| e-texts navigator |
| Wylie |
85b1 གཙོ་བོ་ཟིལ་མནན་ནས། །འཁོར་ནི་སྙེན་པའི་ཚིག་གིས་བསྟེན། །འཁོར་བའི་ལམ་ལྔ་རྒྱུད་བཅད་ནས། །རྣམ་ཐར་ནམ་མཁའི་ངང་དུ་བསླན། །གར་མཆོག་ཀློག་ལྟར་འགྱུ་བ་ཡིན། །རྨད་བྱུང་གསང་བའི་དཀྱིལ་འཁོར་ནས། །ཡི་གེ་འབར་བའི་ཆོ་འཕྲུལ
85b2 འཕྲོས། །འཕྲོ་འདུ་སྐར་ལྟར་འཁྲུག་པ་ལས། ཁམས་གསུམ་བུད་ཤིང་ཐལ་བར་རླགས། །རྡོ་རྗེ་བུ་ཡུག་སྐར་མདའི་སྟབས། །རྡོ་རྗེ་འབྲུག་ཆེན་ལྡིར་བའི་གླུ། །དོན་གྲུབ་རྡོ་རྗེ་གསང་བའི་ཚིག་།གདུག་པའི་དཔུང་རྣམས་རྣམ་པར་འཇོམས། །
85b3 རྡོ་རྗེ་སྤྲུལ་པའི་དཀྱིལ་འཁོར་བས། །ཐབས་ཀྱི་བྱང་ཆུབ་སེམས་སྤྲིན་སྤྲོས། །དབང་སྡུད་ཆགས་པའི་ཁྱད་པར་ལས། །འཇིག་རྟེན་བུ་མོ་དྲུག་དང་རོལ། །སེང་གེ་རྣམ་པར་རོལ་པའི་སྟབས། །རྡོ་རྗེ་ཁྱུང་སྐད་འགྱུར་བའི་གླུ། །ཆགས་པ་རྩད
85b4 ནས་གཅོད་པའི་ཚིག་། རྡོ་རྗེ་རོལ་པའི་དོན་ཆེན་པོ། །འཁོར་ལོ་འབར་བའི་དཀྱིལ་འཁོར་ནས། །མཚོན་ཆ་འབར་བའི་ཡིག་འབྲུ་འཕྲོས། །རྒྱུ་དྲུག་ངོ་བོ་རྩད་ནས་གཅོད། །དུག་ལྔའི་ཕུང་པོ་རྣམ་པར་སྤྲོས། །ཡེ་ཤེས་རྣོ་དབལ་མཚོན
85b5 ཆེན་པོ། །ཆོས་ཉིད་བདལ་བའི་ཀློང་ནས་འཕྲོ། །ཐབས་མཆོག་དབྱིག་གི་རྩལ་ཤུགས་ལས། །འབར་བའི་མཚོན་ཆ་ཆར་ལྟར་འབབ། །ཡི་གེ་ཡེ་ཤེས་མཚོན་ཆའི་ཆར། །རྡོ་རྗེ་ལྕེ་ཡི་ཤུགས་ཀྱིས་དབབ། །རིན་ཆེན་གཏེར་གྱི་ལོངས་སྤྱོད
85b6 རྣམས། །རྟོག་པའི་རི་བོ་གཞོམ་པ་དང་། །དུག་གསུམ་ཕུང་པོ་གཞིག་པའི་ཕྱིར། །འཁོར་ལོ་ལྕགས་ཀྱུ་ལ་སོགས་པ། །རྟེན་དང་གསང་ཆེན་ཏིལ་མཆོག་དང་། །དངས་མ་ལ་སོགས་སྒོ་ཀུན་རྣམས། །སོ་སོའི་ཆ་རུ་ཕྱེ་ནས་ནི། །
85b7 ཐུགས་རྗེས་ཉོན་མོངས་སྦྱོང་བ་ཡི། །སོ་སོ་གཉེར་གྱི་རང་སྐལ་དུ། །ཕྱག་རྒྱ་སོ་སོའི་སྐབས་སུ་གདབ། །དེ་ལྟར་རྫོགས་པར་གྱུར་པ་དང་། །མཎྜལ་ཀུན་གྱི་ཚད་འདྲ་ལ། །དབུས་སུ་ཐིག་བཞི་ལེ་ཚེ་དགུ། །མཐའ་བསྐོར་འཁོར་ལོའི
85b8 རྩིབས་བརྒྱད་བྱ། །དེ་ལ་སྒོ་བཞི་སྒོ་ཁྱུད་བཅས། །མཐའ་ཟད་བསྐལ་པའི་མེ་རི་བྲི། །དབུས་སུ་དཀར་དམར་ཁ་སྤྲོད་བྲི། །ཕྱོགས་མཚམས་བརྒྱད་དུ་ཁ~ཾ་བརྒྱད་བྲི། །འཁོར་ལོའི་བར་མཚམས་མུ་ཁྱུད་ལ། །ནང་དུ་བལྟས
iiif viewer powered by OpenSeadragon