| e-texts navigator |
| Wylie |
303a1 ལག་པ་གཡས་གཡོན་དཀུར་བརྟེན་ཏེ། །རྐང་པ་གཤིབས་ཏེ་མཆོངས་པ་ནི། །བདུད་རྩི་འཁྱིལ་བའི་ཕྱག་རྒྱ་ཞེས། །དཔའ་བོ་ཆེན་པོས་ཡང་དུ་བཤད། །ལག་པ་གཡས་གཡོན་བསྣོལ་བ་དང་། །རྐང་པས་བརྐྱང་བསྐུམ་བྱས་པ་ནི། །
303a2 ཁམས་གསུམ་རྒྱལ་བའི་ཕྱག་རྒྱ་ཞེས། །མགོན་པོ་དཔའ་བོས་ཡང་དུ་བཤད། །ལག་པ་གཡས་གཡོན་སྤྲུགས་པ་དང་། །ལུས་ཀྱང་དྲག་དུ་གསིགས་པ་ནི། །རྡོ་རྗེ་ཕྲ་མེན་མ་རྣམས་ཀྱི། །ཕྱག་རྒྱ་ཡིན་པར་འདྲེན་པས་བཤད། །
303a3 ཕྱག་རྒྱ་འདི་དག་བཅིངས་ནས་ནི། །སྟབས་ཆེན་དྲག་ཏུ་མཆོངས་བྱས་ན། ཁམས་གསུམ་དག་ལས་མཆོངས་པར་འགྱུར། །གཞན་ཡང་གོ་འཕང་ཐམས་ཅད་ཀུན། །གྲུབ་པར་གྱུར་ཏེ་ཐེ་ཚོམ་མེད། །རིག་པའི་སྐྱེས་བུ་ཆེན་པོས་བཤད། །
303a4 འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཕྱག་རྒྱའི་ལེའུ་སྟེ་བཅུ་དྲུག་པའོ།། །། འཁོར་ལོ་ཆེན་པོ་རྩིབས་བརྒྱད་པའི། །དཀྱིལ་དུ་ཁྲག་འཐུང་སྤྱན་དྲངས་ཏེ། །མདུན་དུ་ཧཱུ~ཾ་ཡང་སྤྱན་དྲང་ངོ་། །རྒྱབ་ཏུ་སྟོབས་ཆེན
303a5 སྤྱན་དྲངས་ནས། །འཁོར་ལོ་རྩིབས་ཀྱི་སྟེང་དག་ཏུ། །བཅུ་པོ་རྣམས་ཀྱང་གོ་རིམས་བཞིན། །སོ་སོའི་གནས་སུ་སྤྱན་དྲངས་ཏེ། །དམར་གྱི་ཨརྒྷ་གསོལ་ནས་ནི། །མཆོད་ཡོན་གཞན་ཡང་དབུལ་བར་བྱ། །རྡོ་རྗེ་དབྱངས་ཀྱིས་བསྟོད
303a6 བྱས་ཏེ། །དེ་ནས་ལས་རྣམས་བསྒྲུབ་པར་བྱ། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །ཁྲོས་པས་ཡུད་ཙམ་རླག་མཛད་དེ། །བརླག་པར་མ་གྱུར་གང་ཡང་མེད། །འཕགས་པ་ཐབས་ཀྱི
303a7 ཞགས་པ་པད་མོ་ཕྲེང་ལས་ལས་ཀྱི་ལེའུ་སྟེ་བཅུ་བདུན་པའོ། ། །། རྡོ་རྗེ་ཕྲ་མེན་སྦྱོར་བ་ཡིས། །ཡུད་ཙམ་གྱིས་ནི་དེ་བཀུག་ནས། །རྟོད་པའི་ཚུལ་དུ་རབ་བསྟབས་ན། །ལྷ་ཡང་རུང་སྟེ་བརླག་པར་འགྱུར། །འུག་པའི་མགོ་ཅན
303a8 ལ་སོགས་པའི། །ཕྲ་མེན་མ་རྣམས་སྦད་བྱས་ཏེ། །མིག་དང་རྣ་བ་སྣ་དང་ལྕེ། །དེ་ཡི་སེམས་འཕྲོགས་བསྒོམ་ཉམས་འགྱུར། །འཕྲ་མེན་རྣམས་ནི་སྦད་བྱས་ཏེ། །དེ་ཡི་སྒྲུབ་པའི་བར་གཅོད་ཅིང་། །གསང་སྟེ་འཁྲུག་པར
iiif viewer powered by OpenSeadragon
