| e-texts navigator |
| Wylie |
289b1 མོངས་འཁོར་བར་འགྱུར། །དབང་པོ་ལྔ་ཞེས་བྱ་བའི་དམ་ཚིག་ནི། །ཡུལ་ལྔ་དག་ལ་དབང་བྱེད་ཅིང་། །ཕྱིན་ཅི་ལོག་ནི་དངོས་པོར་འཛིན། །དངོས་པོར་བཟུང་བས་ཁམས་གསུམ་འཁོར། །གཟུགས་རྣམས་མ་ལུས་ཐམས་ཅད་ལ། །
289b2 སྣང་ཞིང་དངོས་པོ་མེད་པ་དང་། །ལྷ་དང་ལྷ་མོའི་དངོས་པོར་བརྟགས། །བདག་དང་ལྷ་ཉིད་གཉིས་པའོ། །སྒྲ་རྣམས་སྣ་ཚོགས་གྲགས་པ་ཡང་། །སྒྲ་ཉིད་དངོས་པོ་མེད་པར་ཤེས། །སྒྲ་བརྗོད་མ་ལུས་ཐམས་ཅད་ནི། །ཆོས
289b3 ཀྱི་སྒྲ་ཆེན་སྣ་ཚོགས་ཡིན། །དྲི་ཡི་དངོས་པོར་སྣང་བ་ཡང་། །དྲི་ཉིད་རང་བཞིན་གང་ཡང་མེད། །དྲི་སྣོམ་ཆོས་ཀྱི་དྲི་ཡིན་ཏེ། །ཤེས་རབ་ཆེན་པོས་དེ་ལྟར་རྟོགས། །རོ་ཡི་དངོས་པོ་སྣང་བ་ཡང་། །རོ་ཡི་རང
289b4 བཞིན་ཡོད་མ་ཡིན། །རོ་བྲོ་དེ་བཞིན་ཉིད་ཀྱི་རོ། །བདེ་བ་དེ་ཡིས་ཚིམ་པར་བྱེད། །རེག་བྱ་སྣ་ཚོགས་སྣང་བ་ཡང་། །རེག་བྱའི་དངོས་པོ་ཡོད་མེད་དེ། །རེག་བྱར་སྣང་བ་ལོངས་སྤྱོད་ཡིན། །བདེ་བ
289b5 ཆེན་པོ་ཆོས་ཀྱི་སྐུ། །མི་ཤེས་ཕྱིན་ཅི་ལོག་རྣམས་ཀྱིས། །དབང་པོ་ཡུལ་ལ་ཆགས་འགྱུར་ན། །རྟག་ཏུ་འདོད་དང་མི་འབྲལ་ཞིང་། །ངན་སོང་གསུམ་དང་མི་ཁོམ་བརྒྱད། །རྩ་བ་སོག་མའི་མེ་བཞིན་དུ། །
289b6 ཁམས་གསུམ་དག་ཏུ་འཁོར་བར་འགྱུར། །དེ་བས་ཡེ་ཤེས་ཆགས་མེད་རྟོགས། །བྱས་ལ་མི་སྩོགས་བསོད་ནམས་བྱོས། །ཀུན་ལ་སྤྱོད་ཅིང་མི་གོས་པས། །ཡེ་ཤེས་ཆེན་པོ་རྟག་ཏུ་སྒོམས། །མཉམ་པ་ལྔ་ཞེས
289b7 བྱ་བའི་དམ་ཚིག་ནི་དོན་དམ་པར་སྐྱེ་བ་མེད་པར་མཉམ་པ་དང་། །ཀུན་རྫོབ་སྒྱུ་མར་མཉམ་པ་དང་། དོན་དམ་པ་དང་ཀུན་རྫོབ་ཏུ་དབྱེར་མེད་པར་མཉམ་པ་དང་། ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་དང་། རྣམ་པར་ཤེས་པ
289b8 བརྒྱད་ཡེ་ཤེས་ལྔར་མཉམ་པའོ། །དེ་ལ་དོན་དམ་པར་སྐྱེ་བ་མེད་པར་མཉམ་པ་ནི། ཆོས་རྣམས་མ་ལུས་ཐམས་ཅད་ཀུན། །དེ་བཞིན་ཉིད་དང་སྟོང་པའི་མཐའ། །ཡང་དག་པ་དང་ཆོས་ཀྱི་དབྱིངས། །མཚན་ཉིད་མེད་ཅིང
iiif viewer powered by OpenSeadragon
