཏུ་བརྗིད་ཅིང་སྲན་ཚུགས་པ། །ཁུ་འཕྲིག་རྟོག་བྲལ་བརྟུལ་ཞུགས་ཅན། །ལས་ཀྱི་ཕྲེང་བ
87b8 ལྷག་ཆད་མེད། །དྲི་ཞིམ་དག་པའི་སྨན་དག་གིས། །ཕྱི་བཀྲུ་ཤི་ནེ་ད་ཧུ་ལས། །ནང་ཡང་དག་པ་ཆེན་པོར་བྱ། །ཚད་མར་སྦྱར་བའི་བཀའ་དང་ནི། །ལྡན་ནས་དུས་བཏབ་ཤིན་ཏུ་བརྩམ། །དེ་ཡང་བརྟག་པའི་གལ་ཆེ་ནི། །
iiif viewer powered by OpenSeadragon