| e-texts navigator |
| Wylie |
299a1 པོ་ཕབ་སྟེ་ལག་ན་རྡོ་རྗེ་ཉིད་ཀྱང་ཁས་སྦུབ་ཏུ་འགྱེལ་ནས་ཁྲག་སྐྱུག་པར་གྱུར་ཏོ། །ལྷ་དང་གནོད་སྦྱིན་ཐམས་ཅད་ཀྱང་བརྒྱལ་ཏེ་ལུས་དུམ་བུར་ཆད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་དག་གི་སྦྱོར་བ་ཆད་པར
299a2 རིག་ནས་སླར་བསླང་སྟེ། ཨོཾ་བཛྲ་སཏྭ་རཱ་ཛ་ཛྷ། དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཀྱང་འདི་ལས་འདའ་བར་མ་བྱེད་ཅིག་།ཁྱེད་ཀྱི་འཁོར་ཐམས་ཅད་ཀྱང་འདི་ལས་འདའ
299a3 བར་བྱེད་ན་ཐམས་ཅད་བརླག་པར་འགྱུར་རོ། །དེ་བཞིན་དུ་ལག་ན་རྡོ་རྗེ་ཁྱོད་ཀྱིས་ཀྱང་ལྷ་དང་གནོད་སྦྱིན་ཐམས་ཅད་ལ་བསྒོ་ཤིག་།དེ་ནས་ལག་ན་རྡོ་རྗེས་གསོལ་པ། བཅོམ་ལྡན་འདས་འདི་ན་སྲིད་པ་ཐམས་ཅད་འདུལ་བར
299a4 བགྱིད་པ། མཐུ་བོ་ཆེ་ཐམས་ཅད་འདུལ་བར་བགྱི་བ། མཐུ་བོ་ཆེ་ཐམས་ཅད་ཀྱི་ང་རྒྱལ་གཅོག་པ་བདག་ལགས་ཏེ། ཇི་ལྟར་བཅོམ་ལྡན་འདས་ཤཱཀྱ་ཐུབ་པས་མཐུ་སྟོབས་དང་ལྡན་པའི་སླད་དུ་བདག་གི་མིང་ཡང་ལག་ན་རྡོ་རྗེ་ཞེས་བཏགས
299a5 ན། འདིར་རྡོ་རྗེ་སེམས་དཔའ་བཅོམ་ལྡན་འདས་ཀྱི་བྱིན་གྱི་བརླབས་ཀྱིས་སྔགས་འདི་སྨྲས་པས་བདག་ཀྱང་ཁྲག་ཏུ་སྐྱུག་ཅིང་འགྱེལ་བར་གྱུར་ན་གཞན་ལྟ་ཅི་སྨོས། འདི་ནི་འདའ་བར་དཀའོ། །དེ་བཞིན་དུ་ལྷ་དང་གནོད་སྦྱིན་རྣམས་ལ་ཡང
299a6 བསྒོའོ། །དེ་ནས་བཅོམ་ལྡན་འདས་ཀྱིས་མ་འོངས་པའི་དུས་ན་གསང་སྔགས་འདི་སྒྲུབ་པའི་ཆོ་ག་བཤད་དེ། མ~ཾ་ལས་ཉི་མའི་དཀྱིལ་འཁོར་དུ། །དཔལ་ཆེན་ཁྲག་འཐུང་སྤྱན་དྲང་ངོ་། །སྐུ་ནི་དུད་ཀ་ཆེན་པོ་ལ། །དབུ་སྐྲ་ཁམ
299a7 ནག་རོལ་པ་ཅན། །དབུ་གསུམ་པ་ལ་ཕྱག་དྲུག་སྟེ། །དམར་དང་དུད་ཀ་གནག་པ་ཡིན། །གཡས་ཀྱི་གསུམ་ན་ཐོགས་པ་ནི། །སྟི་རའི་དབྱུག་པ་ཆེན་པོ་དང་། །དུང་ཆེན་དམར་གྱིས་བཀང་བ་ལ། །རྡོ་རྗེས་དཀྲུག
299a8 ཅིང་འཐུང་བར་བརྟག་། གཡོན་གྱི་གསུམ་ན་ཐོགས་པ་ནི། །སྟི་རའི་རྒྱུ་མའི་ཞགས་པ་དང་། །ཁྱུང་གི་ཁྲག་ཆེན་ཐོགས་པ་དང་། །སྟི་ར་ཕྲ་མོའི་གསུས་པ་ནས། །གློ་སྙིང་ནང་གྲོལ་འདྲེན་ཅིང་ཟ། །གཙུག་ཏུ་རྣམ
iiif viewer powered by OpenSeadragon
