| e-texts navigator |
| Wylie |
284b1 བརྟག་། དེ་བཞིན་གཤེགས་པ་ལྔར་ཡང་བརྟག་།གཞན་ཡང་སྟོང་ཁམས་ཐམས་ཅད་ནི། །ཤེས་རབ་དབྱིངས་དང་འདོད་ཡོན་རྣམས། །རབ་འབྲིང་ཐ་མ་ཐམས་ཅད་སྤྱོད། །ཐམས་ཅད་མི་ཆུད་པ་ཞེས་བྱ་བའི་དམ་ཚིག་ནི། །ཕྱོགས
284b2 དུས་མཉམ་པའི་དཀྱིལ་འཁོར་དུ། །རྡོ་རྗེ་རིགས་མཆོག་མ་རྟོགས་པར། །ཐེག་པ་དམན་དང་ལྟ་བ་དམན། །དེས་ནི་ཐེག་མཆོག་རྟོགས་མི་འགྱུར། །མི་མཉམ་པ་ཡི་དོན་ཉིད་ཀུན་ཁྱབ་ཀྱང་། །ཉོན་མོངས་སྡུག་བསྔལ་ཉིད
284b3 ཀྱིས་བསྒྲིབས། །དེ་ཡིས་ཡང་དག་ཉིད་མི་མཐོང་། །མ་མཐོང་བ་ལ་མི་ཆུད་བྱ། །ཐམས་ཅད་བསྲུང་དུ་མེད་ཅེས་བྱ་བའི་དམ་ཚིག་ནི། ཐམས་ཅད་མ་ལུས་སངས་རྒྱས་ལ། །བསྒྲུབ་ཅིང་བསྲུང་བར་བྱ་བ་མེད། །དགེ་དང་མི
284b4 དགེ་གཉིས་ག་མེད། །ཉོན་མོངས་སྤངས་ཞིང་བྱང་བསྒྲུབ་མེད། །དེ་བཞིན་ཉིད་ཀྱི་གློང་གྱུར་ན། །བདེ་དང་མི་བདེ་དབྱེར་མེད་དེ། །ཡེ་ནས་དག་མཉམ་ཉིད་དུ་གནས། །དེ་ལ་བསྲུང་བྱ་རྡུལ་ཙམ་མེད། །ཐམས་ཅད་བསྲུང་བ་མེད་པ་ཤེས
284b5 བྱ་བའི་དམ་ཚིག་ནི། སེམས་ཅན་ཁམས་གསུམ་འཁོར་བ་ཡི། །ཐོག་མ་མེད་ནས་འཁོར་བ་ཡི། །ཕྱིན་ཅི་ལོག་ལ་འཇོལ་ཉོག་སྤྱོད། །གཟུང་འཛིན་དོན་ལ་ཤིན་ཏུ་ཆགས། །དེས་ན་འཁོར་བར་རྟག་ཏུ་འཕྱན། །དེ་བས་རང་སེམས་རྟོགས་བྱས་ཏེ། །
284b6 ལེ་ལོ་མེད་པར་ཡོངས་སྤངས་ཏེ། །ང་མེད་བདག་མེད་མཉམ་པར་བསྲུང་། །ཐམས་ཅད་འཇིགས་པར་བྱེད་པ་ཞེས་བྱ་བའི་དམ་ཚིག་ནི། རྡོ་རྗེ་སེམས་དཔས་བཀས་བཅད་པ། །སྡོམ་པའི་རྩ་བ་ཐམས་ཅད་ཀུན། །དོན་བཞིན་དུ་ནི་མ་བསྲུངས་ན། །ཡཀྵ
284b7 ཁྲོ་བོ་མི་དཔལ་གྱིས། །སྙིང་ནས་དྲངས་ཏེ་ཁྲག་འཐུངས་ནས། །ངན་སོང་གསུམ་དུ་སྐྱེ་བར་འགྱུར། །དེ་ཡི་སྡུག་བསྔལ་བཟོད་བརླག་ཆད། །དམ་ཚིག་འདི་ནི་རྡོ་རྗེ་ཆེ། །དམ་རྫས་སོ་སོར་སྤྱོད་པ་ཞེས་བྱ་བའི་དམ་ཚིག་ནི། རིགས་ལྔ་སོ་སོར་དབྱེ
284b8 བ་ཡི། །རྡོ་རྗེ་སེམས་དཔའ་གླང་པོའི་ཤ་།རིན་པོ་ཆེ་ནི་རྟའི་ཤ་།པད་མ་རིགས་ནི་ཨ་རི་ཀའི་ཤ་།དོན་ཡོད་ནམ་མཁའ་ལྡིང་གི་ཤ་།བདེར་གཤེགས་རིགས་ནི་ཤ་ཆེན་ནོ། །དབྱེ་བ་འམ་ཡང་ན་མི་དབྱེ་བར། །ངེས་པར་དང་དུ་བླང་བའོ། །ཡང་ན
iiif viewer powered by OpenSeadragon
