| e-texts navigator |
| Wylie |
304a1 ཀྱི་ཞགས་པ་པད་མོ་ཕྲེང་ལས་གནས་བསྟབས་པའི་ལེའུ་སྟེ་ཉི་ཤུ་གསུམ་པའོ། ། །། ཟླ་གམ་དཀྱིལ་འཁོར་རྩིབས་བརྒྱད་པ། །ཁྲོ་བོ་ཁྲོ་མོ་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས
304a2 བརྩམ་པར་བྱ། །ཆགས་པའི་རྡོ་རྗེ་འཁོར་བཅས་པ། །འཇིག་རྟེན་ཁམས་ནི་རབ་འབྱམ་ཀུན། །ཆགས་པས་ཡུད་ལ་དབང་མཛད་དེ། །དབང་དུ་མ་གྱུར་གང་ཡང་མེད། །རྡོ་རྗེ་ཕྲ་མེན་མངགས་ནས་སུ། །བཀུག་ནས་ཁྲོ་བོ་ཆེན
304a3 པོ་ཡིས། །ཆགས་པའི་ཚུལ་གྱིས་དེ་ལུས་ལས། །དཔའ་དང་གཟི་བརྗིད་བསྡུས་ནས་འགྲུབ། །འཕྲ་མེན་རྣམས་ནི་མངགས་ནས་སུ། །དེ་ཡི་མིག་རྣ་སྣ་དང་ལྕེ། །ལུས་དང་སེམས་བསྒྱུར་རྣམས་བསྒོམས་ན། །ཀུན་ལ་མཛེས
304a4 ཤིང་དགའ་བར་འགྱུར། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ།། །། ཧོམ་ཁུང་ཟླ་གམ་གདེངས་པ་ལ། །རྡོ་རྗེ་ཞགས་པས་བརྒྱན་པར་བྱ། །དེ་ནས
304a5 ལྷ་རྣམས་སྤྱན་དྲངས་ཏེ། །མི་ཕན་རྣམ་རྟོག་བསྲེགས་ན་འགྲུབ། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་ཧོམ་གྱི་ལེའུ་སྟེ་ཉི་ཤུ་ལྔ་པའོ།། །། ཟངས་སམ་ཁ་དོག་དམར་པོའི་ཤིང་། །མགོ་བོ་རྒྱ་མདུད་རྩེ་ཟླ་གམ། །
304a6 མགོ་ལ་ཁྲོ་བོའི་འཁོར་བསྒོམས་ཏེ། །བཏབ་ན་ངེས་པར་དེ་དབང་བསྒྱུར། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་ཕུར་པའི་ལས་བཤད་པའི་ལེའུ་སྟེ་ཉི་ཤུ་དྲུག་པའོ།། །། ཟངས་ཕྱེ་དང་ནི་བུ་རམ་དང་། །དམར་པོའི
304a7 འབྲས་ཅན་ལ་སོགས་པ། །སྦྱར་བས་གཏོར་མ་གཏང་བར་བྱ། །མཐོང་བས་ངེས་པར་དེ་དབང་འགྱུར། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་གཏོར་མའི་ལེའུ་སྟེ་ཉི་ཤུ་བདུན་པའོ།། །། ཁྲོ་མོ་རྣམས་ཀྱི་དཀྱིལ་འཁོར
304a8 དུ། །ཁྲོ་བོའི་དཀྱིལ་འཁོར་བསྒོམས་བྱས་ན། །ལྷ་ཡང་རུང་སྟེ་དབང་དུ་འགྱུར། །དེ་ནི་བདེ་བ་ཆེན་པོ་ཡིན། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་སྦྱོར་བའི་ལེའུ་སྟེ་ཉི་ཤུ་བརྒྱད་པའོ།། །།
iiif viewer powered by OpenSeadragon
