| e-texts navigator |
| Wylie |
303b1 བསྒོམ་བྱས་ན། །སྒྲུབ་པ་ཉམས་ཤིང་འབྱེ་བར་འགྱུར། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དྲག་པོའི་ལས་ཀྱི་ལེའུ་སྟེ་བཅཝ་བརྒྱད་པའོ།། །། ཧོམ་ཁུང་ཟུར་གསུམ་གདེངས་པ་ལ། །རྡོ་རྗེ་མདའ་གཞུ་ལྡན
303b2 བྱས་སྟེ། །ཐོད་པ་དག་གིས་རྣམ་པར་བརྒྱན། །སྤྱན་དྲངས་བསྲེགས་ན་ལྷ་ཡང་འཆི། །ཕྲ་མེན་མངགས་ཏེ་བཀུག་ནས་ནི། །ཐབ་ཀུན་བསྲེགས་ན་མོད་ལ་འཆི། །གསུར་དང་བསྲེས་པའི་ཤ་རྣམས་ཀྱིས། །ལྷ་རྣམས་ཐམས་ཅད་མཆོད
303b3 པར་བྱ། །རྡོ་རྗེ་གླུ་ནི་བླངས་ནས་སུ། །འབྱུང་པོའི་ཤ་ནི་ཤིན་དུ་ཞིམ། །འབྱུང་པོའི་ཁྲག་ནི་ཤིན་ཏུ་ཞིམ། །འབྱུང་པོའི་རུས་པ་ཞིམ་པ་སྟེ། །གསོལ་ཏེ་ཐམས་ཅད་དགྱེས་པར་མཛོད། །འཕགས་པ་ཐབས་ཀྱི་ཞགས་པ་པད་མོ་ཕྲེང
303b4 ལས་དྲག་པོ་ཧོམ་གྱི་ལེའུ་སྟེ་བཅུ་དགུ་པའོ། ། །། ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོ་རྣམས་བསྒོམས་ཏེ། །བཏབ་ན་ལྷ་ཡང་བརླག་པར་འགྱུར། །འཕགས་པ་ཐབས་ཀྱི
303b5 ཞགས་པ་པད་མོ་ཕྲེང་ལས་དྲག་པོའི་ཕུར་པའི་ལེའུ་སྟེ་ཉི་ཤུ་པའོ། ། །། ལྕགས་ཕྱེ་དུག་དང་རྡོ་ཕྱེ་དང་། །ཁྲག་ལས་སྦྲུས་ཏེ་བསྲེས་པ་དང་། །མུ་དགའི་ཚན་དང་སྦྱོར་བ་དག་།སྦྱོར་བས་གཏོར་ན་དེ་བརླག་འགྱུར། །འཕགས
303b6 པ་ཐབས་ཀྱི་ཞགས་པ་པད་མོ་ཕྲེང་ལས་དྲག་པོའི་གཏོར་མའི་ལེའུ་སྟེ་ཉི་ཤུ་གཅིག་པའོ། ། །། ཁྲོ་མོའི་དཀྱིལ་འཁོར་གཏུན་ཁུང་དུ། །ཁྲོ་བོའི་ཐོ་བས་བརྡུངས་པ་ཡི། །རྡོ་རྗེ་གཏུན་ཕྲུགས་བསྒོམ་བྱས་ན། །ལྷ་ཡང་རུང་སྟེ་བརྡུངས
303b7 པར་འགྱུར། །འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དྲག་པོའི་སྦྱོར་བའི་ལེའུ་སྟེ་ཉི་ཤུ་གཉིས་པའོ།། །། དྲག་པོའི་ལས་ཀྱིས་བསྒྲུབས་པའི་རྣམས། །འཁོར་བའི་ལམ་ལྔ་སྒོ་བཅད་ནས། །རྣམ་ཤེས་ཧཱུ~ཾ་གིས
303b8 བསྡུས་བཏུམས་ཏེ། །འོག་མིན་བླ་མེད་གནས་མཆོག་ན། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང་། །ཁྲོ་བོ་དང་ནི་ཁྲོ་མོ་རྣམས། །སྦྱོར་བའི་ལྷུམས་སུ་ཕཊ་ཀྱིས་འཕང་། །འཕགས་པ་ཐབས
iiif viewer powered by OpenSeadragon
