| e-texts navigator |
| Wylie |
306b1 ཕྱི་ནང་ཐམས་ཅད་ཀྱི་དངོས་པོ་ལ་རྔོན་པས་རི་དགས་མཐོང་བ་བཞིན་ནོ། །དེ་ལྟར་ཞེ་སྡང་གི་ཤུགས་ཀྱིས་ཐམས་ཅད་དབྱིངས་ཉིད་ལ་སྦྱར་རོ། །འབྱོར་ན་འཁོར་བའི་ཆོས་ལ་སྤྱོད་ཀྱང་ལོངས་སྤྱོད་ཆེན་པོ་སྟེ། ཉོན་མོངས་པའི་འཆིང་བར་མི་འགྱུར
306b2 བས་དེ་ལྟར་སྒྲུབ་པ་ནི་འདོད་ཆགས་སོ། །ཆོས་ཀྱི་དབྱིངས་ངང་གིས་གསང་བ་ཕྲག་དོག་གོ། ཆོས་ཉིད་སྤྲོས་པ་མེད་པས་གཏི་མུག་གོ། ཆོས་ཉིད་དེ་ལྟ་བུ་ཁམས་གསུམ་ལས་རྒྱལ་བས་ང་རྒྱལ་ལོ། །དེ་ལ་གཙོ་བོ་ནི་འཁོར་ལྔའི
306b3 བྱིན་བརླབས་ནི་ཐམས་ཅད་ལ་ཁྱབ་མོད་ཀྱི་ཉེ་བར་ནི་དབུ་དང་། མདུན་དང་། ཐོང་ཀ་ཡན་ཆད། རྒྱབ་མཇུག་ཡན་ཆད་དོ། །མི་འཁྲུགས་པའི་འཁོར་ལྔའི་བྱིན་བརླབས་ནི་ཕྱག་གཡས་པ་དང་རྩིབ་ལོགས་གཡས་སོ། །རིན་ཆེན་འབྱུང
306b4 ལྡན་འཁོར་ལྔའི་བྱིན་བརླབས་ནི་ཕྱག་གཡོན་དང་རྩིབ་ལོགས་གཡོན་ནོ། །འོད་དཔག་མེད་འཁོར་ལྔའི་བྱིན་བརླབས་ནི། ཞབས་གཡོན་ནས་རྐེད་པ་གཡོན་མན་ཆད་དོ། །དོན་ཡོད་གྲུབ་པ་འཁོར་ལྔའི་བྱིན་བརླབས་ནི་ཞབས་གཡས་རྐེད་པ་གཡོན་མན
306b5 ཆད་དོ། །ཁྲོ་བོ་དང་ཁྲོ་མོ་ཐམས་ཅད་ནི་རིགས་སོ་སོའི་བྱིན་བརླབས་བཞིན་ནོ། །དེ་ལྟར་འཁོར་ལྔ་པོ་གཅིག་ལ་ཡང་ལྔ་ལྔར་འགྱུར་ཏེ། སྲ་བའི་བྱ་བ་བྱེད་པ་ཐམས་ཅད་ནི་རྡོ་རྗེའི་རིགས་སོ། །དྲོ་བའི་བྱ་བ་བྱེད་པ་ཐམས་ཅད་ནི་རིན་པོ་ཆེའི
306b6 རིགས་སོ། །གཤེར་བའི་བྱ་བ་བྱེད་པ་ཐམས་ཅད་ནི་པད་མའི་རིགས་སོ། །བསྐྱོད་པའི་བྱ་བ་བྱེད་པ་ཐམས་ཅད་ནི་ལས་ཀྱི་རིགས་སོ། །དེ་རྣམས་ཆ་མཉམ་པ་ལས་སྤྱིར་གྲུབ་པ་ནི་དངོས་སུ་བཞུགས་པ། དེ་བཞིན་གཤེགས་པའི་རིགས
306b7 སོ། །ཐམས་ཅད་བདག་ཉིད་མའི་འཁོར་ལྔའི་བྱིན་བརླབས་ནི་དབུས་སུ་གྱུར་པ་ཐམས་ཅད་དོ། །སྲ་བའི་རང་བཞིན་མེད་པ་ནི་ཡངས་པའི་སྤྱན་འཁོར་ལྔའི་བྱིན་བརླབས་སོ། །དྲོ་བའི་རང་བཞིན་མེད་པ་ནི་མཱ་མ་ཀཱི་འཁོར་ལྔའི་བྱིན
306b8 བརླབས་སོ། །གཤེར་བའི་རང་བཞིན་མེད་པ་ནི་གོས་དཀར་མོ་འཁོར་ལྔའི་བྱིན་བརླབས་སོ། །བསྐྱོད་པའི་རང་བཞིན་མེད་པ་ནི་སྒྲོལ་མའི་འཁོར་ལྔའི་བྱིན་བརླབས་སོ། །དོན་དུ་བྱ་བ་བྱེད་ནུས་པ་སེམས་དཔའོ། །དེ་བཞིན་དུ་རང་བཞིན་མེད་པ་ནི
iiif viewer powered by OpenSeadragon
