| e-texts navigator |
| Wylie |
299b1 པར་སྣང་མཛད་ཉིད། །ོཾ་ཕྲག་གཡས་ལ་ཨཀྵ་བྷྱཿཧཱུ~ཾ། །གཡོན་རད་ན་སམྦྷ་བ་ཏྲཱ~ཾ། །རྐང་གཡས་ཨ་མོ་གྷ་སིདྡྷི་ཨཱཿ་།གཡོན་ན་ཨ་མི་ཏཱ་བྷ་སྟེ། །ཧྲཱིཿབྷྲུ~ཾ་ལས་རྡོ་རྗེ་འཁོར་ལོ་ལ། །རྡོ་རྗེ་རྣམས་ནི་རིགས་སྔགས་བརྟག་།
299b2 ཀཽ་རི་དང་ནི་ཙཽ་རི་དང་། །པྲ་མོ་ཧ་དང་བཻཏྟ་ལི། །གཞན་ཡང་བྱཱ་གྷྲྀ་མུ་ཁཱ་དང་། །སིདྷ་ལ་སོགས་མགྱོག་མ་རྣམས། །སྟི་ར་ལ་ནི་འབྲུ་ཚུགས་སུ། །བལྟ་ཞིང་རྟོད་པའི་ཚུལ་བཞིན་གནས། །ཧ་ཧ་དེ་ནས་སྐད་ཅིག་ལ། །
299b3 རིག་སྔགས་ཉིད་དང་སྦོད་གཏོང་བཅས། །དགུག་པའི་ཕོ་ཉར་བརྟག་པར་བྱ། །རས་སམ་གྲོ་ག་འམ་རྩ་རྣམས་ལ། །ཁྲོ་བའི་གཟུགས་སུ་བྲིས་པ་འམ། །ཡང་ན་སྐུད་པ་ནག་པོས་བཅིང་། །ཧ་ཧ་གད་མོ་ཆེན་པོ་དང་། །
299b4 རྡོ་རྗེ་སྐུལ་བའི་གླུ་བླངས་ཏེ། །ཕོ་ཉ་རྣམས་ལ་མངག་པར་བྱ། །དེ་ནས་རིག་སྔགས་བཟུང་ནས་ཀྱང་། །རྩ་ཡི་གཟུགས་ལ་གནས་པ་དང་། །འཁོར་ལོ་ལ་སོགས་མཚོན་ཆ་ཡིས། །དེ་དག་ཕྱེ་མར་བརླགས་པར་བྱ། །
299b5 བཛྲ་ཙཀྲ་ཧཱུ~ཾ། །ཕྱེ་མར་དེ་དག་གཏུབས་ནས་ནི། །ཐོད་པ་གཞུང་དང་བཅས་པ་ཡིས། །ཧོམ་ཁུང་གྲུ་གསུམ་སྒོ་ཅན་དུ། །ར~ཾ་ཞེས་བྱ་བའི་མེ་སྦར་ཏེ། །དྲང་སྲོང་འཁོར་བཅས་གཡབ་མོས་བོད། །དེ་ནས་རིག་སྔགས
299b6 བསྲེག་པར་བྱ། །དེ་ལྟར་ལྷ་དང་བདག་སྦྱར་ན། །རྣམ་ལྔའི་ཆས་དང་ལྡན་པར་བྱ། །མ་མོ་ཆེན་མོ་ཤ་ལ་སྤྱོན། །འབྱུང་པོའི་ཤ་ནི་ཟན་བས་ཞིམ། །འབྱུང་པོའི་ཁྲག་ནི་ཆང་བས་ཞིམ། །མ་མོ་ཆེན་མོ་ཁྲག་ལ་སྤྱོན། །གླུ་དང་གར
299b7 དང་གད་རྒྱངས་ཀྱིས། །སོ་སོར་མཆོད་དེ་བསྒྲུབ་པར་བྱ། །ཟིན་པའི་སེམས་ཅན་གང་ཡང་རུང་། །དེ་དག་སྐུད་པ་ནག་པོས་བཅིང་། །དེ་ཡང་དུམ་བུར་བཅད་པར་བྱའོ། །དེ་ནས་མྱི་དེ་སྔ་མ་བཞིན། །ཚི་གནས་བྱ་ཕྱིར་འབྲུ་ལྔ་ཡིས། །
299b8 གནས་ལྔ་དག་ཏུ་རྣམ་བཀོད་དེ། །ཟིན་པའི་སེམས་ཅན་བསྲུང་བར་བྱ། །ཚ་ཞིང་རྩུབ་པའི་ཤིང་དང་ནི། །ཤ་དང་ཆང་དང་ཡོ་བྱད་རྣམས། །གནག་ཅིང་ཚ་བར་རྣམ་སྦྱར་ཏེ། །ལྷ་ཆེན་རྣམས་ལ་མཆོད་པར་བྱ། །དེ་ནས་ལས་རྣམས
iiif viewer powered by OpenSeadragon
