| e-texts navigator |
| Wylie |
87a1 འབུམ་བཟླས་ན། །སྒྲ་ཡི་བྱེ་བྲག་ཐམས་ཅད་ཐོས། །འདི་ནི་རྣ་བའི་མངོན་ཤེས་སོ། །རྡོ་རྗེ་ཚིག་ཏུ་བརྟག་པ་ནི། །བཛྲ་གརྦྷ་སྟ་མ་སི་ཧོ། སྣ་ཡི་དབང་པོ་ཐམས་ཅད་ཀུན། །བསྐམས་སམ་ཕྱེ་མར་བྱས་ནས་ནི། །
87a2 བཅུད་ཀྱི་སྙིང་པོར་སྦྱར་བྱས་ཏེ། །དྲི་སྣ་ཚོགས་དང་བསྲེས་པ་ལས། །ཚོར་བའི་སྙིང་པོ་འབུམ་བཟླས་ན། །སྣ་ཡི་མངོན་ཤེས་ཐོབ་པར་འགྱུར། །རྡོ་རྗེ་ཚིག་ཏུ་གཟུང་བ་ནི། །བཛྲ་ན་མ་སི་ཏ~ཾ་ཧཱུ~ཾ། ལྕེ་ཡི་དབང་པོ་ཐམས་ཅད
87a3 ཀུན། །བསྐམས་སམ་ཕྱེ་མར་བྱས་ནས་ནི། །བཅུད་ཀྱི་སྙིང་པོར་སྦྱར་བྱས་ཏེ། །རོ་ཡི་མཆོག་ལ་སོགས་པ་ལས། །རོ་ཡི་སྙིང་པོ་འབུམ་བཟླས་ཏེ། །སྨྲ་བྱེད་ལྕེ་ཡི་དཀྱིལ་འཁོར་ནི། །སྟེགས་བུ་ཁྲུ་གང་གྲུ་བཞི་ལ། །
87a4 དབུས་སུ་གསང་བའི་རྡོ་རྗེ་བྲི། །མཐའ་མ་ལྕེ་ཡི་པད་མ་བསྐོར། །ལྕེ་ལ་ཚིག་གི་འོད་ཟེར་འཕྲོ། །སྨྲ་བའི་བསྒྲུབ་པས་འདི་རྫོགས་ན། །སྨྲ་བའི་དབང་པོ་ཁ་དབྱེ་ཞིང་། །རོ་རྣམས་ཐམས་ཅད་ཤེས་པར་འགྱུར། །འདི་ནི་ལྕེ་ཡི
87a5 མངོན་ཤེས་ཡིན། །རྡོ་རྗེ་ཚིག་ཏུ་བརྟག་པ་ནི། །བཛྲ་པཱ་ཤ་སིདྱཱ་ཧཱུ~ཾ། །སྙིང་གི་དབང་པོ་ཐམས་ཅད་ཀུན། །བསྐམས་སམ་ཕྱེ་མར་བྱས་ནས་ཀྱང་། །སྙིང་པོ་མཆོག་དང་སྦྱར་བྱས་ཤིང་། །དྲན་པའི་སྙིང་པོ་འབུམ་བཟླས
87a6 ཤིང་། །དཔལ་བེའུ་ཙིཏྟའི་དཀྱིལ་འཁོར་ནས། །དྲན་པའི་རྟེན་གྱིས་ཡོངས་བསྐོར་ཏེ། །སྙིང་གི་དཀྱིལ་འཁོར་རྫོགས་པ་དང་། །དབང་པོ་ཐམས་ཅད་གསལ་བ་དང་། །ཐམས་ཅད་མ་ལུས་ཤེས་པར་འགྱུར། །
87a7 གཞན་གྱི་སེམས་ནི་ཤེས་པའི་མཆོག་།བཛྲ་ཙིཏྟ་སི་དྱ་ཧཱུ~ཾ། །ལུས་ཀྱི་དབང་པོ་ཐམས་ཅད་ཀུན། །བཏགས་སམ་ཕྱེ་མར་བྱས་ནས་ནི། །སྲ་མཁྲེགས་བཅུད་དང་སྦྱར་བྱས་ཏེ། །རེག་བྱའི་སྙིང་པོ་འབུམ་བཟླས་ན། །
87a8 ལུས་ཀྱི་མངོན་ཤེས་ཐོབ་པར་འགྱུར། །མངོན་ཤེས་འདི་དག་ཀུན་རྫོགས་ན། །མི་གནས་ཡེ་ཤེས་ཆེན་པོའི་རྒྱུ། །ཕྲ་མོ་འང་ནན་ཏན་མཆོག་ཏུ་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ
iiif viewer powered by OpenSeadragon