| e-texts navigator |
| Wylie |
86a1 པའི་ཁ~ཾ་བརྒྱད་གསལ། །རྩིབས་ལ་ནང་དུ་ལྟ་བ་བརྒྱད། །མུ་ཁྱུད་བརྒྱད་ལ་ཕྱིར་ལྟ་བརྒྱད། །གྲུ་ཆད་བཞི་ལ་ནང་དུ་ལྟ། །ཐིག་ལེ་རྣམ་བཞི་བྲི་བར་བྱ། །ཕྱི་རིམ་བར་ཁྱམས་དེ་དག་ལ། །ཐིག་ལེ་ཉི་ཤུ་རྩ་བརྒྱད་ནི། །ཕྱི་རུ་ལྟ་བ་བྲི་བར
86a2 བྱ། །བསྐལ་པ་ཆེན་པོའི་མེ་ཁྱམས་ལ། །ཐིག་ལེ་ཕྱིར་ལྟ་བཅུ་གསལ་བྲི། །དེ་ལ་ཕྱག་རྒྱ་རིམ་པར་དགོད། །མཎྜལ་སྒོ་རུ་བམ་ཆེན་གཅིག་།གླུ་བྲོ་གར་གྱིས་རྣམ་སྦྱངས་ཏེ། །དབུས་སུ་བཞག་སྟེ་ཤར་དུ་བསྟན། །དེ་ཡི་ཕུང་པོ
86a3 གཞལ་ཡས་ཁང་། །བྷྲུ~ཾ་ལས་བསྐྱེད་དེ་གསལ་བར་བྱ། །དེ་རུ་ཕྱག་རྒྱའི་ཚོགས་ཆེན་བསྒོམ། །རྫས་ཀྱི་གནས་རྣམས་སོ་སོ་ལ། །རིགས་ཀྱི་ལྷ་རྣམས་རིམ་པར་དགོད། །དེ་ནས་རྡོ་རྗེ་བསྙེན་པ་བྱ། །བྱིན་ཕེབས་རྟགས་ལུང
86a4 མགུ་བ་ན། །བམ་དེ་བྱང་ཤར་མཚམས་སུ་བསྒྲལ། །རྫས་རྣམས་སོ་སོར་བསྔོས་ནས་ཀྱང་། །ཕྱག་རྒྱ་བཞུགས་པའི་གནས་རྣམས་སུ། །མ་ནོར་བར་ཡང་དགོད་དེ་སྦྱར། །དཔལ་དང་ལྡན་པའི་སྣོད་དགུ་ལ། །རྨད་དུ་བྱུང་བ་དགུ་བཀོད་དེ། །
86a5 འབར་བ་ཆེན་པོའི་གནས་གནས་སུ། །བརྗིད་པའི་ཚུལ་དུ་གསལ་བར་བསྒོམ། །ཕྱག་རྒྱ་གཞན་ཡང་རྫོགས་པར་དགོད། །ཡེ་ཤེས་རྫོགས་པའི་དཀྱིལ་འཁོར་དུ། །དབང་ཆེན་ཟླ་གམ་སྐར་ཚོགས་བཀྲམ། །རྡོ་རྗེ་མི་ཕྱེད་དགུར་འབར་བ། །
86a6 ཆེ་བ་དགུ་ཡི་ཁྱད་པར་ལས། །དཔལ་ཆེན་དགུ་ནི་སྐུ་ལ་རྫོགས། །ཡུམ་ཆེན་དགུ་ནི་དབྱིངས་ལ་རོལ། །དཔལ་བེའུ་དགུ་ནི་ཐུགས་ལ་འབར། །འབྱུང་ཆེན་དགུ་ནི
86a7 ཀློང་དུ་འཁྱིལ། །ཁུ་བྱུག་དགུ་ནི་རང་སྐད་རྫོགས། །བན་དེ་དགུ་ནི་དཔལ་དང་ལྡན། །ཟླ་གམ་དགུ་ནི་ཡུམ་གྱི་དབྱིངས། །ཐིག་ལེ་དགུ་ནི་བྱང་ཆུབ་སེམས། །ཉི་ཟླ་དགུ་ནི་འོད་འཕྲོ་འབར། །དེ་ལྟར་དགུ་དགུར་གསལ་བ་ཡི། །
86a8 དགུ་ཀློང་བྷ་ག་གཅིག་གི་ངང་། །དགུ་བཀག་གཅིག་ཕྱེ་ཐིག་ལེའི་དོན། །ཐམས་ཅད་འབྱོར་པ་རྒྱས་བྱས་ལ། །བམ་དགུ་ཕན་ཅད་སྨན་དུ་སྦྱར། །རྫས་ཀྱི་དངོས་གྲུབ་བླངས་ཏེ་སྤྱད། །ཅེས་བཅོམ་ལྡན་འདས་སེམས་དཔའི་རྡོ་རྗེས
iiif viewer powered by OpenSeadragon