| e-texts navigator |
| Wylie |
296a1 སེམས་དཔའ་ཆེན་པོ་ཞེས་རྡོ་རྗེ་སེམས་དཔའ་ཐོས་ནས་བཤད་དོ། །རྒྱལ་བའི་རྒྱལ་བ་རྣམས་ཀྱི་སྐུ། །སྣ་ཚོགས་ཅིར་ཡང་སྣང་མོད་ཀྱི། །ཀུན་ཏུ་རིན་ཆེན་ལྟ་བུ་སྟེ། །དོན་དང་ལས་ཡིན་བསྒོམས་པས་འགྲུབ། །དབུ
296a2 མིག་རྣ་བ་སྣ་ལྕེ་ལ། །ོཾ་ཞེས་བྱ་བ་ལྔ་བཞག་སྟེ། །གཙོ་བོ་ལྔ་དང་གཙོ་མོ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡས་པའི་སོར་མོ་ལ། །ཧཱུ~ཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །
296a3 སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡོན་པའི་སོར་མོ་ལ། །ཏྲཱ~ཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡོན་པའི་སོར་མོ་ལ། །ཧྲཱིཿཞེས་བྱ་བ
296a4 ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡས་པའི་སོར་མོ་ལ། །ཱཿ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །
296a5 འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ལྷའི་མཚན་ཉིད་དང་དཀྱིལ་འཁོར་དགོད་པའི་རིམ་པ་བསྟན་པའི་ལེའུ་སྟེ་བདུན་པའོ།། །། སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་ལ་བོས་ནས་བཤད་དོ། །
296a6 རྣལ་འབྱོར་རིག་འཛིན་མར་ལྡན་པས། །ལྔ་ཞིང་ལྔ་དང་འབྱོར་པ་ཡི། །ཚོམ་བུ་ལྔ་ཡི་ལྷ་བསྒོམས་ན། །ཐམས་ཅད་བདག་ཉིད་ཆེན་པོར་འགྱུར། །རིན་ཆེན་པད་མའི་དཀྱིལ་འཇམ་འདི། །འཛུམ་པའི་མདངས་ཀྱིས་འབུལ་ལགས་ཀྱིས། །
296a7 དགྱེས་པའི་རྡོ་རྗེ་རབ་གསོར་ནས། །བྱང་ཆུབ་སེམས་སྤྲིན་དབབ་པར་གསོལ། །རྡོ་རྗེ་གསོར་བའི་དགའ་མཆོག་འདི། །འཛུམ་ཞིང་འཁྱིལ་བའི་གནས་སུ་གསོར། །མི་དམིགས་བདེ་དང་འཕྲོ་བ་ནི། །རྡོ་རྗེ་འཛིན་མར་ལྡན་ལས་བྱུང་། །
296a8 རྣལ་འབྱོར་རིག་འཛིན་མར་ལྡན་པས། །ན་བཟའ་དང་ནི་ཞལ་ཟས་རྣམས། །གྲུབ་པའི་རྫས་སུ་དབང་བསྐུར་ནས། །གསོལ་ན་དངོས་གྲུབ་མཆོག་ཏུ་འགྱུར། །རྣལ་འབྱོར་རིག་འཛིན་མར་ལྡན་པས། །གླུ་དང་ཚིག་གི་སྒྲ་རྣམས་ཡིན། །
iiif viewer powered by OpenSeadragon
