| e-texts navigator |
| Wylie |
306a1 སེམས་མ་ནི་ཆོས་ཀྱི་དབྱིངས་རིག་པའི་དོན་སེམས་ལ་སྣང་བའོ། །ལྷ་དང་སེམས་དཔའ་ནི་དབྱིངས་ལ་སྣང་བའི་དོན་མཐོང་བའོ། །དབྱིངས་ཉིད་ལ་སྣང་བ་དང་མཐོང་བའི་བྱིན་བརླབས་ཀྱི་ངང་གིས་དངོས་པོ་དང་རྒོལ་བའི་རང་བཞིན་ལྷུན་གྱིས
306a2 འཇོམས་ཤིང་དབྱིངས་སུ་སྦྱོར་བར་འདུལ་བ་ནི། །ཁྲོ་བོ་དང་ཁྲོ་མོ་ལས་རྣམ་བཞི་རང་བཞིན་དུ་མཛད་ཅིང་ཐུགས་རྗེས་འཇིག་རྟེན་སྐྱོང་བའི་དོན་ནོ། །འཇིག་རྟེན་སྐྱོང་བ་ལ་སོགས་པ་ནི་བྱིན་གྱི་བརླབས་ལས་ཕོ་ཉ་ལྟར་གནས་པ་ཡིན། རྣམ་པ་གཅིག་ཏུ་འཇིག
306a3 རྟེན་གྱི་ལྷ་མཐུ་བོ་ཆེ་འཁོར་དུ་འདུས་པར་བསྟན་པའི་དོན་ནོ། །བཀྲ་ཤིས་བརྒྱད་ནི་ཐམས་ཅད་ལ་དབང་བསྒྱུར་ཞིང་འཁོར་བ་ལ་སྤྱོད་ཀྱང་ཉོན་མོངས་པའི་འཆིང་པར་མི་འགྱུར་བ་དང་། མྱ་ངན་ལས་འདས་པ་ལ་སྤྱོད་ཀྱང་ཉན་ཐོས་ཀྱི་ཞི་བ་ཕྱོགས
306a4 གཅིག་པར་མི་འགྱུར་ཏེ། གང་གིས་ཀྱང་ཟིལ་གྱིས་མི་ནོན་པའི་ཕྱིར་བཀྲ་ཤིས་སོ། །དེ་ལ་དཔལ་བེའུ་ནི་མཁྱེན་པའི་ཡེ་ཤེས་དང་ལྡན་པའི་བཀྲ་ཤིས་སོ། །འཁོར་ལོ་ནི་ཐམས་ཅད་ལ་དབང་བསྒྱུར་བ་དང་། ཆོས་ཀྱི་འཁོར་ལོ་བསྐོར
306a5 བའི་བཀྲ་ཤིས་སོ། །རིན་པོ་ཆེ་ནི་ཟད་མི་ཤེས་པ་དང་ལྡན་པའི་བཀྲ་ཤིས་སོ། །པད་མོ་ནི་འཁོར་བས་མ་ཟིན་པའི་བཀྲ་ཤིས་སོ། །གདུགས་ནི་ཉོན་མོངས་པས་མ་གདུངས་པའི་བཀྲ་ཤིས་སོ། །བུམ་པ་ནི
306a6 བདུད་རྩི་མཆོག་དང་ལྡན་པའི་བཀྲ་ཤིས་སོ། །དུང་ནི་སྒོ་ཐམས་ཅད་སྤ་དགོང་བར་སྒྲ་སྒྲོག་པའི་བཀྲ་ཤིས་སོ། །ཉ་ནི་ལམ་རྒྱུད་ལྔའི་སེམས་ཅན་གྱི་དོན་མཛད་ཀྱང་ཉམ་ང་བ་མེད་པའོ། །ཀློང་བཞི་ནི་རིགས
306a7 ལྔའི་བྱིན་བརླབས་ཡིན་པ་འམ། ལམ་རྒྱུད་ལྔའི་སེམས་ཅན་ལ་དེ་བཞིན་གཤེགས་པའི་རང་བཞིན་ཡོད་པར་བསྟན་པ་འམ། ཐུགས་རྗེས་དེ་དག་གི་དོན་མཛད་པའི་ཐ་ཚིག་གོ། རྣམ་པ་གཅིག་ཏུ་ཐམས་ཅད་དབང་དུ་འདུས་པའི་དོན།
306a8 དེ་ལ་གཙོ་མོ་འཁོར་ལྔ་ལྔ་དང་བཅས་པ་ནི་ཅི་ཡང་མི་མཛད་དོ། །སེམས་དཔའ་སེམས་མ་ཉི་ཤུ་ནི་ཀུན་ལ་བུ་གཅིག་བཞིན་ནོ། །དེ་ལྟར་བྱས་པའི་ཤུགས་ཀྱི་ཁྲོ་བོ་དང་ཁྲོ་མོ་འཁོར་དང་བཅས་པ་ནི
iiif viewer powered by OpenSeadragon
